TARO 6
Na cava e parofisaitaka na iVolatabu me baleta na Mesaia?
PAROFISAI
“O iko Peceliema Efiraca, . . . ena lako mai vei iko na iliuliu ena matataki au e Isireli”
VAKAYACORI
“Ni sucu oti o Jisu mai Peceliema e Jutia ena gauna i Eroti na tui, eratou qai yaco yani i Jerusalemi na dauraikalokalo mai na Tokalau.”
PAROFISAI
“Era wasea na noqu isulu ena kedra maliwa, era qai vakawirimadigitaka na noqu isulu.”
VAKAYACORI
“Ni ratou vakoti Jisu oti ena kau na sotia, eratou kauta nona isulu e sau eratou qai wasea vakava . . . Ia e sega ni sema na isulu e loma me vaka ni tali taucoko sara ga me tekivu mai cake me yaco sara i ra. Eratou mani veikayaka: ‘Me datou kua ni dresuka, me datou vakawirimadigitaka ga me macala kina se o cei me nona.’”
PAROFISAI
“E yadrava tiko na nona sui kece, e sega ni dua e musuki.”
VAKAYACORI
“Nira lako yani vei Jisu, era raica ni sa mate tu, era mani sega ni musuka na yavana.”
PAROFISAI
“E lausua o koya ena vuku ni noda ivalavala ca.”
VAKAYACORI
“E dua vei ira na sotia e qai suaka na sarisarina ena moto, mani drodro mai kina na dra kei na wai.”
PAROFISAI
“Era mani solia na kequ isau, e 30 na tikinisiliva.”
VAKAYACORI
“E lako vei ira na iliuliu ni bete o Jutasa Isikarioti, e dua vei ratou na Tinikarua na tisaipeli qai kaya vei ira: ‘Na cava oni na solia vei au keu soli koya vei kemuni?’ Era vakadonuya mera solia vua e 30 na tikinisiliva.”