1. O cei o Jisu?

O Jisu e dua na kabula vakayalo kaukaua e tiko mai lomalagi. E buli koya sara ga e liu na Kalou o Jiova, qai muri na ka kece. Oya na vuna e vakatokai kina me “ulumatua ni kabuli kece.” (Kolosa 1:15) E tukuna na iVolatabu ni o Jisu e ‘Luve duabau ga ni Kalou,’ ni buli koya sara ga o Jiova. (Joni 3:16) O Jisu e cakacaka vakavoleka kei na Tamana o Jiova ena nodra buli na ka kece. (Wilika Vosa Vakaibalebale 8:30.) E marautaka tiko ga o Jisu na nona veivolekati kei Jiova. E yalodina me gusunivosa ni Kalou oya me “Vosa,” ni vakasavuya na nona itukutuku kei na nona ivakaro.​—Joni 1:14.

Eda ivalavala ca, eda rarawa da qai mate ni rau talaidredre vua na Kalou na imatai ni veiwatini o Atama kei Ivi.a Ia e tiko na noda inuinui. E vakarautaka o Jiova na sala meda vakabulai kina mai na ivalavala ca kei na mate, ni vakayagataki luvena o Jisu Karisito. E kaya na iVolatabu ni mate i Jisu e vakarautaki kina na ivoli. Na ivoli e dau saumi me sereki kina e dua. E voli keda tale ga o Jisu ni cabora nona bula uasivi. (Wilika Maciu 20:28.) Ni yalorawarawa o Jisu me mate ena vukuda, eda na rawata tale kina na bula tawamudu e rau vakayalia o Atama kei Ivi. E vakaraitaka tale ga o Jisu na levu ni nodrau lomani keda vakaveitamani. Ena vukei iko na lesoni qo mo vakavinavinakataka na mate i Jisu.

1. E yaga vakacava na mate i Jisu vei keda nikua?

Nida ivalavala ca, eda dau cakava e levu na ka e cata o Jiova. Ia ke da veivutunitaka noda ivalavala ca qai kerea na veivosoti i Jiova ena vuku i Jisu Karisito, da qai kua ni cakava tale na noda cala, eda na marautaka noda veiwekani voleka kei na Kalou. (1 Joni 2:1) E kaya na iVolatabu: “Ni mate ga vakadua o Karisito me baleta na ivalavala ca, na tamata yalododonu ena vukudra na sega ni yalododonu, me tuberi kemuni kina vua na Kalou.”​—1 Pita 3:18.

2. Ena yaga vakacava na mate i Jisu ena gauna se bera mai?

O Jiova e talai Jisu me cabora na nona bula uasivi “mera kua ni rusa kina o ira na vakaraitaka nodra vakabauti [Jisu], . . . mera rawata ga na bula tawamudu.” (Joni 3:16) Ena vuku i Jisu, o Jiova sa na vakarau kauta laivi kece na veika ca e vu mai na talaidredre i Atama. Kena ibalebale, ke da cakacakataka na noda vakabauta na isoro i Jisu, eda na marautaka na bula tawamudu ena parataisi e vuravura!​—Aisea 65:21-23.

VAKEKELI

3. Na mate i Jisu e sereki keda mai na ivalavala ca kei na mate

VIDIO: Na Cava e Mate Kina o Jisu?​—Wase 1 (2:01)

• Na cava e vakayalia o Atama ni talaidredre vua na Kalou?

Wilika Roma 5:12, qai veivosakitaka na taro qo:

• E vakaleqa vakacava nomu bula na ivalavala ca i Atama?

Wilika Joni 3:16, qai veivosakitaka na taro qo:

• Na cava e talai Luvena mai kina e vuravura o Jiova?

1. E uasivi o Atama, ia e talaidredre vua na Kalou qai vakavuna noda ivalavala ca kei na mate

2. E uasivi o Jisu, e talairawarawa vua na Kalou qai vakavuna meda bula uasivi meda rawata tale ga na bula tawamudu

4. E yaga vei keda kece na mate i Jisu

VIDIO: Na Cava e Mate Kina o Jisu?​—Wase 2 (2:00)

• E yaga vakacava vei keda kece nona mate e dua ga na tamata?

Wilika 1 Timoci 2:5, 6, qai veivosakitaka na taro qo:

• E uasivi o Atama, ia e vakavuna noda valavala ca kei na mate. E uasivi tale ga o Jisu. E vakarautaka vakacava na “ivoli veirauti”?

5. Na ivoli e nona iloloma vei iko o Jiova

O ira na itokani i Jiova era raica na ivoli me nona iloloma vei ira yadua. Kena ivakaraitaki, wilika Kalatia 2:20, qai veivosakitaka na taro qo:

• E kilai vakacava ena ka e cavuta na yapositolo o Paula ni raica na ivoli me nona iloloma na Kalou vua?

Ni valavala ca o Atama, e mate kina kei ira nona kawa. Ia o Jiova e tala mai na Luvena me mate mo rawata kina na bula tawamudu.

Ni o wilika na tikinivolatabu qo, vakasamataka na rai i Jiova ni vakarawarawataki o Luvena. Wilika Joni 19:1-7, 16-18, qai veivosakitaka na taro qo:

• Na cava nomu rai ena ka erau cakava o Jiova kei Jisu ena vukumu?

KA O VULICA

E vosota o Jiova noda ivalavala ca ena nona mate o Jisu, eda na rawata tale ga kina na bula tawamudu.

Railesuvi

• Na cava e mate kina o Jisu?

• Na sala cava e ivoli veirauti kina na bula uasivi i Jisu?

• E yaga vakacava vei iko na mate i Jisu?

IKURI

Vulica na vuna e vakatokai kina me ivoli na bula uasivi i Jisu.

“E Rawa Vakacava ni ‘Kedra iVoli e le Levu’ na iSoro i Jisu?” (Ulutaga ena jw.org)

Dikeva na ka meda cakava meda vakabulai kina.

“E Veivakabulai Vakacava o Jisu?” (Ulutaga ena jw.org)

E rawa ni vosota o Jiova na ivalavala ca bibi?

“Saumi na Taro Vakaivolatabu” (Na Vale ni Vakatawa, 1 Me, 2013)

Dikeva na kena yaga vua e dua na turaga na isoro i Karisito me vosota kina na nona rarawa.

“Au sa Sega ni Bobula Tale ena iValavala Voravora” (Web article)

1. Cava e dua na sala eda vakavinavinakataka kina na ka erau cakava na Kalou kei Karisito?

E yalataka na iVolatabu ni o ira na “vakaraitaka nodra vakabauti [Jisu]” era na bula tawamudu. (Joni 3:16) Na cava na ibalebale ni noda vakaraitaka na vakabauta? E sega ni okati wale ga kina noda vakabauti Jisu. Ena laurai tale ga noda vakabauta ena ivakarau ni noda vakatulewa kei na ka eda dau cakava. (Jemesa 2:17) Ni laurai noda vakabauta ena ka eda cakava kei na ka eda tukuna, eda na vaqaqacotaka noda veiwekani kei Jisu kei na Tamana, o Jiova.​—Wilika Joni 14:21.