• Qarauna na Lomada Veivakaisini
    iTukutuku ni Kalou Vei Keda ena Gusu i Jeremaia

    • 7 Era vakalaiva e levu ena gauna i Jeremaia me vakaisini ira na lomadra. E rawa ni nanuma cala tale ga e dua na lotu vaKarisito nikua ni sega ni rawa ni vakaisini koya na lomana. Kena ivakaraitaki, ena rairai nanuma e dua na ulunivale, ‘E dodonu meu cakacaka meu qarava kina noqu vuvale.’ E dina ya, ia vakacava ke sa lai vakasama va qo, ‘Au na tosoya tale noqu vuli me dua kina noqu cakacaka sau vinaka.’ Ena rairai donu tu vei ulunivale na rai qori, sa rawa ni nanuma kina, ‘Sa veisau na gauna, sa vinakati meu lai vuli ena univesiti meu rawa ni cakacaka meu bula tiko kina.’ E rawarawa sara ni raica vakamamada e dua na ivakasala vuku e vakarautaka na dauveiqaravi yalodina e vuku me baleta na kena tosoi tale na vuli, sa tekivu calata kina na soqoni! Eso era sa rawai ena vakasama kei na rai vakavuravura. (Efeso 2:2, 3) E veiganiti kina na ivakasala vakaivolatabu: “Kua ni vakalaiva na vuravura o tu kina me moici iko ina kena itovo.”—Roma 12:2, Phillips.a

      iYaloyalo ena tabana 46

      Vakacava sa vakaisini iko na lomamu mo calata kina na soqoni?

  • Qarauna na Lomada Veivakaisini
    iTukutuku ni Kalou Vei Keda ena Gusu i Jeremaia

    • a Ni vakamacalataka na sala e rawa ni muria kina e dua na ivakarau ni veika vakavuravura, e kaya na ivakamacala e ra ni tikinivolatabu qo ena ivakadewa na New English Translation (2005): “E rawa ni sega ni kidava e dua ni sa veisau tiko nona ivakarau. Ena dua tale na yasana, . . . e rawa ni sa kidava toka vakalalai na veisau sa yaco tiko. Kena ibalebale e rawa ni yaco ruarua na ituvaki qori.”