TARO 2
O na vulica vakacava na veika me baleta na Kalou?
“Me kua ni lako tani mai gusumu na ivola ni Lawa qo, mo wilika toka e ra ena siga kei na bogi mo muria vinaka na ka kece e volai kina, ena rawa vinaka na nomu sasaga, o na qai valavala vakavuku.”
“Era wilika tiko ga e cake na ivola mai na Lawa ni Kalou dina, era vakamacalataka vinaka, era tukuna na kena ibalebale, era mani vukei ira na lewenivanua mera kila na ka e wiliki.”
“E marau na tamata e sega ni muria na nodra ivakasala na daucaka ca . . . , ia e marautaka na lawa i Jiova, qai wilika e ra na nona lawa ena siga kei na bogi. . . . Na ka kece e cakava ena vuavuaivinaka.”
“Ni cici yani o Filipi ena yasa ni qiqi, e rogoci koya sara ni wilika tiko i cake na ivola i Aisea na parofita, e qai kaya: ‘O kila na ka o wilika tiko?’ E sauma: ‘Meu kila vakacava ke sega ni dua e vakavulici au?’”
“Tekivu mai na gauna a buli kina na vuravura e kilai na veika tawarairai me baleti koya, ya na nona kaukaua e sega ni vakaiyalayala, vaka kina ni o koya dina ga na Kalou, e kilai qori ena veika e buli, e sega kina na nodra iulubale.”
“Vakasamataka vakabibi na ka kece qo, me tara sara na lomamu, mera raica na tamata kece na nomu toso.”
“Meda dau veinanumi nida veivakauqeti ena loloma kei na caka vinaka, meda kua ni biuta na noda soqoni vata.”
“Ke dua vei kemuni e lailai vua na vuku, me kerea tiko ga vua na Kalou, ni na soli vua. Ni lomasavu o koya vei keda kece, e sega ni dau vaqara cala.”