Sere 114
Vosa ni Kalou—iYau Talei
1. E dua nai vola sa levu na drauna,
Vu ni veivakacegui na marau.
Lewena rui uasivi qai mana,
Yalataka na bula kei na rai.
Na iVolatabu sa ivola ni Kalou.
E uqeti ira na a vola,
Ira dina na lomani Jiova,
Yalona tabu tuberi ira.
2. Nona veibuli era a vola ga,
Nona igu buli na vuravura.
O rau na vuda bula rui totoka,
Parataisi rau vakayalia.
Ra a vola ni dua na agilosi
Cata na Kalou ni veiliutaki.
Tamata vu ni nona mai rarawa,
Jiova sa na vakarau qaqa.
3. Oqo dina na gauna meda reki,
Jisu na Tui sa veiliutaki.
Qo sigai Ja me veivakabulai
Vei ira ga na to ki nona tai.
Qo na irogo sereki nona iVola,
Nida kania sa vu ni bula.
Vuku ni tamata e uasivia,
Yaubula qo mo dauwilika.
(Raica tale ga 2 Tim. 3:16; 2 Pita 1:21.)