LESONI 6

Me Matata na iVakamacala ni Tikinivolatabu

Joni 10:33-36

IVAKAMACALA LEKALEKA: Kua ni wilika ga na tikinivolatabu, o qai vakamacalataka tale e dua na ka. Mera raica na vakarorogo ni veisemati na tikinivolatabu o wilika kei na nomu ivakamacala.

KENA ICAKACAKA:

Kila na vosa mo vakabibitaka. Ni o wilika oti e dua na tikinivolatabu, vakabibitaka eso na vosa e sema ina tikina bibi. O rawa ni cakava qori ni o cavuta tale na vosa o via vakabibitaka, se taroga na taro ena uqeti ira na vakarorogo mera kila na vosa bibi.

Ke dua tale na vosa o via vakayagataka, vakadeitaka nira kila na vakarorogo na kena sema ena iVolatabu na tikina o via vakabibitaka.
Vakavotuya na tikina bibi. Vakamacalataka mada e liu na inaki ni nomu vakayagataka e dua na tikinivolatabu, me kilai kina se sema vakacava ena tikina o via vakabibitaka.

Dolava tiko ga na iVolatabu ni o vakamacalataka na ka o wilika. Ena vukei ira na vakarorogo mera sema nomu ivakamacala ina tikinivolatabu o se qai wilika ga.
Me rawarawa ga. Kua ni kauta mai e dua tale na ka e sega ni sema ena ulutaga. Me vakatau na nomu ivakamacala ena ka sa ra kila rawa tu o ira na rogoci iko, me rawa ni matata kina na ivakamacala.