LESONI 11

Me Bulabula

Roma 12:11

IVAKAMACALA LEKALEKA: Me bulabula nomu vosa me rawa ni uqeti ira na vakarorogo.

Me tara na lomamu na ka o tukuna. Ni o vakarautaka tiko nomu vosa, vakasamataka vakatitobu na bibi ni itukutuku. Kila vinaka na ka o na tukuna mo rawa ni vosa mai vu ni lomamu.
Vakasamataki ira na vakarorogo. Vakasamataka vakatitobu na sala ena yaga kina vei ira eso tale na ka o wilika se vakavulica. Vakasamataka tale ga na sala mo vakasavuya kina na itukutuku me rawa ni uqeta na lomadra na vakarorogo.
Me bulabula. Me bulabula nomu vosa. Me matau nomu matanataka na ka o tukuna tiko, me laurai tale ga e matamu ni tarai iko.

Ke duadua tiko ga nomu matanataka na vosa era na veilecayaki na vakarorogo, lakolako era na sega ni kauai. Me vakaibalebale na ka o matanataka. Me bulabula nomu vosa ni o tukuna tiko na tikina bibi, qai uqeti ira na vakarorogo mera cakava sara. Ke lai bulabula tale vakasivia, era na guilecava na veitikina bibi.