iDusidusi ni iVola ni Soqoni ni Bula vaKarisito kei na Cakacaka Vakaitalatala
© 2023 Watch Tower Bible and Tract Society of Pennsylvania
NOVEBA 6-12
Vakekeli ena Vosa ni Kalou | JOPE 13-14
it-1 191
Dravusa
Na dravusa e dau dusia tale ga na ka e sega ni bibi se yaga. Kena ivakaraitaki, e kaya o Eparama vei Jiova, “O yau qo na kuvunisoso kei na dravusa.” (Vte 18:27; raica tale ga na Ais 44:20; Jop 30:19.) E vakatauvatana o Jope na ka eratou kaya nona itokani lasu me “vosa vakaibalebale ni dravusa.”—Jop 13:12.
NOVEBA 20-26
IYAU MAI NA VOSA NI KALOU | JOPE 18-19
“Kua ni Biuti Ira na Tacimu Vakayalo”
w90 1/9 22 ¶20
O Via Veiqaravi?
20 Me kila na ilawalawa qase ni rawa ni yalolailai e dua na qase se dauveiqaravi ni vakacegui ena itavi ena ivavakoso, kevaka mada ga e kerea me cegu. Ke sega ni vakasivoi, ia ratou raica na qase ni yalolailai, ena vinaka me ratou vukei koya vakayalo. (1 Cesalonaika 5:14) Me ratou vukei koya me raica ni se yaga tiko ga ena ivavakoso. Ke sa vakasalataki oti mada ga, ena rairai sega ni dede nona lesi tale ena so na itavi ena ivavakoso o koya e yalomalumalumu, e vakavinavinaka tale ga.
TISEBA 11-17
IYAU MAI NA VOSA NI KALOU | JOPE 25-27
“Sega ni Vinakati Mo Uasivi Mo Qai Yalodina”
it-1 1210 ¶4
Yalodina
Jope. E rairai bula o Jope mai na gauna e mate kina o Josefa me yacova na gauna i Mosese. E tukuni me baleti koya ni “sega ni cala qai turaga yalododonu [Ipe., tam] ni dau yalodina, e dau rerevaka na Kalou qai sega ni goleva na ca.” (Jope 1:1; raica JOB.) E matata ni yalodina va qori e okati ena ile e vakalewa tiko o Setani vei Jiova. Era soqo vata na agilosi ena mataveilewai mai lomalagi, e basika tale ga yani na meca ni Kalou o Setani, mani tarogi koya mai o Jiova me baleti Jope. E lasutaka o Setani na inaki ni nona qarava na Kalou o Jope, e kaya ni sega ni vinaka na nona inaki, ya me rawaka kina. E vakalewa gona nona yalodina o Jope vua na Kalou. E vakatarai me kauta tani o Setani na iyau nei Jope kei ratou na luvena, ia e sega ni tarova nona yalodina tiko ga o Jope. (Jope 1:6–2:3) E kaya o Setani ni nanumi koya ga o Jope, e bolea me kau tani nona iyau kei ratou na luvena, me bula ga o koya. (Jope 2:4, 5) Oti qori e tauvi koya e dua na mate mosimosi, e kania na yagona, e kerea tale ga o watina me vosavakacacataka na Kalou, ratou vakalewai koya na nona itokani lasu, ratou vakatanitaka na ivakatagedegede i Jiova kei na nona inaki (Jope 2:6-13; 22:1, 5-11). E kaya o Jope ni na yalodina tiko ga: “Me yacova niu mate, au na sega ni soro ena noqu yalodina! Au na taura matua na noqu yalododonu, qai sega vakadua ni laiva, ena sega ni beitaki au na lomaqu ena gauna kece ni noqu bula.” (Jope 27:5, 6) Nona yalodina tiko ga e vakaraitaka ni lasulasu na meca ni Kalou, o Setani.
TISEBA 18-24
IYAU MAI NA VOSA NI KALOU | JOPE 28-29
“E Vakataki Jope na Kemu iRogorogo?”
it-1 655 ¶10
iSulu
Levu na ka e vakaibalebaletaki ena isulu. E tiko na iunifomu se isulu era dau dara o ira na lewena se tokona e dua na isoqosoqo, e vakayagataki tale ga va qori na isulu ena iVolatabu me vakatakilai kina e dua kei na ka e cakava me vaka na vosa vakatautauvata i Jisu me baleta na isulu ni soqo ni vakamau. (Mac 22:11, 12; raica HEADDRESS; SANDAL.) Ena Vakatakila 16:14, 15, e veivakasalataki na Turaga o Jisu Karisito me kua na moce vakayalo kei na kena kau tani vua e dua na kena ivakatakilakila me ivakadinadina yalodina ni Kalou dina. Rawa sara ga ni vakavuleqa ena “ivalu ni siga levu ni Kalou Kaukaua Duadua.”
Na Cava e Okati ena Dua na Yaca?
Eda sega ni lewa na yaca e soli vei keda nida se qai sucu. Ia eda rawa ni lewa na keda irogorogo. (Vosa Vakaibalebale 20:11) Vacava mo taroga: ‘Ke rawa ni vakatokayacataki iko o Jisu kei ratou na yapositolo, na yaca cava ratou na digia? Na yaca cava e veiganiti kei na itovo au kilai kina?’
E vinakati meda vakasamataka vakabibi na taro qori. Na vuna? E vola na Tui vuku o Solomoni: “Me digitaki na yaca rogo vinaka me kua na iyau levu.” (Vosa Vakaibalebale 22:1) Macala ga ke vinaka na keda irogorogo ena vanua eda tiko kina, qori e dua na iyau talei. Koya e bibi sara, ke vinaka na yacada vua na Kalou, ena sega ni mudu na noda iyau qori. Ena sala cava? E yalataka na Kalou ni na vola ena nona “ivola ni ivakananumi” na yacadra o ira era dokai koya, ena vakalougatataki ira mera rawata na bula tawamudu.—Malakai 3:16; Vakatakila 3:5; 20:12-15.
Vakekeli ena Vosa ni Kalou
g00 7/8 11 ¶3
E Yaga Vei Iko na Matadredredre!
Vakacava e yaga na matadredredre? O bau nanuma kena vakacegui iko nona matadredredre vei iko e dua? Se vakavuna nomu rere, se o nanuma ni o cati ni sega ni dredre vei iko e dua? Io, e yaga dina na matadredredre. Ena uqeti koya e matadredredre kei koya erau sota. E tukuna o Jope vei ira na kena meca: “Niu matadredredre yani vei ira, era sega sara ga ni vakabauta, e dau vakacegui ira na serau ni mataqu.” (Jope 29:24) “Na serau” ni mata i Jope e laurai kina nona mamarau.
TISEBA 25-31
IYAU MAI NA VOSA NI KALOU | JOPE 30-31
“E Savasava Tiko ga Nona iTovo o Jope”
Vakasamataka na “Kedra iTinitini”
Ni bera ni o cakava e dua na ka, mo taroga qo, ‘Na cava na kena itinitini?’ Ni o vakasamataka na ‘kena itinitini’ ena taqomaki iko mo kua ni muria na sala ena tini ina leqa. O ira na sega ni dau vakasamataka rawa na ka, era na tini ena leqa me vaka na matedewa na AIDS, so tale na mate ca ni veiyacovi tawadodonu, buketeisala, vakalutu, tini ca nodra veibuku, e ca tale ga nodra lewaeloma. E vakamatatataka na yapositolo o Paula na kedra itinitini, ya nira “na sega ni rawata na Matanitu ni Kalou.”—1 Korinica 6:9, 10.