LESONI 12

Me Tarai Iko na ka o Tukuna

1 Cesalonaika 2:7, 8

IVAKAMACALA LEKALEKA: Mera kila na vakarorogo ni o lomani ira, o via vukei ira tale ga.

Vakasamataki ira na vakarorogo. Vakasamataka na veika dredre era sotava, kei na ivakarau ni nodra rai.
Digia vinaka nomu vosa. Saga me bulabula, veivakacegui qai veiuqeti na ka o tukuna. Qarauna me kua ni veivakacudrui na vosa o tauca, se mo cavuta e dua na ka me baleti ira na sega ni qaravi Jiova se na nodra vakabauta.
Mo kauai. Me vakilai ena rorogo ni domomu ni o vosa ena yalovinaka salavata kei na nomu matanataka. Qarauna na irairai ni matamu, saga mo dau matadredredre.

Kua ni kuria na ivakarau ni yalo. Ni o wiliwili, vakavotuya ga na ivakarau ni yalo e tiko kina, mo kua ga ni saravi kina. Saga mo vosa vakayalovinaka qai vakayalololoma vei ira na vakarorogo.