iDusidusi ni iVola ni Soqoni ni Bula vaKarisito kei na Cakacaka Vakaitalatala
© 2023 Watch Tower Bible and Tract Society of Pennsylvania
MAJI 4-10
Vakekeli ena Vosa ni Kalou
it-2 714
Loa
Ni vakayagataki vata na vosa vakaIperiu ʼi·shohnʹ (Vkr 32:10; Vvb 7:2) kei na ʽaʹyin (mata), e kena ibalebale “tamata lailai ena mata”; e va tale ga qori na bath (luve) ena Lele i Jeremaia 2:18 me ‘luve ni yalokanimata,’ rau dusia na matavosa qori na loa ni mata. Ni vakabibitaka e dua na ka ena cavuti vata na vosa vakaIperiu qori, me vaka ena Same 17:8 (ʼi·shohnʹ bath-ʽaʹyin), “tamata lailai ena mata, luve ni yalokanimata” (“loa ni mata,” NW). Qori e dusia tiko na keda iyaloyalo lailai e laurai ena loa ni matana e dua tale.
Na yalokanimatada e ka malumalumu sara. Ke dua na drauniulu lailai se kuvuniqele e kabita na bekabekanimatada, eda na vakila totolo. Me qarauni sara na tiki ni matada mamare (se cornea) e ologa tiko na loa ni matada. Na vuna? Ke mavoa na tikina qori se tauvimate, ena buawa kina noda rai, e rawa ni boko tale ga na matada. Ni vakayagataka na iVolatabu na ‘loa ni mata’ me vakabibitaka e dua na ka se vakaraitaka ni mareqeti, e vinakati me taqomaki vinaka sara. E vinakati tale ga meda taqomaka vinaka va qori se mareqeta na lawa ni Kalou. (Vvb 7:2) Ni vakamacalataki na veikaroni vakatama nei Jiova vei ira na Isireli, e tukuna na Vakarua 32:10 ni taqomaka na matanitu qori “me vaka na loa ni matana.” E masulaka o Tevita me taqomaki koya na Kalou, me karoni koya tale ga me vaka na ‘loa ni matana.’ (Sm 17:8) E vinakata me vukei koya totolo o Jiova nira valuti koya na kena meca. (Vakatauvatana Sak 2:8; e vakayagataki kina na vosa vakaIperiu ba·vathʹ ʽaʹyin, “yalokanimataqu.”)—Raica EYE.
MAJI 11-17
IYAU MAI NA VOSA NI KALOU | SAME 18
“O Jiova . . . e Dau Vakabulai Au”
Noda Koro Kaukaua na Marau e Solia o Jiova
E vakatauvatani Jiova tale ga na iVolatabu kei na so na ka. E tukuni ni vaka na “Uluvatu ni Isireli,” kei na “bai kaukaua.” (2 Samuela 23:3; Same 18:2; Vakarua 32:4) Rau tautauvata vakacava? Me vaka ga na vatu levu e toka dei ena dua na vanua, e sega ni tosoi vakarawarawa, na Kalou tale ga o Jiova e iVurevure dei ni veitaqomaki vei iko.
5 E levu ena ivola na Same na vosa vakatautauvata e vakamacalataka e levu na itovo i Jiova. Kena ivakaraitaki, e tukuni ena Same 84:11 ni o Jiova e vaka na “matanisiga kei na isasabai,” baleta ni iVurevure ni rarama, bula, kaukaua kei na veitaqomaki. Ia e kaya na Same 121:5 ni “o Jiova na vanua rurugu ena ligamu imatau.” Me vaka ga na vanua rurugu e taqomaki keda mai na katakata ni siga, o Jiova tale ga ena rawa ni taqomaki ira era qaravi koya mai na leqa lelevu era sotava, ni vakaruguti ira na yaloyalo ni ‘ligana’ se ‘tabana.’—Aisea 51:16; Same 17:8; 36:7.
it-2 1161 ¶7
Domodra
E rogoca na Kalou na domodra nona dauveiqaravi. O ira na sokalou vakayalo vua na Kalou, e yavutaki tale ga ena dina, e rawa nira masu vua na Kalou nira kila ni na rogoca na domodra, se vosa cava era masu kina. Ke sega mada ga ni rogo na domodra nira masu lo, e kila na Kalou na lomadra ni “rogoca” se vakatudaliga kina. (Sm 66:19; 86:6; 116:1; 1Sa 1:13; Nie 2:4) Na Kalou e rogoci ira na rarawa era masuti koya me vukei ira. E rogoca tale ga na domodra kei na nodra inaki ca o ira na saqati ira nona dauveiqaravi, se saga me vakaleqai ira.—Vte 21:17; Sm 55:18, 19; 69:33; 94:9-11; Jr 23:25.
Vakekeli ena Vosa ni Kalou
it-1 432 ¶2
Jerupi
Qo e sega ni ivakatakarakara rairai ca era vakatabadra era dau sokaloutaka na veimatanitu lotu butobuto me vaka era tukuna tu eso. Me vaka e tukuni ena nodra ivakarau na Jiu ena gauna makawa (e sega ni dua na ka e tukuna na iVolatabu me baleta na tikina qo), na kedrau ibulibuli na jerupi qo e vaka na tamata. E cakacakaniliga maqosa dina, rau vakatakarakarataka na kedra totoka na agilosi ni muri vinaka na kena icakacaka e tukuna vei Mosese o Jiova. (Ly 25:9) E vakamacalataki rau na yapositolo o Paula me rau jerupi vakatubuqoroqoro, erau vakaruguta na kena isogo. (Ipe 9:5) Rau vakaraitaka na jerupi qori nona tiko o Jiova: “Au na rairai vei iko e kea, qai vosa vei iko mai na dela ni isogo. Ena kedrau maliwa na jerupi erau toka ena dela ni kato ni iVakadinadina.” (Ly 25:22; Tvl 7:89) E tukuni gona ni o Jiova e “dabe tu [se, tiko ena kedrau maliwa] na jerupi.” (1Sa 4:4; 2Sa 6:2; 2Tu 19:15; 1Ve 13:6; Sm 80:1; 99:1; Ais 37:16) Na jerupi e dusia “na ivakatakarakara ni qiqi” i Jiova e vodoka (1Ve 28:18), na tabadrau na jerupi e dusia na veitaqomaki kei na totolo ni veitosoyaki. E vakamacalataka gona o Tevita ena nona serekali na totolo ni nona vukei koya o Jiova me vakataki koya e “vodo ena dua na jerupi qai vuka tiko mai,” kei na “taba ni dua na kabula vakayalo.”—2Sa 22:11; Sm 18:10.
MAJI 18-24
IYAU MAI NA VOSA NI KALOU | SAME 19-21
“Na Lomalagi e Tukuna na Lagilagi ni Kalou”
g95 11/8 7 ¶3
Sa Guilecavi ena Noda Gauna na Dauveibuli
Nida vakavinavinakataka vakalevu na veikabuli eda na kila vinaka kina na Dauveibuli, ni wavoliti keda na cakacakaniligana. Dua na gauna e tukuna o Jisu vei ratou na nona tisaipeli me ratou dikeva vinaka na senikau era tubu wale tu ga e Kalili. “Dou vuli mai na nodra tubu na lili ni veikau, era sega ni cakacaka se tali, ia au kaya vei kemudou, na iukuuku kece i Solomoni e sega ni bau yacova na kedra totoka.” (Maciu 6:28, 29) Na totoka ni dua na senikau lailai e tubu wale tu, eda kila kina ni kauaitaka na Kalou na veika me bula kina na kawatamata.
Vakekeli ena Vosa ni Kalou
it-1 1073
Vosa vakaIperiu, II
Na same qo e veisa vinaka ni sema na imatai ni vakasama kei na kena ikarua, oya na vuna e vakaibalebale kina na ka e tukuna. Na kena ivakaraitaki na Same 19:7-9:
E uasivi na lawa i Jiova,
e veivakaukauataki.
E nuitaki na veivakadreti i Jiova,
e vakavukui koya e yalowai.
E dodonu na ivakaro i Jiova,
e vakamarautaka vakalevu na loma ni tamata,
E savasava na ivakaro i Jiova,
e serau kina na mata.
E savasava na rerevaki Jiova,
e tawamudu.
E dina na lewa i Jiova,
e dodonu kece.
Dikeva ni ikarua ni vakasama ena dua na yatuvosa e taucoko kina na vakasama e vinakati me vakavotui. Kena ivakaraitaki na ikarua ni vakasama, me vaka “e veivakaukauataki” se “vakavukui koya e yalowai,” ena kila kina o koya e wiliwili tiko ni “uasivi na lawa” qai “nuitaki na veivakadreti i Jiova.” Ni wasei rua va qori, e rogo kina vakaserekali. Na ituvatuva gona ni tikinivolatabu qo e veisa kina na vakasama. Qori na vuna e tukuni kina ena so na gauna ni veisa vinaka.
EPERELI 15-21
IYAU MAI NA VOSA NI KALOU | SAME 29-31
E iLoloma ni Kalou na Veivakadodonutaki
it-1 802 ¶3
Mata
E levu tu na ibalebale ni kena ‘vunitaki na mata’ me vakatau ena ituvaki. Ni vunia na matana o Jiova e dau dusia ni sega ni vakadonuya e dua na ka se kauta tani na nona kaukaua. Qori na itinitini ca ni nona talaidredre e dua se vakailawalawa me vaka na matanitu o Isireli. (Jop 34:29; Sm 30:5-8; Ais 54:8; 59:2) Eso tale na gauna, e rawa ni dusia nona sega ni vakatakilai koya o Jiova ena ka e cakava se tukuna, e waraka ga na nona gauna lokuci. (Sm 13:1-3) E kerea o Tevita: “Ni vagolea tani na matamuni mai na noqu ivalavala ca.” E kerei Jiova gona me vosota se guilecava na nona ivalavala ca.—Sm 51:9; vakatauvatana Sm 10:11.
EPERELI 22-28
IYAU MAI NA VOSA NI KALOU | SAME 32-33
Na Cava me Vakatusai Kina na Cala Bibi?
w93 15/3 9 ¶7
E Vakabulai Keda na Yalololoma i Jiova
7 Ke da valavala ca bibi nida sega ni muria na lawa ni Kalou, de dua ena sega ni rawarawa meda vakatusa noda cala, vakabibi vei Jiova. Na cava ena rawa ni yaco ena ituvaki qori? E tukuna o Tevita ena Same 32: “Niu galu tiko [niu sega ni vakatusa], sa yavu na suiqu ena noqu vutugu voli ena siga taucoko. Ena siga kei na bogi sa bibi vei au na ligamuni [Jiova]. Na noqu kaukaua sa cawa vaka na wai ena vulaikatakata.” (Tikina e 3, 4) E vakaleqai Tevita nona saga me vunia nona ivalavala ca qai ca kina nona lewaeloma. Na levu ni nona rarawa e vakamalumalumutaki koya, e vaka sara ga e dua na vunikau madu sa mamaca tu. Kena irairai ni vakaleqa na nona vakasama kei na yagona. Sa sega ni marau. Na cava meda cakava ke da va tale ga qori?