iDusidusi ni “iVola ni Soqoni ni Bula vaKarisito kei na Cakacaka Vakaitalatala”

iDusidusi ni iVola ni Soqoni ni Bula vaKarisito kei na Cakacaka Vakaitalatala

MAJI 24-30

IYAU MAI NA VOSA NI KALOU | VOSA VAKAIBALEBALE 6

Na Cava Eda Vulica Vua na Kadi se Qasikalolo?

it-1 115 ¶1-2

Kadi se Qasikalolo

‘Na Vuku era Sucukaya.’ Na “vuku” era vakaraitaka na kadi se qasikalolo e sega ni vu mai na nodra vakasama, ia e solia vei ira na Dauveibuli. E tukuna na iVolatabu ni kadi e “vakarautaka na kena ena vulaikatakata, e kumuna na kena ena gauna ni tatamusuki.” (Vvb 6:8) E dua na mataqali kadi se qasikalolo e kune vakalevu e Palesitaina, ya na kena e dautatamusuki (Messor semirufus), e kumuna e levu na covuata ena vulaitubutubu kei na vulaikatakata qai vakayagataka ena kena gauna, wili kina na gauna ni batabata ni dredre na vaqara kakana. E laurai vakalevu na kadi qo ena rara ni butu covuata, ni levu kina na sorenikau kei na covuata. Ke tauvi uca na sorenikau sa kumuni tu, era na kauta na kadi dautatamusuki qori me lai sigani me mamaca. Ena katia tani mada ga na yasa ni sorenikau e dau tubu me kua ni kadre ni maroroi tu. Era dau vakabure na kadi dautatamusuki ena gaunisala darama, vaka kina ena qanibulu.

Eso na ka Eda Vulica. Nida dikeva vakalekaleka na ka era cakava na kadi, e salavata kei na ivakasala qo: “Mo lako vua na kadi, o iko na vucesa, mo raica matua na nona ivalavala mo vuku kina.” (Vvb 6:6) E sega ni talei wale ga nodra vakavakarau ena gauna se bera mai, ia e bibi tale ga na nodra vosota kei na gumatua, vakabibi nodra sega ni soro mera dreta eso na ka e bibi sara, era saga ena nodra igu mera qarava na nodra itavi, era sega ni suka ke ra bale, sisi, qiqi ena baba. E vakatubuqoroqoro nodra veitokoni, era samaka vinaka na nodra bure, era dau kauaitaki ira na nodra itokani, eso na gauna era vukei ira na mavoa se oca mera lesu ina nodra bure.

EPERELI 21-27

IYAU MAI NA VOSA NI KALOU | VOSA VAKAIBALEBALE 10

Eda na Marautaka Vakacava Noda Bula?

it-1 340

Veivakalougatataki

E Vakalougatataki Keda o Jiova. “Na veivakalougatataki i Jiova e veivakavutuniyautaki, e sega ni kuria o koya ena ka rarawa.” (Vvb 10:22) O Jiova e vakalougatataki ira e vakadonuya ni taqomaki ira, vukei ira mera toso, dusimaki ira, vukei ira mera rawaka, e vakarautaka tale ga na ka mera bula kina me yaga vakalevu.