LESONI 17

Kilai Rawarawa

1 Korinica 14:9

IVAKAMACALA LEKALEKA: Vukei ira na vakarorogo mera kila na ibalebale ni nomu itukutuku.

Vulica vinaka. Mo kila vinaka na ulutaga o na vosa kina, me rawarawa ga nomu ivakamacala. Vakayagataka ga na vosa ni veisiga.
Lekaleka na yatuvosa, rawarawa na matavosa. E sega ni cala ke balavu na iyatuvosa, tukuna ga na veitikina bibi ni o vakayagataka na matavosa kei na iyatuvosa leleka.

Kua ni matailalai na ka o vakamacalataka, de ra na veilecayaki na vakarorogo. Me kilai rawarawa na vosa o vakayagataka.
Vakamacalataka na matavosa dredre. Kua ni vakayagataka vakalevu na matavosa ena dredre mera kila na vakarorogo. Ke o cavuta eso na matavosa dredre, na yaca ena iVolatabu, na ivakarau ni iwiliwili makawa se dua na ivakarau vakavanua, e vinaka mo vakamacalataka.