“Au sa Qai Vakila na Kena Mana”

Ena 1994, era tabaka na iVakadinadina i Jiova e dua na ivola e vakamacalataka na sala eda rawa ni vosota kina na lolosi e dau tarai keda ke takali e dua eda lomana. Me tekivu gona mai na gauna e tabaki kina sa vakacegui ira e lewe vuqa.

Ena dua na gauna wale tiko ga oqo a tauri kina e dua na ivola ni vakavinavinaka mai vua e dua a wilika na ivola oqo e Pennsylvania, mai Mereke. Vaka oqo na ka e vola: “Ena imatai ni gauna au taura kina na ivola oqo, au sega ni vakabekataka ni dua na ivola vinaka, ia a yala toka ga e kea na noqu nanuma. Au sega vakadua ni vakila na kena yaga, me yacova sara na macawa rua sa oti. A mai takali kina na luvequ goneyalewa. E tarai au na yaluma vakaitamera, au mani vaqara veivuke, au lai tini tale ina ivola oqo. Au sa qai vakila na kena mana. Ni kovuta na ivakarau kece ni yalo e tarai au tu, e vakacegui au sara ga.”

Na ivola, Ni Mate e Dua na Wekamu Voleka, e okati tale ga kina na isaunitaro oqo: Au na vosota rawa vakacava na noqu lolosi? Mera veivuke vakacava na tani? Bau tu beka na inuinui dei me baleti ira na mate?

Rairai ena vakacegui kemuni, se dua oni kila e ganita, na kena wiliki na ivola oqo e 32 na tabana. Ke oni gadreva me dua na nomuni ilavelave, yalovinaka qai vakalewena na fomu ni kerekere e toka e ra qai vakauta mai ena itikotiko e volai toka kina, se ena itikotiko veiganiti ena tabana e 5.

□ Au kerea me dua na noqu ivola Ni Mate e Dua na Wekamu Voleka.

□ Au kerea me dua e mai vakavulici au wale e vale ena iVolatabu.