Veisautaki Au Sara Ga”

Oqori na ka e vola mai e dua na gonetagane yabaki 12 mai Virginia, Mereke, me baleta na ivola vou Vuli Vua na Qasenivuli Levu. E tukuna ni ivola oqo e vakavulici koya ena dua na ka e se sega ni kila tu se bau rogoca. E vola mai:

“E vakavulici au na Vuli Vua na Qasenivuli Levu meu dau lomana na Kalou, meu tukuni koya vei ira tale e so, meu masu tale ga vua. E vakavulici au tale ga meu dau kerea na veivuke kei na veitaqomaki ni Kalou. Au vulica tale ga ni o koya e lomana na Kalou qai muria na nona ivakasala ena bula ena Parataisi.

“E veisautaki au sara ga. Au dau lasu vakalevu, ia niu wilika na ivola oqo, au sa muduka na lasu. Na veika au vulica ena ivola oqo e vakavuna meu via wilika tale e so na ivola vaka oqo. Au na marautaka meu wilika e so tale na kena ivakamacala na Kalou.”

De dua ena vaka tale ga oqori na nomu rai ni o sa wilika na ivola rokataki e 256 na tabana e vaka na kena raba na ivoladraudrau oqo. O na taleitaka tale ga na nomu wilika na wase e so me vaka na “Vakavulici Keda ena Masu o Jisu,” “iVakavuvuli ni Yalololoma,” “E Rawati Vakacava na Marau?,” kei “Na Cava Meda Kua Kina ni Lasu?” O rawa ni kerea e dua na ivola oqo ni o vakalewena ga na fomu e toka e ra qai vakauta ina itikotiko veiganiti ena tabana e 5 ni ivoladraudrau oqo.

□ Au kerea me dua na noqu ivola na Vuli Vua na Qasenivuli Levu.

□ Au kerea me dua e mai vakavulici au wale e vale ena iVolatabu.

[iYaloyalo ena tabana e 32]

Vakavulici na ca ni lasu