Dodonu Beka Meda Vakayagataka na Yaca ni Kalou?

ENA 1902, a volatukutukutaka na Presbyterian and Reformed Review na kena tabaki ena 1901 na ivakadewa ni iVolatabu na American Standard a yavutaki ena King James Version ni ika17 ni senitiuri. E kaya kina na ulutaga ni ivolatukutuku oqo na kena dodonu me vakayagataki wasoma na yaca ni Kalou, o Jiova, ena iVolatabu Vakavalagi:

“Keimami sega ni kila se rawa vakacava me duidui na nanuma me baleta na dodonu ni kena vakayagataki na yaca oqo. E yaca sara ga ni Turaga, e sa digitaka mera kilai koya kina na Nona tamata: keimami vakabauta ni maumau dina ke sosomitaki ena so na yaca buli, ni yali kina na totoka ni yaca oya. Io, e dina ni veibataki na kena icavucavuti, e so gona era kaya ni cala na ‘Jiova.’ Ia, vei koya e wiliwili ena vosa vakavalagi e vakaibalebale vua na yaca oqo; e rawa kina ni tukuni ni qiqo ga ni vakasama e sa lai sosomitaki kina na Jiova me Yahwé, se so tale na kena icavucavuti e sega ni dodonu era vakayagataka o ira na vuku dauvolaivola. Keimami kila ni na yaga vinaka vua e wilika na Veiyalayalati Makawa ena vosa vakavalagi, ke raica na yaca i ‘Jiova’ ena imatai ni gauna ena ivakadewa vou oqo, me qai vulica tale ga kina na veika sa cakava oti o ‘Jiova’ vei ira na Nona tamata, vaka kina na ibalebale ni yacana.”

E levu tale na vakadewa ni iVolatabu Vakavalagi e vakayagataka na “Jiova” se dua tale na icavucavuti ni yaca ni Kalou. Vakatale ga kina na iVolatabu era vakadewataki ena so tani tale na vosa, e dua na iwiliwili levu e vakayagataka na yaca ni Kalou, e so na kena ivakaraitaki era tabaki koto ena tabana oqo. A kaya na Kalou vei Mosese me baleta na yacana, Jiova: “Oqo na yacaqu ka tawamudu, ia oqo ka’u na nanumi kina e nai tabatamata kecega.” O koya gona na dodonu ni kena vakayagataki na yaca ni Kalou nikua e sega tale ni qai lomatarotarotaki!​—Lako Yani 3:13-15.

[iYaloyalo ena tabana e 23]

Same 83:18 me vaka e kune ena so tale na vosa

vakaTsonga

vakaShona

vakaVietnam

vakaSipeni

vakaIdia

vakaTagalog

vakaValagi