Na iLoloma e Taleitaki Vakalevu

E marau o koya e soli iloloma ke taleitaki vakalevu na ka e solia, e marautaka tale ga o koya e ciqoma ke lolomataki vua na ka sara ga e gadreva tu. Ena dua na gauna lekaleka sa oti, a volavola yani ina valenivolavola ni tabana ni iVakadinadina i Jiova e Mexico e dua e vakaitutu levu ena matanitu, me vakavinavinakataka nona ciqoma na ivola Vuli Vua na Qasenivuli Levu. E kaya vakatikina na nona ivola:

“E yaga dina na veika e volai tu ena ivola oqo. Dina ga ni yavutaki ena dua na ivola makawa sara na veika e volai kina, ia e sega ni madra qai ganita noda bula ni veisiga.

“Nida itubutubu, au vakadeitaka ni dodonu meda bucina e lomadra na luveda na ivakavuvuli era na kila kina na ka mera cakava ra qai nuitaki, ena vukei ira tale ga mera dau veidokai ra qai dau dina ena vuravura e sa seavu tiko kina na itovo vaka oqo. O koya e bibi duadua, meda vukei ira mera kila ni bula tiko o Koya sa Cecere sara e dau loloma qai yalovinaka. Na ivola oni vakauta mai oqo ena yaga sara ga ena taba ni noqu cakacaka, kei na itavi vakaitubutubu e lesi keda kina na Dauveibuli meda vukei ira na noda lalai mera tubu cake mera dau lomani ira na wekadra.”

E raica rawa o koya e cakacaka vakamatanitu oqo na bibi ni veika a vakavulica o Jisu Karisito kei na nona ivakaraitaki e tu ena ivola Vuli Vua na Qasenivuli Levu. Rawa tale ga ni dua nomu ivola totoka oqo e 256 na tabana. Na raba ni ivola e tautauvata ga kei na ivoladraudrau oqo. Ke oni kerea e dua na ilavelave, vakalewena na fomu oqo qai vakauta ina itikotiko e tabaki toka e ra se ena itikotiko e veiganiti ena tabana e 5 ni ivoladraudrau oqo.

□ Au kerea me dua na noqu ilavelave ni ivola e tabaki toka oqo.

Vosa o vinakata.

□ Au kerea me dua e mai vakavulici au wale e vale ena iVolatabu.