A Solia Nona Bula o Jisu Ena Vukudra e Lewe Levu
A tukuna o Jisu Karisito vei ira nona imuri ni sega ni lako mai e vuravura “me qaravi, ia me veiqaravi ga, me solia na nona bula me kedra ivoli e lewe levu.” (Maciu 20:28) A yalorawarawa me solia nona bula me yaga vei ira tale eso.
E vakarautaka vakacava o Jisu na ivoli ena nona mate? Na cava e gadrevi kina? A solia nona bula ena vukui cei? E yaga vakacava vei iko nona mate?
Era sureti kemuni vakayalololoma na iVakadinadina i Jiova moni mai dikeva vata kei ira na isau vakaivolatabu ni taro qori. Ena yabaki qo, ena vakayacori na ivakananumi ni mate i Jisu ena Tusiti, 30 Maji, ni sa dromu oti na siga. Ena veivosakitaki kina na isau vakaivolatabu ni taro era toka e cake.
O rawa ni tiko ena ivakananumi e vakayacori ena Kingdom Hall e voleka duadua ena nomu itikotiko. Taroga e dua na iVakadinadina i Jiova ena gauna kei na vanua ena vakayacori kina.