Bula Vakaidewadewa se Buli?

Kuli ni Qio

● Nida raica na kuli ni qio, eda na rairai nanuma ni dravia na kulina. Ia mo qaqarauni ni o tara​—ni varovaroa vaka na saniveva na kulina ni o daroya mai na buina ina uluna.a

Vakasamataka mada: Na varina lalai e yaga vua na qio ena rua na sala. Kena imatai, e vakarawarawataka nona veitosoyaki, qai sega ni gadrevi me solia kina nona igu taucoko. Kena ikarua, e dau sanuki na varina ni veitosoyaki, era sega ni kabiti koya kina na manumanu lalai (parasite) ni varovaroa na kulina.

E levu sara na ka e rawa ni vakatotomuri kina na kuli ni qio. Kena ivakaraitaki, era sa bulia rawa na saenitisi e dua na isulu ni qalo e vaka na kuli ni qio, me vakatotolotaka ena tolu na pasede nona qalo o koya e dara. Era vakabauta ni rawa tale ga ni na vakayagataki na vakasama ya ena buli ni motoka kei na waqa e totolo cake.

Era vinakata tale ga na daunivakadidike mera vakatotomuria na savasava ni kuli ni qio. Qori ena nodra bulia e dua na iboro ni waqa me kua ni kabita kina na waqa na manumanu lalai, ena gauna vata qori ena sega ni vakaleqai ira na ka bula tale eso. E vinakati tale ga me buli na wainimate se iyaya ni veiqaravi ena vakalailaitaka na dewa ni mate e rawa ni tauva e dua ni lai qaravi e valenibula.

Na cava o nanuma? E yaga dina vua na qio na kulina​—e totolo kina nona toso, sega ni gadrevi me solia taucoko kina nona igu, e savasava tale ga kina. Vakacava e bula vakaidewadewa qori se buli?

[iVakamacala e ra]

[iYaloyalo ena tabana e 11]

iTaba vakalevutaki ni vari ni qio

[iTaba ni Credit Line ena tabana e 11]

Varina: © Eye of Science/Photo Researchers, Inc.; qio: © Image Source/age fotostock