Gauna Cava mo Tekivu Vakavulici Luvemu Kina?

● A vola e dua na turaga mai Summerville e South Carolina mai Merika, tekivu mai na gauna e vula tolu kina o watina, ena dau davo e yasana ena veibogi qai wilika na ivola na iTalanoa mai na iVolatabu, qori e dau vakayagataki me vulici kina na iVolatabu. E qai tukuna o Tama: “Ni sucu na luvei keirau yalewa, o Bethiah, keirau vakamuria tiko ga na ituvatuva ya​—dua na bogi, dua na italanoa me yacova sara ni keitou wilika vakatolu na ivola qori.”

E tomana: “Ena gauna e se bera mada ga ni kila vosa kina o Bethiah, sa rawa me dusia e levu na tamata era dau talanoataki ena iVolatabu qai rawa ni dramataka e vica na ituvaki e talanoataki kina. E vulica tale ga me cavuqaqataka e vica na italanoa ena iVolatabu.”

Na ivola totoka qo e tiko kina e 116 na italanoa, e tuvai tale ga na italanoa me lakovata kei na gauna era bula kina o ira era talanoataki ena iVolatabu, qori e vukei ira na dauwiliwili mera kila na tuvai ni gauna ena iVolatabu. Ke o vinakata me dua na nomu ilavelave ni ivola qo e 256 na tabana, vakalewena na fomu ni kerekere e toka e ra qai vakauta ena itikotiko veiganiti ena tabana e 5 ni mekesini qo.

□ Au kerea me dua na noqu ilavelave ni ivola e tabaki toka qo.

□ Au kerea me dua e mai vakavulici au wale e vale ena iVolatabu.