Taro ni Vuli ena iTalanoa mai na iVolatabu

iTalanoa 1

Tekivu Bulibuli na Kalou

1. E vu mai vei na veika vinaka kece? Tukuna e dua na kena ivakaraitaki?

2. Na cava na imatai ni ka e bulia na Kalou?

3. Na cava e duatani duadua kina na imatai ni agilosi?

4. Vakamacalataka na irairai kei vuravura ena ivakatekivu. (Raica na iyaloyalo.)

5. E tekivu vakarautaka vakacava na vuravura na Kalou me baleta na manumanu kei na tamata?

iKuri ni taro:

1. Wilika na Jeremaia 10:12.

   Na itovo cava ni Kalou e laurai ena veika e bulia? (Aisea 40:26; Roma 11:33)

2. Wilika na Kolosa 1:15-17.

   Na cava e itavi i Jisu ena gauna ni bulibuli, e tara vakacava oqo na ivakarau ni noda raici koya? (Kolo. 1:15-17)

3. Wilika na Vakatekivu 1:1-10.

   1. E vu mai vakacava na vuravura? (Vkte. 1:1)

   2. Na cava e yaco ena imatai ni siga ni bulibuli? (Vkte. 1:3-5)

   3. Vakamacalataka na ka e yaco ena ikarua ni siga ni bulibuli. (Vkte. 1:7, 8)

iTalanoa 2

Dua na Were Totoka

1. E vakarautaka vakacava na Kalou na vuravura me noda itikotiko?

2. Vakamacalataka na duidui manumanu e bulia na Kalou. (Raica na iyaloyalo.)

3. Na cava e duatani kina na were o Iteni?

4. Na cava e nakita na Kalou me baleta na vuravura taucoko?

iKuri ni taro:

1. Wilika na Vakatekivu 1:11-25.

   1. Na cava e bulia na Kalou ena ikatolu ni siga ni bulibuli? (Vkte. 1:12)

   2. Na cava e yaco ena ikava ni siga ni bulibuli? (Vkte. 1:16)

   3. Na manumanu cava e bulia na Kalou ena ikalima kei na ikaono ni siga? (Vkte. 1:20, 21, 25)

2. Wilika na Vakatekivu 2:8, 9.

   Na cava na rua na kau lavotaki e tea na Kalou ena were, na cava erau vakatakarakarataka?

iTalanoa 3

iMatai ni Tagane kei na Yalewa

1. Rau duidui vakacava na iyaloyalo ena iTalanoa 3 kei na iyaloyalo ena iTalanoa 2?

2. O cei e bulia na imatai ni tagane, o cei e yacana na tagane oqori?

3. Na itavi cava e solia na Kalou vei Atama?

4. Na cava e vakavuna kina na Kalou me moce lutu o Atama?

5. E vakaevei na balavu ni gauna e rawa ni rau bula kina o Atama kei Ivi, na cakacaka cava e vinakata o Jiova me rau cakava?

iKuri ni taro:

1. Wilika na Same 83:18.

   O cei na yaca ni Kalou, na cava e nona itutu? (Jere. 16:21; Tani. 4:17)

2. Wilika na Vakatekivu 1:26-31.

   1. Na cava na ilutua ni nona veibuli na Kalou ena ikaono ni siga, e duidui vakacava na ka e buli oqo mai na nodra buli na manumanu? (Vkte. 1:26)

   2. Na cava e vakarautaka o Jiova me kedra na tamata kei na manumanu? (Vkte. 1:30)

3. Wilika na Vakatekivu 2:7-25.

   1. Na cava e okati ena itavi nei Atama me vakayacani ira na manumanu? (Vkte. 2:19)

   2. E vukei keda vakacava na Vakatekivu 2:24 meda kila na rai ni Kalou me baleta na vakawati, veibiu, kei na veisere? (Maciu 19:4-6, 9)

iTalanoa 4

Vu ni Nodrau Cemuri

1. Ena iyaloyalo, na cava sa yaco tiko vei Atama kei Ivi?

2. Na cava e totogitaki rau kina o Jiova?

3. Na cava e tukuna na gata vei Ivi?

4. O cei e vakavuna me vosa na gata vei Ivi?

5. Na cava e vu ni nodrau cemuri o Atama kei Ivi mai na nodrau itikotiko Parataisi?

iKuri ni taro:

1. Wilika na Vakatekivu 2:16, 17 kei na 3:1-13, 24.

   1. E beci vakacava o Jiova ena taro e tarogi Ivi kina na gata? (Vkte. 3:1-5; 1 Joni 5:3)

   2. E ivakaraitaki vakacava o Ivi meda qaqarauni kina? (Fpai. 4:8; Jeme. 1:14, 15; 1 Joni 2:16)

   3. Rau dui vakaiulubaletaka vakacava o Atama kei Ivi na nodrau cala? (Vkte. 3:12, 13)

   4. Erau tokona vakacava na veiliutaki i Jiova na agilosi erau lesi me rau tu ena yasana vaka i natuicake ni were o Iteni? (Vkte. 3:24)

2. Wilika na Vakatakila 12:9.

   Sa vakacava na toso ni sasaga i Setani me rawai ira na kawatamata mera kua ni vakarorogo ina veiliutaki ni Kalou? (1 Joni 5:19)

iTalanoa 5

Tekivu na Bula Dredre

1. E vakacava na nodrau bula o Atama kei Ivi ena taudaku ni were o Iteni?

2. Na cava erau tekivu vakila o Atama kei Ivi, cava na vuna?

3. Na cava era na qase kina ra qai mate na luvedrau o Atama kei Ivi?

4. Ke rau talairawarawa vei Jiova o Atama kei Ivi, na bula vakacava erau na vakila, vaka kina o ira na luvedrau?

5. E yaco vakacava me vu ni rarawa vei Ivi nona talaidredre?

6. O cei na yacadrau na imatai ni rua na luvedrau o Atama kei Ivi?

7. O cei o ira na vo ni gone ena iyaloyalo oqori?

iKuri ni taro:

1. Wilika na Vakatekivu 3:16-23 kei 4:1, 2.

   1. E tara vakacava na bula i Atama na cudruvi ni qele? (Vkte. 3:17-19; Roma 8:20, 22)

   2. Na cava e veiganiti kina na ibalebale ni yaca i Ivi me o koya “Sa bula”? (Vkte. 3:20)

   3. E nanumi rau vakacava o Atama kei Ivi o Jiova ena gauna mada ga rau sa valavala ca kina? (Vkte. 3:7, 21)

2. Wilika na Vakatakila 21:3, 4.

   Na “ka makawa” cava o na via raiSaca me takali?

iTalanoa 6

Na Cauravou Vinaka kei na Cauravou Ca

1. Na cakacaka cava erau dui cakava o Keni kei Epeli?

2. Na isolisoli cava erau kauta mai vei Jiova o Keni kei Epeli?

3. Na cava e marautaka kina o Jiova na isolisoli i Epeli, na cava e sega ni marautaka kina na nei Keni?

4. E tamata vakacava o Keni, e via vakadodonutaki koya vakacava o Jiova?

5. Na cava e cakava o Keni ni rau tiko taurua kei tacina ena were?

6. Vakamacalataka na ka e qai yacovi Keni ni sa vakamatei tacina.

iKuri ni taro:

1. Wilika na Vakatekivu 4:2-26.

   1. E vakaraitaka vakacava o Jiova na leqa e rawa ni yacovi Keni? (Vkte. 4:7)

   2. E vakaraitaka vakacava o Keni na ka e tu e lomana? (Vkte. 4:9)

   3. E raica vakacava o Jiova na vakadavei ni nodra dra na sega ni cala? (Vkte. 4:10; Aisea 26:21)

2. Wilika na 1 Joni 3:11, 12.

   1. Na cava e cudru kina vakalevu o Keni, e ivakasala vakacava oqo vei keda nikua? (Vkte. 4:4, 5; Vkai. 14:30; 28:22)

   2. E vakaraitaka vakacava na iVolatabu ni rawa meda yalodina tiko ga kevaka mada ga era saqati Jiova na noda vuvale? (Same 27:10; Maciu 10:21, 22)

3. Wilika na Joni 11:25.

   Na veivakadeitaki cava e solia o Jiova vei ira era mate ena vuku ni nodra muria na ivalavala dodonu? (Joni 5:24)

iTalanoa 7

Dua na Turaga Yaloqaqa

1. E duatani vakacava o Inoki?

2. Na cava era dau caka ca kina na tamata ena gauna i Inoki?

3. Na cava e so na veika ca era cakava? (Raica na iyaloyalo)

4. Na cava e vinakati kina me yaloqaqa o Inoki?

5. E vakacava na balavu ni nodra bula na tamata ena gauna oya, e yabaki vica na bula i Inoki?

6. Na cava e yaco ni sa mate o Inoki?

iKuri ni taro:

1. Wilika na Vakatekivu 5:21-24, 27.

   1. E vakacava na nodrau veiwekani o Inoki kei Jiova? (Vkte. 5:24)

   2. Me vaka e tukuna na iVolatabu, o cei e bula dede duadua ena itukutuku ni kawatamata, e yabaki vica? (Vkte. 5:27)

2. Wilika na Vakatekivu 6:5.

   E vakacava na ca kei vuravura mai na gauna sa mate kina o Inoki, e vakatauvatani vakacava kei na noda gauna? (2 Tim. 3:13)

3. Wilika na Iperiu 11:5.

   Na itovo cava i Inoki e “vinaka vua na Kalou,” a yaga vakacava vei Inoki oya? (Vkte. 5:22)

4. Wilika na Juta 14, 15.

   Rawa vakacava vua na lotu Vakarisito nikua me vakatotomuria na yaloqaqa nei Inoki ena nona veivakasalataki tiko me baleta na kena roro mai na ivalu na Amaketoni? (2 Tim. 4:2; Iper. 13:6)

iTalanoa 8

Nodra Bula Voli e Vuravura na Tuwawa

1. Na cava e yaco nira rogoci Setani e so na agilosi ni Kalou?

2. Na cava era biuta kina na nodra ilesilesi mai lomalagi e so na agilosi ra qai lako mai i vuravura?

3. Na cava e cala kina na ka era cakava na agilosi nira lako mai i vuravura ra qai vukici ira mera yago vakatamata?

4. Era duatani vakacava na luvedra na agilosi?

5. Me vaka o raica ena iyaloyalo, na cava era cakava na luvedra na agilosi nira sa lai tuwawa?

6. Ni sa mate o Inoki, na turaga vinaka cava e qai bula e vuravura, na cava e taleitaki koya kina na Kalou?

iKuri ni taro:

1. Wilika na Vakatekivu 6:1-8.

   E vakaraitaka vakacava na Vakatekivu 6:6 ni rawa ni cakayaco ina loma i Jiova na noda itovo? (Same 78:40, 41; Vkai. 27:11)

2. Wilika na Juta 6.

   Na cava eda vulica vei ira na agilosi era “sega ni tu dei e na nodrai tutu” ena gauna i Noa? (1 Kor. 3:5-9; 2 Pita 2:4, 9, 10)

iTalanoa 9

Taya na Waqa o Noa

1. Eratou lewe vica na vuvale i Noa, o cei na yacadratou na luvena tagane e tolu?

2. Na cava na ka vou a tukuna na Kalou me cakava o Noa, na cava na kena inaki?

3. Na cava era cakava na vakaitikotiko vata kei Noa ni sa tukuna vei ira na veika baleta na waqa?

4. Na cava e kaya na Kalou vei Noa me baleti ira na manumanu?

5. Ni sa sogota na katuba ni waqa na Kalou, na cava eratou qai cakava na vuvale i Noa?

iKuri ni taro:

1. Wilika na Vakatekivu 6:9-22.

   1. Na cava e kilaitani kina o Noa ena nona dau qarava na Kalou dina? (Vkte. 6:9, 22)

   2. E raica vakacava na Kalou na ivalavala kaukaua, e tara vakacava oqo na ka ni veivakamarautaki eda digitaka? (Vkte. 6:11, 12; Same 11:5)

   3. Eda vakatotomuri Noa vakacava ni dusimaki keda na isoqosoqo i Jiova? (Vkte. 6:22; 1 Joni 5:3)

2. Wilika na Vakatekivu 7:1-9.

   E uqeti keda vakacava nikua na nona raici Noa o Jiova me tamata yalododonu? (Vkte. 7:1; Vkai. 10:16; Aisea 26:7)

iTalanoa 10

Na Waluvu Levu

1. Na cava e sega ni rawa kina me dua e curu i loma ni waqa ni sa tekivu tau na uca?

2. E vica na siga kei na bogi e vakatauca tiko kina na uca o Jiova, e vakacava na titobu ni wai?

3. Na cava e yaco ina waqa ni sa dromu o vuravura?

4. Era bula beka ena Waluvu na tuwawa, na cava e yacovi ira na tamadra na tuwawa?

5. Na cava e yacova na waqa ni oti e lima na vula?

6. Na cava e sereka kina na reveni mai na waqa o Noa?

7. E kila vakacava o Noa ni sa mamaca na vanua?

8. Na cava e kaya na Kalou vei Noa ni oti nodratou tiko e loma ni waqa me sivia e dua na yabaki?

iKuri ni taro:

1. Wilika na Vakatekivu 7:10-24.

   1. E vakacava na levu ni veivakarusai e yacovi ira na veika bula e vuravura? (Vkte. 7:23)

   2. E vakacava na dede ni kena luvu tu na vuravura? (Vkte. 7:24)

2. Wilika na Vakatekivu 8:1-17.

   E vakaraitaka vakacava na Vakatekivu 8:17 ni sega ni veisau na inaki taumada ni Kalou me baleta na vuravura? (Vkte. 1:22)

3. Wilika na 1 Pita 3:19, 20.

   1. Nira suka i lomalagi na agilosi talaidredre, na lewa cava e tau vei ira? (Juta 6)

   2. E vakaukauataka vakacava na noda nuitaki Jiova me veivakabulai nida raica na itukutuku i Noa kei na nona vuvale? (2 Pita 2:9)

iTalanoa 11

Na iMatai ni Drodrolagi

1. Me vaka e laurai ena iyaloyalo, na cava na imatai ni ka e cakava o Noa ni sobu mai waqa?

2. Na ivakaro cava e solia na Kalou vei Noa kei na nona vuvale ni oti na Waluvu?

3. Na cava e yalataka na Kalou?

4. Na cava eda na vakananuma nida raica na drodrolagi?

iKuri ni taro:

1. Wilika na Vakatekivu 8:18-22.

   1. E rawa vakacava meda solia vei Jiova “nai boi ni veivinakati”? (Vkte. 8:21; Iper. 13:15, 16)

   2. Na cava e kaya o Jiova me baleta na nanuma ni loma ni tamata, na cava gona meda qarauna? (Vkte. 8:21; Maciu 15:18, 19)

2. Wilika na Vakatekivu 9:9-17.

   1. Na veiyalayalati cava e cakava o Jiova kei ira na veika bula kece e vuravura? (Vkte. 9:10, 11)

   2. Ena vakacava na dede ni veiyalayalati e vakadeitaki ena drodrolagi? (Vkte. 9:16)

iTalanoa 12

Era Tara na Vale Cecere

1. O cei o Nimiroti, e taleitaki koya beka na Kalou?

2. Me vaka e vakaraitaki ena iyaloyalo, na cava era buli buloko kina na tamata?

3. Na cava e sega ni taleitaka kina o Jiova na tara ni vale oya?

4. E tarova vakacava o Jiova na taravale oya?

5. E qai vakayacani na koro ena yaca cava, na cava na ibalebale ni yaca oya?

6. Na cava era vakayacora na tamata ni sa veisautaka na nodra vosa na Kalou?

iKuri ni taro:

1. Wilika na Vakatekivu 10:1, 8-10.

   Na itovo cava e vakaraitaka o Nimiroti, na cava eda vulica kina? (Vkai. 3:31)

2. Wilika na Vakatekivu 11:1-9.

   Na cava na inaki ni kena tara na vale cecere, na cava e sega ni yaco kina na ka era nakita? (Vkte. 11:4; Vkai. 16:18; Joni 5:44)

iTalanoa 13

Eparama​—Na iTokani ni Kalou

1. Era tamata vakacava na lewenikoro o Uri?

2. O cei e laurai ena iyaloyalo, e sucu ena gauna cava, e vakaitikotiko e vei?

3. Na cava e tukuna na Kalou me cakava o Eparama?

4. Na cava e vakatokai kina o Eparama me itokani ni Kalou?

5. O cei soti e tomani Eparama ni sa biuti Uri?

6. Na cava e tukuna na Kalou vei Eparama ni sa yaco ina vanua o Kenani?

7. Na cava e yalataka na Kalou vei Eparama ni sa yabaki 99?

iKuri ni taro:

1. Wilika na Vakatekivu 11:27-32.

   1. Rau veiwekani vakacava o Eparama kei Loti? (Vkte. 11:27)

   2. Dina ga ni tukuni ni kauta o Tira nona vuvale i Kenani, eda kila vakacava ni a vakavuna na ilakolako oqo o Eparama, ia na cava e vu ni nona toki? (Vkte. 11:31; Caka. 7:2-4)

2. Wilika na Vakatekivu 12:1-7.

   E vakarabailevutaka vakacava o Jiova na nona veiyalayalati kei Eparama ni sa yaco o Eparama i Kenani? (Vkte. 12:7)

3. Wilika na Vakatekivu 17:1-8, 15-17.

   1. E veisau ina cava na yaca i Eparama ni sa yabaki 99, ena vuku ni cava? (Vkte. 17:5)

   2. Na veivakalougatataki cava e yalataka o Jiova vei Sera? (Vkte. 17:15, 16)

4. Wilika na Vakatekivu 18:9-19.

   1. E vakaraitaka vakacava na Vakatekivu 18:19 na itavi era vakacolati kina na tama? (Vkru. 6:6, 7; Efeso 6:4)

   2. Na cava e yaco vei Sera e vakaraitaka nida sega ni rawa ni vunitaka vei Jiova e dua na ka? (Vkte. 18:12, 15; Same 44:21)

iTalanoa 14

Vakatovolea na Vakabauta i Eparama na Kalou

1. Na cava e yalataka na Kalou vei Eparama, e vakayacora vakacava na Kalou na ka e yalataka?

2. Me vaka e vakaraitaki ena iyaloyalo, e vakatovolea vakacava na Kalou na vakabauta i Eparama?

3. Na cava e cakava o Eparama, dina ga ni sega ni kila na vuna e kaya kina na Kalou na veika oqori?

4. Na cava e yaco ni sa ucuna na isele o Eparama me vakamatei luvena?

5. E kilai vakacava na kaukaua ni nona vakabauta na Kalou o Eparama?

6. Na cava e vakarautaka na Kalou me vakacabora o Eparama, e vakarautaka vakacava?

iKuri ni taro:

1. Wilika na Vakatekivu 21:1-7.

   Na cava e cilivi luvena kina o Eparama ena ikawalu ni siga? (Vkte. 17:10-12; 21:4)

2. Wilika na Vakatekivu 22:1-18.

   E vakaraitaka vakacava o Aisake na nona talairawarawa vei tamana o Eparama? E vakatakarakarataka vakacava e dua na ka levu ena qai yaco e muri? (Vkte. 22:7-9; 1 Kor. 5:7; Fpai. 2:8, 9)

iTalanoa 15

Raivuki na Wati Loti

1. Na cava erau tawase kina o Eparama kei Loti?

2. Na cava e digitaka kina o Loti me lai tiko e Sotoma?

3. Era tamata vakacava na kai Sotoma?

4. Na ivakasala cava erau solia vei Loti e rua na agilosi?

5. Na cava e duru masima kina na wati Loti?

6. Na cava eda vulica ena ka e yacovi wati Loti?

iKuri ni taro:

1. Wilika na Vakatekivu 13:5-13.

   Na cava eda vulica vei Eparama ena kena wali na leqa ena keda maliwa? (Vkte. 13:8, 9; Roma 12:10; Fpai. 2:3, 4)

2. Wilika na Vakatekivu 18:20-33.

   E ivakadei vakacava ni nodrau na lewa vakadodonu o Jiova kei Jisu na ka e cakava o Jiova vei Eparama? (Vkte. 18:25, 26; Maciu 25:31-33)

3. Wilika na Vakatekivu 19:1-29.

   1. E vakaraitaka vakacava na itukutuku oqo ena iVolatabu na nona rai na Kalou me baleta na veimoceri vakatagane se vakayalewa? (Vkte. 19:5, 13; Vunau 20:13)

   2. E duidui vakacava na ivakarau ni nodrau talairawarawa ina ivakaro ni Kalou o Loti kei Eparama, na cava eda vulica kina? (Vkte. 19:15, 16, 19, 20; 22:3)

4. Wilika na Luke 17:28-32.

   E raica vakacava na iyau vakayago o wati Loti, na cava eda vulica kina? (Luke 12:15; 17:31, 32; Maciu 6:19-21, 25)

5. Wilika na 2 Pita 2:6-8.

   Me vakataki Loti, meda raica tale ga vakacava na vuravura tawavakalou oqo? (Isik. 9:4; 1 Joni 2:15-17)

iTalanoa 16

Digitaki me Wati Aisake e Dua na Yalewa Vinaka

1. O cei na yalewa kei na tagane ena iyaloyalo?

2. Na cava e cakava o Eparama me kunea kina e dua na yalewa me wati luvena? Na cava na vuna?

3. E saumi vakacava na masu i koya na dauveiqaravi i Eparama?

4. Na cava a kaya o Repeka ni sa tarogi me sa na wati Aisake?

5. Na cava e qai vakamarautaki Aisake tale?

iKuri ni taro:

1. Wilika na Vakatekivu 24:1-67.

   1. Na itovo vakasakiti cava e laurai vei Repeka ni sotava na dauveiqaravi i Eparama ena ikeliwai? (Vkte. 24:17-20; Vkai. 31:17, 31)

   2. E ivakaraitaki vinaka vakacava vei keda na lotu Vakarisito nikua na veika e tuvanaka o Eparama me baleti luvena o Aisake? (Vkte. 24:37, 38; 1 Kor. 7:39; 2 Kor. 6:14)

   3. Na cava meda qara kina na gauna meda vakasama vakatitobu, me vaka ga a cakava o Aisake? (Vkte. 24:63; Same 77:12; Fpai. 4:8)

iTalanoa 17

Na Drua Erau Duidui

1. O cei o Iso kei Jekope? Erau duidui vakacava?

2. Rau yabaki vica o Iso kei Jekope ena gauna e mate kina na tukadrau o Eparama?

3. Na cava e cakava o Iso erau rarawataka vakalevu na nona itubutubu?

4. Na cava e rarawataki Jekope kina o Iso?

5. Na ivakasala cava a tukuna o Aisake vua na luvena o Jekope?

iKuri ni taro:

1. Wilika na Vakatekivu 25:5-11, 20-34.

   1. Na cava e parofisaitaka o Jiova me baleti rau na luve i Repeka? (Vkte. 25:23)

   2. E duidui vakacava na nodrau rai o Jekope kei Iso me baleta na itutu vakaulumatua? (Vkte. 25:31-34)

2. Wilika na Vakatekivu 26:34, 35; 27:1-46; kei na 28:1-5.

   1. E kilai vakacava na nona sega ni dau kauaitaka o Iso na veika vakayalo? (Vkte. 26:34, 35; 27:46)

   2. Me qai vakalougatataki Jekope na Kalou, na cava a tukuna vua o Aisake me cakava? (Vkte. 28:1-4)

3. Wilika na Iperiu 12:16, 17.

   E laurai vakacava ena ivakaraitaki i Iso na ka ena yacovi ira na dau beca na ka tabu?

iTalanoa 18

Lako i Karana o Jekope

1. O cei na goneyalewa e tabaki tiko ena iyaloyalo, na cava a qai cakava vua o Jekope?

2. Na cava e tu vakarau me cakava o Jekope me vakamautaki Rejeli kina?

3. Na cava a cakava o Lepani ni sa yaco mai na gauna me rau sa na vakamau kina o Jekope kei Rejeli?

4. Na cava e vakadonuya o Jekope me cakava me watina kina o Rejeli?

iKuri ni taro:

1. Wilika na Vakatekivu 29:1-30.

   1. Dina ga ni a lawakitaki Jekope o Lepani, ia e vakaraitaka tiko vakacava o Jekope na nona veidokai? Na cava eda vulica kina? (Vkte. 25:27; 29:26-28; Maciu 5:37)

   2. E laurai vakacava ena ivakaraitaki i Jekope na duidui ni loloma dina kei na wede ga? (Vkte. 29:18, 20, 30; Sere 8:6)

   3. O cei na va na yalewa eratou mai lewenivuvale i Jekope ratou qai vakaluveni tale ga vua? (Vkte. 29:23, 24, 28, 29)

iTalanoa 19

Na Vuvale i Jekope

1. O cei na yacadratou na ono na luve i Jekope tagane vua na imatai ni watina o Lia?

2. O cei na yacadrau na rua na luve i Jekope tagane vua na yalewa cakacaka i Lia o Silipa?

3. O cei na yacadrau na rua na luve i Jekope tagane vua na yalewa cakacaka i Rejeli o Pila?

4. O cei na yacadrau na luve i Rejeli tagane, ia na cava e yaco ena gauna a sucu kina na ikarua ni luvena?

5. Me vaka e laurai ena iyaloyalo e vica kece na luvetagane i Jekope, na matanitu cava e vu mai vei iratou?

iKuri ni taro:

1. Wilika na Vakatekivu 29:32-35; 30:1-26; kei na 35:16-19.

   Me vaka eda raica vei iratou na 12 na luve i Jekope, era dau vakayacani vakacava ena gauna makawa na luvedra tagane na Iperiu?

2. Wilika na Vakatekivu 37:35.

   Eda kila vakacava ni so tale na luve i Jekope yalewa, dina ga ni a cavuti duadua ga na yaca i Taina ena iVolatabu? (Vkte. 37:34, 35)

iTalanoa 20

Yacovi Taina na Leqa

1. Na cava erau sega kina ni vinakata o Eparama kei Aisake mera vakawatitaki ira na yalewa ni Kenani na luvedrau?

2. E taleitaka beka o Jekope na nona gadivi ira tiko na yalewa ni Kenani na luvena yalewa?

3. O cei na yaca i koya na tagane e vakaraici Taina tiko ena iyaloyalo? Na ka ca cava a qai cakava?

4. Na cava erau cakava na gane i Taina o Simioni kei Livai ni rau rogoca na ka e yaco?

5. E tokona beka o Jekope na ka erau cakava o Simioni kei Livai?

6. E tekivu vakacava na leqa oqo?

iKuri ni taro:

1. Wilika na Vakatekivu 34:1-31.

   1. E vakadua beka ga na nona vakailala o Taina kei ira na goneyalewa ni Kenani? Vakamacalataka. (Vkte. 34:1)

   2. Na cava e bale ga kina vakalevu vei Taina na nona vaqasei? (Kala. 6:7)

   3. Era na vakaraitaka vakacava na itabagone nikua nira vuli mai na ivakaraitaki i Taina? (Vkai. 13:20; 1 Kor. 15:33; 1 Joni 5:19)

iTalanoa 21

Era Cati Josefa na Tuakana

1. Na cava eratou vuvutaki Josefa kina na tuakana? Na cava eratou qai cakava?

2. Na cava eratou via cakava vei Josefa na tuakana, ia na cava a qai kaya o Rupeni?

3. Na cava e yaco nira sa lako tiko yani e so na luve i Isimeli era dauveivoli?

4. Na cava eratou cakava na tuaka i Josefa me nanuma kina o tamadratou ni sa mate na nona gonenitoko?

iKuri ni taro:

1. Wilika na Vakatekivu 37:1-35.

   1. Mera muria vakacava na lotu Vakarisito na ivakaraitaki i Josefa ena nodra sega ni vunia na ka ca e yaco ena ivavakoso? (Vkte. 37:2; Vunau 5:1; 1 Kor. 1:11)

   2. E lai yaco vakacava me ratou bukiveretaki Josefa o iratou na tuakana? (Vkte. 37:11, 18; Vkai. 27:4; Jeme. 3:14-16)

   3. Me vakataki Jekope ga, na cava e dau noda ivalavala na tamata nida lolositaka na mate ni dua na wekada lomani? (Vkte. 37:35)

iTalanoa 22

Biu o Josefa i Valeniveivesu

1. A kau i Ijipita o Josefa ni sa yabaki vica? Na cava e yaco ni tadu yani e kea?

2. E lai tini vakacava e valeniveivesu o Josefa?

3. Na itavi cava e lesi vei Josefa e valeniveivesu?

4. Na cava e cakava o Josefa vua na dautalowaini kei na dauvavavi i Fero e valeniveivesu?

5. Na cava e yaco ni sa sere mai valeniveivesu o koya na dautalowaini?

iKuri ni taro:

1. Wilika na Vakatekivu 39:1-23.

   Ni se sega mada ga ni dua na lawa ni Kalou me baleta na veibutakoci ena gauna e bula voli kina o Josefa, na cava ga e uqeti koya me dro tani mai vua na wati Potifa? (Vkte. 2:24; 20:3; 39:9)

2. Wilika na Vakatekivu 40:1-23.

   1. Vakamacalataka vakalekaleka na nona tadra na dautalowaini kei na kena ibalebale a tukuna o Josefa ena veivuke i Jiova. (Vkte. 40:9-13)

   2. Na cava a tadra na dauvavavi, na cava na kena ibalebale? (Vkte. 40:16-19)

   3. Sala cava e vakadamurimuri Josefa kina nikua na dauveiqaravi yalodina ka vuku? (Vkte. 40:8; Same 36:9; Joni 17:17; Caka. 17:2, 3)

   4. E vukei keda vakacava na Vakatekivu 40:20 ena rai vakarisito me baleta na marautaki ni siganisucu? (Dauv. 7:1; Mari. 6:21-28)

iTalanoa 23

Na Tadra i Fero

1. Na cava a tadra o Fero ena dua na bogi?

2. Na cava sa qai nanumi Josefa kina na dautalowaini?

3. Na rua na tadra cava a tadra o Fero me vaka e laurai ena iyaloyalo?

4. Na cava e kaya o Josefa ni ibalebale ni tadra?

5. E lai taravi Fero vakacava o Josefa ena nona itutu ni veiliutaki e Ijipita?

6. Na cava eratou lako yani kina i Ijipita o iratou na tuaka i Josefa, ia na cava eratou sega ni kilai koya kina?

7. Na tadra cava a nanuma lesu tale o Josefa, na cava e raica rawa kina?

iKuri ni taro:

1. Wilika na Vakatekivu 41:1-57.

   1. Sala cava e vakaliuci Jiova tiko ga kina o Josefa, era na muria vakacava na nona ivakaraitaki na lotu Vakarisito nikua? (Vkte. 41:16, 25, 28; Maciu 5:16; 1 Pita 2:12)

   2. E tautauvata vakacava na yabaki e vutuniyau kina na kakana e Ijipita kei na kedra ituvaki vakayalo na tamata i Jiova nikua? Ena yasana kadua, e tautauvata vakacava na yabaki ni dausiga kei na ituvaki i lotu ni Veivanua Vakarisito? (Vkte. 41:29, 30; Emosi 8:11, 12)

2. Wilika na Vakatekivu 42:1-8 kei na 50:20.

   Ke dau kena ivakarau ena so na vanua mera cuva na lewenivanua vua e dua me ivakaraitaki ni nodra rokovi koya kei na nona itutu, e cala beka mera cakava tale ga na dauveiqaravi i Jiova? (Vkte. 42:6)

iTalanoa 24

Vakatovolei Iratou na Tuakana o Josefa

1. Na cava e beitaki iratou kina na tuakana o Josefa ni ratou mai vakararai lo e Ijipita?

2. Na cava e solia kina o Jekope na luvena gone duadua o Penijamini me lako i Ijipita?

3. E lai tu vakacava ena taga i Penijamini na bilo siliva i Josefa?

4. Na cava e bolea me cakava o Juta me sereki mai kina o Penijamini?

5. Eratou sa veisau vakacava na tuaka i Josefa?

iKuri ni taro:

1. Wilika na Vakatekivu 42:9-38.

   E veivakadreti vinaka vakacava vei ira na vakaitavitaki ena isoqosoqo i Jiova nikua na ka e tukuna o Josefa ena Vakatekivu 42:18? (Niem. 5:15; 2 Kor. 7:1, 2)

2. Wilika na Vakatekivu 43:1-34.

   1. Dina ga ni ulumatua o Rupeni, ia e kilai vakacava ni dau vosa ena vukudratou na tacina o Juta? (Vkte. 43:3, 8, 9; 44:14, 18; 1 Vei. 5:2)

   2. Na cava e cakava o Josefa me vakatovolei iratou kina na tuakana, na cava na vuna? (Vkte. 43:33, 34)

3. Wilika na Vakatekivu 44:1-34.

   1. Na ivadi cava a vakayagataka o Josefa me vakalecaleca kina? (Vkte. 44:5, 15; Vunau 19:26)

   2. Eratou vakaraitaka vakacava na tuaka i Josefa ni sa yali na yalo ca a dau tu vei iratou? (Vkte. 44:13, 33, 34)

iTalanoa 25

Toki na Matavuvale i Ijipita

1. Na cava e yaco ni sa tukuni koya vei iratou na tacina o Josefa?

2. Na cava e tukuna vakayalovinaka vei iratou na tacina o Josefa?

3. Na cava e kaya o Fero ni rogoca ni sotavi iratou na tacina o Josefa?

4. E vakacava na levu ni vuvale i Jekope era toki i Ijipita?

5. Na cava na yacadratou vou na vuvale i Jekope, na cava e vakavuna na veisau?

iKuri ni taro:

1. Wilika na Vakatekivu 45:1-28.

   E vakaraitaka vakacava na ka e yaco vei Josefa ni rawa vei Jiova me veisautaka ina vinaka na veika e nakiti me vakaleqai ira na nona dauveiqaravi? (Vkte. 45:5-8; Aisea 8:10; Fpai. 1:12-14)

2. Wilika na Vakatekivu 46:1-27.

   Na veivakadeitaki cava a kaya o Jiova vei Jekope ena nona ilakolako i Ijipita? (Vkte. 46:1-4, ftn.)

iTalanoa 26

Yalodina Vua na Kalou o Jope

1. O cei o Jope?

2. Na cava e saga o Setani mera cakava na tamata kece? E rawata beka?

3. Na cava e vakatara o Jiova me cakava o Setani? Na cava na vuna?

4. Na cava e tukuna kina vei Jope o watina me ‘vosavakacacataka na Kalou me mate’? (Raica na iyaloyalo.)

5. Me vaka o raica ena ikarua ni iyaloyalo, e vakalougatataki Jope vakacava o Jiova? Na cava na vuna?

6. Kevaka eda vakataki Jope meda yalodina tiko vei Jiova, eda na vakalougatataki vakacava?

iKuri ni taro:

1. Wilika na Jope 1:1-22.

   E rawa vakacava nira vakatotomuria na ivakaraitaki i Jope na lotu Vakarisito nikua? (Jope 1:1; Fpai. 2:15; 2 Pita 3:14)

2. Wilika na Jope 2:1-13.

   E duidui vakacava na ka erau cakava o Jope kei watina ni yaco na veivakacacani i Setani? (Jope 2:9, 10; Vkai. 19:3; Maika 7:7; Mala. 3:14)

3. Wilika na Jope 42:10-17.

   1. E via tautauvata vakacava na veivakalougatataki a sotava o Jope kei na icocovi i Jisu ena vuku ni nona yalodina ena nona bula kece? (Jope 42:12; Fpai. 2:9-11)

   2. E uqeti keda vakacava na veivakalougatataki a sotava o Jope ena nona yalodina tiko ga vua na Kalou? (Jope 42:10, 12; Iper. 6:10; Jeme. 1:2-4, 12; 5:11)

iTalanoa 27

Liutaki Ijipita e Dua na Tui Ca

1. Ena iyaloyalo, o cei e taura tu na kuita? E mokuti cei tiko?

2. Ni sa mate o Josefa na cava e qai yacovi ira na Isireli?

3. Na cava era rerevaki ira kina na Isireli na kai Ijipita?

4. Na ivakaro cava a solia o Fero vei ira na yalewa ni Isireli era dau vakasucuma na gone?

iKuri ni taro:

1. Wilika na Lako Yani 1:6-22.

   1. Ena sala cava e vakayacora kina o Jiova na nona vosa ni yalayala vei Eparama? (Lako 1:7; Vkte. 12:2; Caka. 7:17)

   2. Era vakaraitaka vakacava na dauniveivakasucumi se vunikalou ni Iperiu na nodra doka na bula? (Lako 1:17; Vkte. 9:6)

   3. Erau vakalougatataki vakacava na vunikalou ena nodrau yalodina tiko ga vei Jiova? (Lako 1:20, 21; Vkai. 19:17)

   4. E saga vakacava o Setani me vakaseva na inaki i Jiova me baleta na Kawa yalataki i Eparama? (Lako 1:22; Maciu 2:16)

iTalanoa 28

Nona Vakabulai na Gone o Mosese

1. O cei na gonedramidrami ena iyaloyalo? Na liga i cei e kukuva toka?

2. Na cava e cakava o tina i Mosese me kua kina ni vakamatei o Mosese?

3. O cei na goneyalewa lailai ena iyaloyalo? Na cava a cakava?

4. Ni sa kunea na luve i Fero na gone, na cava e vakatura o Miriama?

5. Na cava e kaya na raluve vei tina i Mosese?

iKuri ni taro:

1. Wilika na Lako Yani 2:1-10.

   E rawa vakacava vei tina i Mosese me susugi koya qai vakavulica ni se gonedramidrami? Na cava era vulica kina na itubutubu nikua? (Lako 2:9, 10; Vkru. 6:6-9; Vkai. 22:6; Efeso 6:4; 2 Tim. 3:15)

iTalanoa 29

Na Vuna a Dro Kina o Mosese

1. A susugi e vei o Mosese? Na cava e kila me baleti rau na nona itubutubu?

2. Na cava e cakava o Mosese ni sa yabaki 40?

3. Na cava e kaya o Mosese vua e dua na Isireli a veimoku tiko, na cava a qai kaya lesu vua o koya na Isireli oya?

4. Na cava e dro tani kina mai Ijipita o Mosese?

5. A dro e vei o Mosese? A sotavi cei?

6. Na cava e cakava o Mosese ena 40 na yabaki na nona sa dro tu mai Ijipita?

iKuri ni taro:

1. Wilika na Lako Yani 2:11-25.

   Vica na yabaki na nona vakavulici tu o Mosese ena nodra vuku na Ijipita, ia e vakaraitaka ga vakacava na nona yalodina vei Jiova kei ira na nona tamata? (Lako 2:11, 12; Iper. 11:24)

2. Wilika na Cakacaka 7:22-29.

   Na cava eda vulica ena nona saga o Mosese me sereki ira na Isireli mai na veivakabobulataki e Ijipita? (Caka. 7:23-25; 1 Pita 5:6, 10)

iTalanoa 30

Na Vunikau Kama

1. Na cava na yaca ni ulunivanua ena iyaloyalo?

2. Vakamacalataka mada na ka duatani a raica o Mosese ena nona ilakolako ina ulunivanua kei ira na nona sipi.

3. Na cava e kaya na domo mai na vunikau kama? Na domo i cei oya?

4. Na cava e kaya o Mosese ni sa kaya vua na Kalou ni na kauti ira tani na tamata ni Kalou mai Ijipita?

5. Na cava e kaya na Kalou vei Mosese me tukuna ke ra taroga se o cei e talai koya yani?

6. Ena vakadinadinataka vakacava o Mosese ni talai koya dina yani na Kalou?

iKuri ni taro:

1. Wilika na Lako Yani 3:1-22.

   E vukei keda vakacava na ivakaraitaki i Mosese ni rawa ni tokoni keda o Jiova ke da nanuma ni sega ni ganiti keda na ilesilesi vakalou? (Lako 3:11, 13; 2 Kor. 3:5, 6)

2. Wilika na Lako Yani 4:1-20.

   1. E veisau vakacava na itovo ni rai i Mosese ena 40 na yabaki ni nona tiko e Mitiani? Na cava era vulica kina o ira na nakita tiko mera sauva na itavi ena ivavakoso? (Lako 2:11, 12; 4:10, 13; Maika 6:8; 1 Tim. 3:1, 6, 10)

   2. Ke mani vunauci keda o Jiova ena nona vakayagataka na nona isoqosoqo, ena uqeti keda vakacava na ivakaraitaki i Mosese? (Lako 4:12-14; Same 103:14; Iper. 12:4-11)

iTalanoa 31

Raici Fero o Mosese kei Eroni

1. E cakayaco vakacava vei ira na Isireli na cakamana rau a cakava o Mosese kei Eroni?

2. Na cava erau kaya vei Fero o Mosese kei Eroni? Na cava a qai sauma o Fero?

3. Me vaka e laurai ena iyaloyalo, cava a yaco ena gauna a viritaka kina ena fuloa o Eroni na nona ititoko?

4. A vakavulici Fero vakacava o Jiova? Na cava a qai kaya o Fero?

5. Na cava a yaco ni tau oti na ikatini ni kuita?

iKuri ni taro:

1. Wilika na Lako Yani 4:27-31 kei na 5:1-23.

   Na cava e vakaibalebaletaka o Fero ena nona kaya: “Au sa sega ni kilai Jiova”? (Lako 5:2; 1 Sam. 2:12; Roma 1:21)

2. Wilika na Lako Yani 6:1-13, 26-30.

   1. Ena sala cava e sega ni vakatakilai koya kina o Jiova vei Eparama, Aisake, kei Jekope? (Lako 3:13, 14; 6:3; Vkte. 12:8)

   2. E tarai keda vakacava noda kila ni a vakayagataki Mosese ga o Jiova, dina ni a nanuma o Mosese ni na sega ni rawata na itavi oya? (Lako 6:12, 30; Luke 21:13-15)

3. Wilika na Lako Yani 7:1-13.

   1. Na ivakaraitaki cava rau a kotora o Mosese kei Eroni vei ira na dauveiqaravi ni Kalou nikua ena nodrau doudou ni tukuna vei Fero na veilewai i Jiova?(Lako 7:2, 3, 6; Caka. 4:29-31)

   2. E vakaraitaka vakacava o Jiova na nona cecere vei ira na kalou ni Ijipita?(Lako 7:12; 1 Vei. 29:12)

iTalanoa 32

Na 10 na Kuita

1. Ni o raica na iyaloyalo oqo, vakamacalataka na imatai ni tolu na kuita a tauca o Jiova vei Ijipita.

2. Na cava e duidui kina na imatai ni tolu na kuita mai na kena vo?

3. Na cava na ikava, ikalima, kei na ikaono ni kuita?

4. Vakamacalataka na ikavitu, ikawalu, kei na ikaciwa ni kuita.

5. Na cava a kaya o Jiova mera cakava na Isireli ni bera na ikatini ni kuita?

6. Na cava na ikatini ni kuita? Na cava a qai yaco ni oti oya?

iKuri ni taro:

1. Wilika na Lako Yani 7:19–8:23.

   1. Dina nira cakava tale ga na daucakamana ni Ijipita na imatai ni rua na kuita a tauca o Jiova, ia na cava era qai vakadinadinataka ni oti na ikatolu ni kuita? (Lako 8:18, 19; Maciu 12:24-28)

   2. E vakaraitaka vakacava na ikava ni kuita na kaukaua i Jiova me taqomaki ira na nona tamata? Ena uqeti ira vakacava oqo na tamata ni Kalou nira vakanamata ina “veivakararawataki levu” sa tu oqo e matadra? (Lako 8:22, 23; Vkta. 7:13, 14; 2 Vei. 16:9)

2. Wilika na Lako Yani 8:24; 9:3, 6, 10, 11, 14, 16, 23-25; kei na 10:13-15, 21-23.

   1. Na rua na iwasewase tamata cava e vakavotui ena tauci ni tini na kuita? Eda na raici ira vakacava nikua na rua na iwasewase tamata oqori? (Lako 8:10, 18, 19; 9:14)

   2. E vukei keda vakacava na Lako Yani 9:16 meda kila na vuna e vakatara kina o Jiova me bula tiko o Setani me yacova mai nikua? (Roma 9:21, 22)

3. Wilika na Lako Yani 12:21-32.

   Era rawata vakacava na bula e levu ena vuku ni Lakosivia? Na cava e dusia na Lakosivia? (Lako 12:21-23; Joni 1:29; Roma 5:18, 19, 21; 1 Kor. 5:7)

iTalanoa 33

Takosovi na Wasa Damudamu

1. Era lewe vica taucoko na tagane ni Isireli, wili kina o ira na yalewa kei na gone era biuti Ijipita. O cei a muri ira tale ga?

2. Na cava a curumi Fero ni sa sereki ira oti na Isireli? Na cava a qai cakava?

3. Na cava a qai cakava o Jiova mera kua kina ni valuti ira nona tamata na kai Ijipita?

4. Na cava a yaco ni dodoka o Mosese nona ititoko ina Wasa Damudamu? Na cava ra qai cakava na Isireli?

5. Na cava qai yaco nira sa cici muri ira yani na Isireli na kai Ijipita?

6. Era vakaraitaka vakacava na Isireli na nodra marau kei na nodra vakavinavinaka vei Jiova nira sa vakabulai?

iKuri ni taro:

1. Wilika na Lako Yani 12:33-36.

   Na cava a cakava o Jiova me saumi lesu kina vei ira na nona tamata na dede ni nodra a tiko vakavesu e Ijipita? (Lako 3:21, 22; 12:35, 36)

2. Wilika na Lako Yani 14:1-31.

   Ena tarai ira vakacava na dauveiqaravi i Jiova nikua na ka a tukuna o Mosese ena Lako Yani 14:13, 14 ena nodra vakanamata ina ivalu ni Amaketoni e sa roro voleka mai? (2 Vei. 20:17; Same 91:8)

3. Wilika na Lako Yani 15:1-8, 20, 21.

   1. Na cava mera vakacaucautaki Jiova kina ena sere o ira nona dauveiqaravi? (Lako 15:1, 2; Same 105:2, 3; Vkta. 15:3, 4)

   2. Era ivakaraitaki vinaka vakacava vei ira na yalewa lotu Vakarisito nikua o Miriama kei ira na yalewa ena Wasa Damudamu? (Lako 15:20, 21; Same 68:11)

iTalanoa 34

Na Kakana Vou

1. Ni o raica na iyaloyalo, na cava era tomika tiko na tamata? Na cava na yacana?

2. Na cava a vakarota o Mosese vei ira na tamata me baleta na tomiki ni mana?

3. Na cava e kaya o Jiova mera cakava ena ikaono ni siga? Na cava na vuna?

4. Na cakamana cava a cakava o Jiova nira maroroya na mana me baleta na ikavitu ni siga?

5. Vakacava na balavu ni gauna e vakani ira tiko kina nona tamata o Jiova ena mana?

iKuri ni taro:

1. Wilika na Lako Yani 16:1-36 kei na Tiko Voli Mai na Lekutu 11:7-9.

   1. E vakaraitaka vakacava na Lako Yani 16:8 na bibi ni noda doka na veilesi vakalou ena ivavakoso vakarisito? (Iper. 13:17)

   2. Ena nodra lako voli ena vanualiwa na Isireli, na sala cava era vakadreti kina e veisiga mera vakararavi vei Jiova? (Lako 16:14-16, 35; Vkru. 8:2, 3)

   3. Na cava a vakatakarakarataka o Jisu ena mana? E yaga vakacava vei keda na “madrai mai lomalagi” oqo? (Joni 6:31-35, 40)

2. Wilika na Josua 5:10-12.

   E vica na yabaki era a kania tiko kina na Isireli na mana, era vakatovolei vakacava kina? Na cava eda vulica ena itukutuku oqo? (Lako 16:35; Tiko 11:4-6; 1 Kor. 10:10, 11)

iTalanoa 35

Solia Nona iVunau o Jiova

1. Ni oti e vula rua nodra biuti Ijipita na Isireli, era lai keba e vei?

2. Na cava e vinakata o Jiova mera cakava nona tamata, ia na cava ra qai kaya?

3. Na cava e solia kina vei Mosese o Jiova e rua na vatu raraba?

4. Me ikuri ni Vunau e Tini, na ivunau cava tale a solia o Jiova vei ira na Isireli?

5. Na rua na ivunau cava a kaya o Jisu ni ivunau levu duadua?

iKuri ni taro:

1. Wilika na Lako Yani 19:1-25; 20:1-21; 24:12-18; kei na 31:18.

   E vukei keda vakacava na Lako Yani 19:8 meda kila na veika e vauci ena yalayala vakarisito? (Maciu 16:24; 1 Pita 4:1-3)

2. Wilika na Vakarua 6:4-6; Vunau ni Soro 19:18; kei na Maciu 22:36-40.

   Era na vakaraitaka vakacava na lotu Vakarisito na nodra lomana na Kalou kei ira na wekadra? (Mari. 6:34; Caka. 4:20; Roma 15:2)

iTalanoa 36

Na Luve ni Bulumakau Koula

1. Ni o raica na iyaloyalo, na cava era cakava tiko na tamata? Na cava na vuna?

2. Na cava e cudru kina o Jiova, kei na cava a cakava o Mosese ni raica na veika era cakava tiko?

3. Na cava a kaya o Mosese vei ira e so na tagane mera cakava?

4. Na cava eda vulica ena italanoa oqo?

iKuri ni taro:

1. Wilika na Lako Yani 32:1-35.

   1. E laurai vakacava ena ivakaraitaki oqo na rai i Jiova me baleta na bosoki vata ni lotu lasu kei na sokalou dina? (Lako 32:4-6, 10; 1 Kor. 10:7, 11)

   2. Na cava e bibi kina vei ira na lotu Vakarisito mera digia vinaka na ka ni veivakalasai, me vaka na lagasere kei na danisi? (Lako 32:18, 19; Efeso 5:15, 16; 1 Joni 2:15-17)

   3. Era ivakaraitaki vinaka vakacava na yavusa i Livai ena nodra tutaka na yalododonu? (Lako 32:25-28; Same 18:25)

iTalanoa 37

Na Valelaca ni Sokalou

1. Na cava na yaca ni vale o raica ena iyaloyalo oqo, kei na cava e dau caka kina?

2. Na cava e kaya kina o Jiova vei Mosese me tara ga na valelaca me vakarawarawataka na kena basu?

3. Na kato cava e tiko ena rumu lailai ena loma ni valelaca, kei na cava e tiko ena loma ni kato oqori?

4. A digitaki cei o Jiova me bete levu, qai cava e nona itavi?

5. Tukuna e tolu na ka e tiko ena rumu levu ni valelaca.

6. Na cava e rua na ka e tu ena rara ni vale, na cava e dau caka kina?

iKuri ni taro:

1. Wilika na Lako Yani 25:8-40; 26:1-37; 27:1-8; kei na 28:1.

   Na cava e vakatakarakarataka na jerupi ena dela ni “cabocabo-ni-bulubulu”? (Lako 25:20, 22; Tiko 7:89; 2 Tui 19:15)

2. Wilika na Lako Yani 30:1-10, 17-21; 34:1, 2; kei na Iperiu 9:1-5.

   1. Na cava e vakabibitaka kina o Jiova na savasava vakayago vei ira na bete era veiqaravi ena valeniveitavaki? E tarai keda vakacava nikua? (Lako 30:18-21; 40:30, 31; Iper. 10:22)

   2. E vakaraitaka vakacava na yapositolo o Paula ni sa oti na yaga ni valeniveitavaki kei na veiyalayalati ni Lawa ena gauna a volavola tiko kina vei ira na Iperiu lotu Vakarisito? (Iper. 9:1, 9; 10:1)

iTalanoa 38

Lewe 12 na Yamata

1. Na cava o dikeva rawa ena isoso vuanivaini ena iyaloyalo oqori? E kau mai vei?

2. Na cava e talai iratou kina e 12 na yamata o Mosese me ratou lai raica na vanua o Kenani?

3. Ni ratou sa lesu mai, na cava eratou kaya vei Mosese na le tini na yamata?

4. Erau vakaraitaka vakacava e rua na yamata na nodrau nuitaki Jiova? O cei na yacadrau?

5. Na cava e cudru kina o Jiova, kei na cava a qai kaya vei Mosese?

iKuri ni taro:

1. Wilika na Tiko Voli Mai na Lekutu 13:1-33.

   1. O cei soti a digitaki me lai raica na vanua? Na itavi dokai cava e soli vei iratou? (Tiko 13:2, 3, 18-20)

   2. Na cava e duatani kina nodrau rai o Josua kei Kelepi vei iratou na kena vo? Na cava eda vulica kina? (Tiko 13:28-30; Maciu 17:20; 2 Kor. 5:7)

2. Wilika na Tiko Voli Mai na Lekutu 14:1-38.

   1. Na ivakasala cava meda kauaitaka ena nodra didivaki na matataki Jiova e vuravura? (Tiko 14:2, 3, 27; Maciu 25:40, 45; 1 Kor. 10:10)

   2. E vakaraitaka vakacava na Tiko Voli Mai na Lekutu 14:24 ni dau kauaitaki ira yadudua nona dauveiqaravi o Jiova? (1 Tui 19:18; Vkai. 15:3)

iTalanoa 39

Tubu na Senikau ena iTitoko i Eroni

1. O cei soti a beca na nodrau veiliutaki o Mosese kei Eroni, na cava era kaya vei Mosese?

2. Na cava a kaya o Mosese vei Kora kei ira na lewe 250 na nona ilawalawa?

3. Na cava a kaya o Mosese vei ira na lewenivanua, kei na cava a yaco ni oti ga nona vosa?

4. Na cava a qai yacovi Kora kei ira na lewe 250 na nona ilawalawa?

5. Na cava a cakava o Eliesa na luve i Eroni ena nodra miqa na tamata mate? Na cava na vuna?

6. Na cava a vakatubura kina o Jiova na senikau ena ititoko i Eroni? (Raica na iyaloyalo)

iKuri ni taro:

1. Wilika na Tiko Voli Mai na Lekutu 16:1-49.

   1. Na cava a cakava o Kora kei ira na nona ilawalawa? E vakaraitaka vakacava oqori nira beci Jiova? (Tiko 16:9, 10, 18; Vunau 10:1, 2; Vkai. 11:2)

   2. Na rai cala cava e bucina o Kora kei ira na 250 na “turaga vei ira nai soqosoqo”? (Tiko 16:1-3; Vkai. 15:33; Aisea 49:7)

2. Wilika na Tiko Voli Mai na Lekutu 17:1-11 kei na 26:10.

   1. Na cava e vakaraitaka na tubu ni senikau ena ititoko i Eroni? Na cava e vakarota kina o Jiova me maroroi ena kato ni veiyalayalati? (Tiko 17:5, 8, 10)

   2. Na ka bibi cava eda vulica ena ka a yaco ena ititoko i Eroni? (Tiko 17:10; Caka. 20:28; Fpai. 2:14; Iper. 13:17)

iTalanoa 40

Samuta na Vatu o Mosese

1. E kauaitaki ira vakacava na Isireli o Jiova nira tu ena vanualiwa?

2. Na cava era kudruvaka na Isireli e Ketesa?

3. E vakarautaka vakacava o Jiova na wai vei ira nona tamata kei na nodra manumanu?

4. O cei na yaca ni turaga e dusi koya tiko ga ena iyaloyalo oqori? Na cava e cakava kina vaka oya?

5. Na cava e cudruvi Mosese kei Eroni kina o Jiova? Na cava na kedrau itotogi?

6. Na cava a yaco ena Ulunivanua o Ori? O cei a qai nodra bete levu na Isireli?

iKuri ni taro:

1. Wilika na Tiko Voli Mai na Lekutu 20:1-13, 22-29 kei na Vakarua 29:5.

   1. Na cava eda vulica ena nona karoni ira tiko na Isireli ena vanualiwa o Jiova? (Vkru. 29:5; Maciu 6:31; Iper. 13:5; Jeme. 1:17)

   2. Na cava na rai i Jiova ena nodrau sega ni vakalagilagi koya o Mosese kei Eroni ena matadra na Isireli? (Tiko 20:12; 1 Kor. 10:12; Vkta. 4:11)

   3. Na cava eda rawa ni vulica ena sala e ciqoma kina o Mosese na veivakavulici i Jiova? (Tiko 12:3; 20:12, 27, 28; Vkru. 32:4; Iper. 12:7-11)

iTalanoa 41

Na Gata Parasa

1. Ena iyaloyalo, na cava e vivigi tu ena kau? Na cava e tukuna kina o Jiova vei Mosese me vakaduria na kau e kea

2. Era vakaraitaka vakacava na Isireli nodra sega ni vakavinavinakataka na veika kece sa cakava vei ira na Kalou?

3. Na cava era kerea vei Mosese me cakava ni oti nona tala mai o Jiova na gata batigaga me totogitaki ira?

4. Na cava e tukuna kina o Jiova vei Mosese me cakava e dua na gata parasa?

5. Na cava eda rawa ni vulica ena italanoa oqo?

iKuri ni taro:

1. Wilika na Tiko Voli Mai na Lekutu 21:4-9.

   1. Na ivakasala cava eda vulica rawa ena nodra didivaka na Isireli na veika sa vakarautaka vei ira o Jiova? (Tiko 21:5, 6; Roma 2:4)

   2. Ena vica na senitiuri tale e muri, cava era sa cakava tiko ina gata parasa na Isireli? Na cava e qai cakava o Tui Esekaia? (Tiko 21:9; 2 Tui 18:1-4)

2. Wilika na Joni 3:14, 15.

   E vakatakarakarataka vinaka vakacava nona vakoti o Jisu Karisito na vivigi ni gata parasa ena dua na kau? (Kala. 3:13; 1 Pita 2:24)

iTalanoa 42

Vosa e Dua na Asa

1. O cei o Pelaki? Na cava e vinakati Pelami kina?

2. Na cava e dabe kina e sala na nona asa o Pelami?

3. Na cava a kaya vei Pelami na asa?

4. Na cava e kaya na agilosi vei Pelami?

5. Na cava a yaco ni saga o Pelami me tauca na vosa mera kalouca kina na Isireli?

iKuri ni taro:

1. Wilika na Tiko Voli Mai na Lekutu 21:21-35.

   Na cava e qaqa kina o Isireli vei Sioni na nodra tui na Amoraiti kei Oki na nodra tui na Pasani? (Tiko 21:21, 23, 33, 34)

2. Wilika na Tiko Voli Mai na Lekutu 22:1-40.

   Na cava na inaki i Pelami ena nona saga me tauca na vosa mera kalouca kina na Isireli? Na cava eda vulica kina? (Tiko 22:16, 17; Vkai. 6:16, 18; 2 Pita 2:15; Juta 11)

3. Wilika na Tiko Voli Mai na Lekutu 23:1-30.

   Dina ga ni vosa o Pelami me vaka e dua e qaravi Jiova, ia e laurai vakacava ena ka e cakava ni sega ni vaka kina? (Tiko 23:3, 11-14; 1 Sam. 15:22)

4. Wilika na Tiko Voli Mai na Lekutu 24:1-25.

   E vakaukauataka vakacava noda vakabauta na vakayacori ni inaki i Jiova na italanoa oqo? (Tiko 24:10; Aisea 54:17)

iTalanoa 43

Sa iLiuliu Vou o Josua

1. O cei o rau na tucake vata tu kei Mosese ena iyaloyalo oqori?

2. Na cava e tukuna o Jiova vei Josua?

3. Na cava a cabeta kina o Mosese na Ulunivanua o Nipo, kei na cava a qai tukuna vua o Jiova?

4. Yabaki vica o Mosese e qai mate?

5. Na cava era rarawa kina na Isireli? Ia ena vuku ni cava era marau tale kina?

iKuri ni taro:

1. Wilika na Tiko Voli Mai na Lekutu 27:12-23.

   Na itavi bibi cava a lesia o Jiova vei Josua? E laurai vakacava nikua nona dau kauaitaki ira nona tamata o Jiova? (Tiko 27:15-19; Caka. 20:28; Iper. 13:7)

2. Wilika na Vakarua 3:23-29.

   Na cava e sega ni vakatara kina o Jiova me rau butuka na vanua yalataki o Mosese kei Eroni? Na cava eda vulica kina? (Vkru. 3:25-27; Tiko 20:12, 13)

3. Wilika na Vakarua 31:1-8, 14-23.

   E kilai vakacava ena vosa ni tautau i Mosese vei ira na Isireli nona ciqoma ena yalomalumalumu na veivakavulici i Jiova (Vkru. 31:6-8, 23)

4. Wilika na Vakarua 32:45-52.

   Me tara vakacava noda bula na Vosa ni Kalou? (Vkru. 32:47; Vunau 18:5; Iper. 4:12)

5. Wilika na Vakarua 34:1-12.

   Dina ni a sega ni raici Jiova sara ga e matana o Mosese, ia na cava e kaya na Vakarua 34:10 me baleta na nodrau veivolekati? (Lako 33:11, 20; Tiko 12:8)

iTalanoa 44

Vunitaki Rau na Yamata o Reapi

1. E vakaitikotiko e vei o Reapi?

2. O cei o rau na tagane erau tabaki tu oqo? Na cava rau a lai cakava e Jeriko?

3. Na cava a vakarota o tui Jeriko vei Reapi? Na cava a qai tukuna o Reapi?

4. E vukei rau vakacava na tagane oqori o Reapi? Na cava a qai kerea o koya vei rau?

5. Na cava rau yalataka na yamata vei Reapi?

iKuri ni taro:

1. Wilika na Josua 2:1-24.

   E vakayacori vakacava na vosa ni yalayala i Jiova e tukuni ena Lako Yani 23:28 nira sa valuti Jeriko na Isireli? (Josua 2:9-11)

2. Wilika na Iperiu 11:31.

   E kilai vakacava ena ivakaraitaki i Reapi na bibi ni vakabauta? (Roma 1:17; Iper. 10:39; Jeme. 2:25)

iTalanoa 45

Takosovi na Uciwai na Joritani

1. Na cakamana cava a cakava o Jiova mera takosova kina na Isireli na Uciwai na Joritani?

2. Mera vakaraitaka vakacava nodra vakabauta na Isireli me rawa nira qai takosova kina na Uciwai na Joritani?

3. Na cava e vakaroti Josua kina o Jiova me tomika e 12 na vatu lelevu mai uciwai?

4. Na cava e yaco nira sa lako tani mai na Joritani na bete?

iKuri ni taro:

1. Wilika na Josua 3:1-17.

   1. Me vaka e laurai ena italanoa oqo, na cava meda cakava me rawa ni vukei keda qai vakalougatataki keda o Jiova? (Josua 3:13, 15; Vkai. 3:5; Jeme. 2:22, 26)

   2. E vakacava tu na Uciwai na Joritani nira takosova na Isireli mera yaco ina Vanua Yalataki? E vakalagilagi kina vakacava na yaca i Jiova? (Josua 3:15; 4:18; Same 66:5-7)

2. Wilika na Josua 4:1-18.

   Na cava na inaki ni kena tomiki mai na Joritani na 12 na vatu qai lai tuvani e Kilikali? (Josua 4:4-7)

iTalanoa 46

Na Bai kei Jeriko

1. Na cava e tukuna o Jiova vei ira na tamata era dau vala kei ira na bete mera cakava ena ono na siga?

2. Na cava mera qai cakava ena ikavitu ni siga?

3. Me vaka o raica ena iyaloyalo, na cava sa yaco ena bai kei Jeriko?

4. Na cava e lili toka kina ena dua na katubaleka na wa damudamu?

5. Na cava a kaya o Josua vei ira na tamata dau vala me caka vei ira na tamata kei na nodra koro? Ia vakacava ga na siliva, parasa, kei na kaukamea?

6. Na cava e tukuni me rau cakava na yamata?

iKuri ni taro:

1. Wilika na Josua 6:1-25.

   1. E tautauvata vakacava na nodra yavokiti Jeriko ena ikavitu ni siga na Isireli kei na nodra cakacaka vakavunau na iVakadinadina i Jiova ena i otioti ni veisiga oqo? (Josua 6:15, 16; Aisea 60:22; Maciu 24:14; 1 Kor. 9:16)

   2. E qai vakayacori vakacava ena 500 vakacaca na yabaki tale e muri na parofisai ena Josua 6:26? Na cava eda vulica kina me baleta na ka e dau tukuna o Jiova? (1 Tui 16:34; Aisea 55:11)

iTalanoa 47

Na Daubutako e Isireli

1. Ena iyaloyalo, o cei na turaga e buluta tiko na iyau a kau mai Jeriko, o cei tale ga a tokoni koya?

2. Na cava e cala bibi kina na ka e cakava o Ekani kei iratou nona vuvale?

3. Na cava a kaya o Jiova ena gauna a taroga kina o Josua na vu ni nodra druka na Isireli ena ivalu mai Ai?

4. Ni ratou sa kau vei Josua o Ekani kei na nona vuvale, na cava qai caka vei iratou?

5. Na ka bibi cava eda vulica ena itotogi a soli vei Ekani?

iKuri ni taro:

1. Wilika na Josua 7:1-26.

   1. E kilai vakacava ena masu i Josua na nodrau veiwekani kei na Dauveibuli? (Josua 7:7-9; Same 119:145; 1 Joni 5:14)

   2. Na cava e laurai ena ivakaraitaki i Ekani? Na cava eda vulica kina? (Josua 7:11, 14, 15; Vkai. 15:3; 1 Tim. 5:24; Iper. 4:13)

2. Wilika na Josua 8:1-29.

   Na cava na noda itavi yadudua ena ivavakoso vakarisito nikua? (Josua 7:13; Vunau 5:1; Vkai. 28:13)

iTalanoa 48

Era Lomavuku na Kai Kipioni

1. Era duidui vakacava na kai Kipioni vei ira na lewe ni veikoro tale e so e Kenani?

2. Me vaka e laurai koto oqo ena iyaloyalo, na cava era cakava na kai Kipioni? Na cava na vuna?

3. Na cava e yalataka o Josua kei ira na iliuliu e Isireli vei ira na kai Kipioni? Ia na cava e qai kilai ni oti tale e tolu na siga?

4. Na cava e yaco nira sa rogoca na tui ena so tale na vanua ni rau sa tovata o Isireli kei Kipioni?

iKuri ni taro:

1. Wilika na Josua 9:1-27.

   1. A vakarota na matanitu o Isireli o Jiova mera “vakamatea kecega na lewe ni vanua,” ia na itovo cava e votu ena nona vakabulai ira na kai Kipioni? (Josua 9:22, 24; Maciu 9:13; Caka. 10:34, 35; 2 Pita 3:9)

   2. E ivakaraitaki vinaka vakacava vei ira na lotu Vakarisito nikua o Josua ena nona dina tiko ga ena nona yalayala vei ira na kai Kipioni? (Josua 9:18, 19; Maciu 5:37; Efeso 4:25)

2. Wilika na Josua 10:1-5.

   Era vakatotomuri ira vakacava na kai Kipioni na isoqosoqo levu nikua? O cei e taketetaki ira tiko? (Josua 10:4; Saka. 8:23; Maciu 25:35-40; Vkta. 12:17)

iTalanoa 49

Tu Vakadua na Matanisiga

1. Ena iyaloyalo oqori, na cava e kaya tiko o Josua? Na cava na vuna?

2. Sala cava e vukei Josua kina kei ira na nona sotia o Jiova?

3. E vica na tui ca a vakamalumalumutaka o Josua? E vica na gauna e taura na nona cakava oqori?

4. Na cava e wasea kina o Josua na vanua o Kenani?

5. Yabaki vica o Josua a qai mate? Ni oti oya e vakacava na nodra ivakarau na Isireli?

iKuri ni taro:

1. Wilika na Josua 10:6-15.

   Noda kila ni a cakava o Jiova vei ira na Isireli me tu vakadua na matanisiga kei na vula, na cava eda vakadeitaka kina nikua? (Josua 10:8, 10, 12, 13; Same 18:3; Vkai. 18:10)

2. Wilika na Josua 12:7-24.

   O cei e vakavuna mera vakamalumalumutaki e 31 na tui e Kenani? Na cava e bibi kina vei keda nikua? (Josua 12:7; 24:11-13; Vkru. 31:8; Luke 21:9, 25-28)

3. Wilika na Josua 14:1-5.

   E wasei vakacava na qele vei ira na yavusa e Isireli? Na cava e dusia oqo ena votai ni qele ena Parataisi? (Josua 14:2; Aisea 65:21; Isik. 47:21-23; 1 Kor. 14:33)

4. Wilika na Dauveilewai 2:8-13.

   Me vakataki Josua e Isireli, o cei nikua e qarauna tiko me kua ni yaco na vukitani? (Dvei. 2:8, 10, 11; Maciu 24:45-47; 2 Ces. 2:3-6; Taito 1:7-9; Vkta. 1:1; 2:1, 2)

iTalanoa 50

Rua na Yalewa Yaloqaqa

1. O cei o ira na dauveilewai? O cei e so vei ira?

2. Na cava na itavi lavotaki i Tepora? Na cava e okati kina?

3. Ni vakasaurarataki ira na Isireli o Tui Japini kei na nona turaganivalu o Sisira, na itukutuku cava i Jiova a vakasavuya o Tepora vei koya na dauveilewai o Peraki? O cei e vakalagilagi kina?

4. Na cava a cakava o Jaeli e vakaraitaka nona yalewa qaqa?

5. Na cava e yaco ni sa mate o Tui Japini?

iKuri ni taro:

1. Wilika na Dauveilewai 2:14-22.

   Na cava a cudruvi ira kina na Isireli o Jiova? Na cava eda vulica kina? (Dvei. 2:20; Vkai. 3:1, 2; Isik. 18:21-23)

2. Wilika na Dauveilewai 4:1-24.

   Na lesoni cava ni yaloqaqa kei na vakabauta e rawa nira vulica na yalewa lotu Vakarisito nikua ena nodrau ivakaraitaki o Tepora kei Jaeli (Dvei. 4:4, 8, 9, 14, 21, 22; Vkai. 31:30; 1 Kor. 16:13)

3. Wilika na Dauveilewai 5:1-31.

   E rawa vakacava ni taurivaki na nodrau sere ni qaqa o Peraki kei Tepora me vaka na masu e baleta na ivalu levu sa vakarau yaco oqo na Amaketoni? (Dvei. 5:3, 31; 1 Vei. 16:8-10; Vkta. 7:9, 10; 16:16; 19:19-21)

iTalanoa 51

O Ruci kei Neomai

1. A mai tu vakacava e Moapi o Ruci?

2. O cei o Ruci kei Oripa?

3. Na cava erau tukuna o Ruci kei Oripa ni sa tukuna vei rau o Neomai me rau lesu tale vei ira na wekadrau?

4. O cei o Poasa, a vukei rau vakacava o Ruci kei Neomai?

5. O cei na yaca i luvedrau o Poasa kei Ruci, cava meda kua ni guilecavi koya kina?

iKuri ni taro:

1. Wilika na Ruci 1:1-17.

   1. E vakaraitaka vakacava o Ruci na loloma dina? (Ruci 1:16, 17)

   2. E tautauvata vakacava na ivakarau ni rai i Ruci kei na nodra rai na ‘so tani tale na sipi’ me baleti ira na lumuti era tiko e vuravura nikua? (Joni 10:16; Saka. 8:23)

2. Wilika na Ruci 2:1-23.

   E ivakaraitaki vinaka vakacava o Ruci vei ira na yalewa gone nikua? (Ruci 2:17, 18; Vkai. 23:22; 31:15)

3. Wilika na Ruci 3:5-13.

   1. E raica vakacava o Poasa nona lomasoli o Ruci me rau vakamau ni a rawa sara ga me digia e dua na tagane gone?

   2. Na cava eda vulica ena ivakarau ni yalo i Ruci me baleta na loloma dina? (Ruci 3:10; 1 Kor. 13:4, 5)

4. Wilika na Ruci 4:7-17.

   E rawa nira vakatotomuri Poasa vakacava na tagane lotu Vakarisito nikua? (Ruci 4:9, 10; 1 Tim. 3:1, 12, 13; 5:8)

iTalanoa 52

Kitioni kei na 300 Nona Tamata

1. Na cava era sa mai leqa tu kina vakalevu na Isireli?

2. Na cava e tukuna kina o Jiova vei Kitioni ni sa rui levu na nona mataivalu?

3. Ni sa tukuna oti o Kitioni vei ira era rere tiko mera lesu i vale, e vica e qai vo?

4. Ni o raica na iyaloyalo oqori, vakamacalataka mada se vakalailaitaka vakacava o Jiova na kedra iwiliwili na mataivalu i Kitioni mera le 300 ga?

5. E vakarautaki ira vakacava na le 300 na nona tamata o Kitioni, ia a qaqa vakacava o Isireli ena ivalu?

iKuri ni taro:

1. Wilika na Dauveilewai 6:36-40.

   1. E vakadeitaka vakacava o Kitioni na loma i Jiova?

   2. Eda kila vakacava nikua na loma i Jiova? (Vkai. 2:3-6; Maciu 7:7-11; 2 Tim. 3:16, 17)

2. Wilika na Dauveilewai 7:1-25.

   1. Na cava eda vulica vei ira na le 300 era a tu vakarau ni vakatauvatani kei ira era vakawelewele? (Dvei. 7:3, 6; Roma 13:11, 12; Efeso 5:15-17)

   2. Me vaka ga nodra vuli vei Kitioni na le 300 ena nodra vakaraici koya, eda na vuli vakacava vei Kitioni Levu Cake, o Jisu Karisito? (Dvei. 7:17; Maciu 11:29, 30; 28:19, 20; 1 Pita 2:21)

   3. Ena vukei keda vakacava na Dauveilewai 7:21 meda lomavakacegu na veiqaravi ena vanua cava ga eda lesi kina ena isoqosoqo i Jiova? (1 Kor. 4:2; 12:14-18; Jeme. 4:10)

3. Wilika na Dauveilewai 8:1-3.

   Nida saga meda walia na noda veileqaleqati kei na dua na tacida, na cava eda vulica vei Kitioni ena nona saga me walia na nona veileti kei ira na Ifireimi? (Vkai. 15:1; Maciu 5:23, 24; Luke 9:48)

iTalanoa 53

Yalayala i Jefica

1. O cei o Jefica, gauna cava a bula kina o koya?

2. Na cava a yalataka o Jefica vei Jiova?

3. Na cava e rarawataka o Jefica ena nona yaco yani i vale ni sa qaqa oti vei ira na kai Amoni?

4. Na cava a kaya na luveyalewa i Jefica ni sa kila na yalayala i tamana?

5. Na cava era taleitaki luveyalewa i Jefica kina e levu?

iKuri ni taro:

1. Wilika na Dauveilewai 10:6-18.

   Na ivakasala cava meda nanuma tiko nida wilika na itukutuku ni nodra sega ni dau yalodina vei Jiova na Isireli? (Dvei. 10:6, 15, 16; Roma 15:4; Vkta. 2:10)

2. Wilika na Dauveilewai 11:1-11, 29-40.

   1. Eda kila vakacava ni nona soli luvena yalewa o Jefica me “i soro kama” e sega ni kena ibalebale ni a vakacabori koya sara ga ena bukawaqa? (Dvei. 11:31; Vunau 16:24; Vkru. 18:10, 12)

   2. Sala cava e vakacabori luvena yalewa kina o Jefica?

   3. Na cava eda vulica ena itovo ni rai i Jefica me baleta na nona bubului vei Jiova? (Dvei. 11:35, 39; Dauv. 5:4, 5; Maciu 16:24)

   4. E ivakaraitaki vinaka vakacava na luveyalewa i Jefica vei ira na itabagone lotu Vakarisito era via veiqaravi tiko vakatabakidua? (Dvei. 11:36; Maciu 6:33; Fpai. 3:8)

iTalanoa 54

Na Tamata Kaukaua Duadua

1. O cei na yaca ni tamata kaukaua duadua a bau bula? O cei e solia vua na kaukaua qori?

2. Na cava a cakava o Samisoni vua e dua na laione levu, me vaka o raica ena iyaloyalo oqori?

3. Na ka vuni cava e tukuna tiko o Samisoni vei Tilaila ena iyaloyalo oqori? E yaco vakacava na ka vuni oqori mera vesuki koya kina na kai Filisitia?

4. A vakamatei ira vakacava e le 3,000 na meca kai Filisitia o Samisoni ena siga a mate kina?

iKuri ni taro:

1. Wilika na Dauveilewai 13:1-14.

   Erau ivakaraitaki vinaka vakacava o Manoa kei watina vei ira na itubutubu ena nodra tuberi na gone? (Dvei. 13:8; Same 127:3; Efeso 6:4)

2. Wilika na Dauveilewai 14:5-9 kei na 15:9-16.

   1. E vakavotuya vakacava na cakacaka ni yalo tabu i Jiova na itukutuku ni nona vakamatea o Samisoni na laione, nona vakacavukataka na dali vou a vesu tu kina, kei na nona vakayagataka na kaunibati ni dua na asa me vakamatei ira kina e le 1,000 na tamata?

   2. E dau vukei keda vakacava nikua na yalo tabu? (Dvei. 14:6; 15:14; Saka. 4:6; Caka. 4:31)

3. Wilika na Dauveilewai 16:18-31.

   E tarai Samisoni vakacava na nona vakailala ca, ia na cava eda vulica kina? (Dvei. 16:18, 19; 1 Kor. 15:33)

iTalanoa 55

Na Gonetagane Lailai sa mai Qarava na Kalou

1. O cei na yaca ni gonetagane lailai e tiko oqori ena iyaloyalo? O cei o iratou na duri volekati koya tu?

2. Na cava e kerea o Ana ni lai masu ena vale i Jiova ena dua na siga, e sauma vakacava o Jiova na nona masu?

3. E yabaki vica o Samuela sa kau me lai veiqaravi ena vale i Jiova, na cava e dau cakava vua o tinana ena veiyabaki?

4. O cei na yacadrau na luve i Ilai, erau mataqali tamata vakacava?

5. E kacivi Samuela vakacava o Jiova, na itukutuku cava e tukuna vua?

6. Na cava a nona itavi o Samuela ni sa cauravou mai, cava e qai yaco ni sa qase?

iKuri ni taro:

1. Wilika na 1 Samuela 1:1-28.

   1. E ivakaraitaki vinaka vakacava o Elikana vei ira na ulunivuvale ena kena vakaliuci na sokalou dina? (1 Sam. 1:3, 21; Maciu 6:33; Fpai. 1:10)

   2. Nida sotava e so na ituvaki dredre, na cava eda vulica ena ivakaraitaki i Ana? (1 Sam. 1:10, 11; Same 55:22; Roma 12:12)

2. Wilika na 1 Samuela 2:11-36.

   A vakaraitaka vakacava o Ilai ni levu cake nona dokai rau na luvenatagane mai na nona dokai Jiova, na cava eda vulica kina? (1 Sam. 2:22-24, 27, 29; Vkru. 21:18-21; Maciu 10:36, 37)

3. Wilika na 1 Samuela 4:16-18.

   Na cava na va na itukutuku ni rarawa e a vakarogoi mai na bucanivalu, ia a tarai Ilai vakacava?

4. Wilika na 1 Samuela 8:4-9.

   Era vakacudrui Jiova vakacava na Isireli, qai rawa vakacava nida tokona ena yalodina na nona Matanitu nikua? (1 Sam. 8:5, 7; Joni 17:16; Jeme. 4:4)

iTalanoa 56

Saula​—Na iMatai ni Tui Isireli

1. Na cava e cakava tiko o Samuela ena iyaloyalo oqori, na cava na vuna?

2. Na cava e taleitaki Saula kina o Jiova, e tamata vakacava o koya?

3. O cei na yaca i luve i Saula, na cava a cakava?

4. Na cava e vakacabora ga kina na isoro o Saula, e sega ni waraki Samuela me qai cakava?

5. Na cava eda rawa ni vulica ena italanoa kei Saula?

iKuri ni taro:

1. Wilika na 1 Samuela 9:15-21 kei na 10:17-27.

   E vukei Saula vakacava na nona yalomalua me kua ni cakava e dua na ka nira vosabeci koya e so? (1 Sam. 9:21; 10:21, 22, 27; Vkai. 17:27)

2. Wilika na 1 Samuela 13:5-14.

   Na cala cava a cakava o Saula e Kilikali? (1 Sam. 10:8; 13:8, 9, 13)

3. Wilika na 1 Samuela 15:1-35.

   1. Na cala bibi cava a cakava o Saula ena vuku i Ekaki, na nodra tui na Amalekaiti? (1 Sam. 15:2, 3, 8, 9, 22)

   2. Na cava a nona ulubale o Saula me vakamamadataka kina na cala bibi a cakava? (1 Sam. 15:24)

   3. Na ivakaro cava meda muria nikua nida vakasalataki? (1 Sam. 15:19-21; Same 141:5; Vkai. 9:8, 9; 11:2)

iTalanoa 57

Digitaki Tevita na Kalou

1. O cei na yaca ni cauravou ena iyaloyalo oqori, da kila vakacava ni cauravou yaloqaqa?

2. E vakaitikotiko e vei o Tevita, o cei na yaca i tamana kei tukana?

3. Na cava e tukuna kina o Jiova vei Samuela me lako i Peceliema ina vale i Jese?

4. Na cava e yaco ni kauti iratou mai na vitu na luvenatagane o Jese vei Samuela?

5. Ni sa kau mai o Tevita, na cava e tukuna o Jiova vei Samuela?

iKuri ni taro:

1. Wilika na 1 Samuela 17:34, 35.

   E dusia vakacava na veika e yaco oqo na bibi ni nona yaloqaqa o Tevita kei na nona nuitaki Jiova? (1 Sam. 17:37)

2. Wilika na 1 Samuela 16:1-14.

   1. E vukei keda vakacava na vosa i Jiova ena 1 Samuela 16:7 meda kua ni dau veivakaduiduitaki, meda kua tale ga ni dau raica ga na irairai e taudaku? (Caka. 10:34, 35; 1 Tim. 2:4)

   2. E laurai vakacava ena ivakaraitaki i Saula ni gauna e kauta tani kina o Jiova na yalona tabu vua e dua, e rawa ni sosomitaka na vanua lala oya na yalo ca, se na gagadre ni caka ca? (1 Sam. 16:14; Maciu 12:43-45; Kala. 5:16)

iTalanoa 58

Tevita kei Kolaiaci

1. Na vosa ni bolebole cava e tauca o Kolaiaci vei ira na mataivalu ni Isireli?

2. E vakacava na levu kei Kolaiaci, na cava a yalataka o Tui Saula me na solia vua na tamata e vakamatei Kolaiaci?

3. Na cava a qai kaya o Tevita ni sa tukuna vua o Saula ni na sega ni rawati Kolaiaci baleta ni sa rui gone?

4. Ena nona sauma na vosa ni bolebole i Kolaiaci, e vakaraitaka vakacava o Tevita ni nuitaki Jiova?

5. Me vaka ga o raica ena iyaloyalo oqori, na cava a vakayagataka o Tevita me vakamatei Kolaiaci kina, ia ni oti oqori na cava e qai yacovi ira na kai Filisitia?

iKuri ni taro:

1. Wilika na 1 Samuela 17:1-54.

   1. Na cava e vu ni nona sega ni dau rere o Tevita, ia eda na vakatotomuria vakacava nona yaloqaqa? (1 Sam. 17:37, 45; Efeso 6:10, 11)

   2. Na cava mera cata kina na yalo ni veisisivi na lotu Vakarisito ena gauna ni qito se veivakamarautaki me vaka a kune vei Kolaiaci? (1 Sam. 17:8; Kala. 5:26; 1 Tim. 4:8)

   3. E laurai vakacava ena vosa i Tevita ni a nuitaka na veivuke ni Kalou? (1 Sam. 17:45-47; 2 Vei. 20:15)

   4. E sega ni tukuni tiko ena italanoa oqo na nodrau vala e rua ga na ito, ia e vakaraitaki vakacava kina ni vala oqo e baleta tiko na Kalou dina o Jiova kei ira na kalou lasu? (1 Sam. 17:43, 46, 47)

   5. Era vakatotomuria vakacava na vo ni lumuti na ivakaraitaki ni nona nuitaki Jiova o Tevita? (1 Sam. 17:37; Jere. 1:17-19; Vkta. 12:17)

iTalanoa 59

Na Vuna e Dro Kina o Tevita

1. Na cava e vuvutaki Tevita kina o Saula, ia e duidui vakacava na luvena o Jonacani?

2. Na cava a yaco ena dua na siga ni qiri api tiko vei Saula o Tevita?

3. Na cava a kaya o Saula me cakava o Tevita ni bera ni qai vakawatitaki luvena, o Maikali, ia na cava na vuna e tukuna kina oqori?

4. Ena gauna e qiri api tiko kina o Tevita vei Saula, na cava a yaco ena ikatolu ni gauna, me vaka e laurai ena iyaloyalo oqori?

5. E vukei Tevita vakacava o Maikali me bula, na cava a cakava voli o Tevita ena vitu na yabaki?

iKuri ni taro:

1. Wilika na 1 Samuela 18:1-30.

   1. E vakatakarakarataka vakacava na nodrau veilomani vakalevu o Jonacani kei Tevita na nodra veilomani na ‘so tani tale na sipi’ kei na “qele-ni-sipi lailai”? (1 Sam. 18:1; Joni 10:16; Luke 12:32; Saka. 8:23)

   2. E dodonu ga me sosomitaki Saula o Jonacani, ia e vakaraitaki vakacava ena 1 Samuela 18:4 na nona vakamalumalumutaki koya o Jonacani vua e sa digitaki me tui?

   3. E laurai vakacava ena ka e cakava o Saula ni rawa ni vakavuna na ivalavala ca levu na vuvu, na cava gona eda vulica kina? (1 Sam. 18:7-9, 25; Jeme. 3:14-16)

2. Wilika na 1 Samuela 19:1-17.

   A rawa vakacava ni vakaleqa nona bula o Jonacani na ka e tukuna vei Saula? (1 Sam. 19:1,4-6; Vkai. 16:14)

iTalanoa 60

Apikali kei Tevita

1. O cei na yalewa e mai tavaki Tevita ena iyaloyalo oqori, e yalewa vakacava?

2. O cei o Nepali?

3. Na cava e talai ira kina e so na nona tamata o Tevita mera lai kerekere vei Nepali?

4. Na cava a kaya o Nepali vei ira na tamata i Tevita, na cava e qai tukuna kina o Tevita?

5. E vakaraitaka vakacava o Apikali ni yalewa yalomatua?

iKuri ni taro:

1. Wilika na 1 Samuela 22:1-4.

   Eratou ivakaraitaki vinaka vakacava na vuvale i Tevita ena noda veitokoni vakamataveitacini lotu Vakarisito? (Vkai. 17:17; 1 Ces. 5:14)

2. Wilika na 1 Samuela 25:1-43.

   1. Na cava e sa rui tukuni kina vakaca o Nepali? (1 Sam. 25:2-5, 10, 14, 21, 25)

   2. E ivakaraitaki vinaka vakacava o Apikali vei ira na yalewa vakawati lotu Vakarisito nikua? (1 Sam. 25:32, 33; Vkai. 31:26; Efeso 5:24)

   3. Na cava e rua na ka ca e tarovi Tevita kina o Apikali me kua ni cakava? (1 Sam. 25:31, 33; Roma 12:19; Efeso 4:26)

   4. A rogoca o Tevita na vosa i Apikali, ia e vukei ira vakacava na tagane nikua na ivakaraitaki oqo me rawa ni tiko tale ga vei ira na rai i Jiova me baleti ira na yalewa? (Caka. 21:8, 9; Roma 2:11; 1 Pita 3:7)

iTalanoa 61

Sa Tui o Tevita

1. Na cava erau a cakava o Tevita kei Apisai ni moce tu o Saula ena nona keba?

2. Na cava soti e taroga o Tevita vei Saula?

3. A lako i vei o Tevita ni sa biuti Saula?

4. Na cava e rarawa kina vakalevu o Tevita, qai bulia kina e dua na sere totoka?

5. A yabaki vica o Tevita ena gauna e buli kina me tui e Epironi, o cei na yacadratou e so na luvena tagane?

6. Na vanua cava tale e qai veiliutaki kina me tui o Tevita?

iKuri ni taro:

1. Wilika na 1 Samuela 26:1-25.

   1. Na rai cava me baleta na ituvatuva vakalou e kaya o Tevita ena 1 Samuela 26:11? (Same 37:7; Roma 13:2)

   2. Nida saga vagumatua meda dau loloma da qai sega ni vakavinavinakataki, ena vukei keda vakacava na vosa i Tevita ena 1 Samuela 26:23 me donu tiko ga na noda rai? (1 Tui 8:32; Same 18:20)

2. Wilika na 2 Samuela 1:26.

   E rawa vakacava nira ‘veilomani vakalevu vakai ira’ na lotu Vakarisito nikua me vakataki Tevita kei Jonacani? (1 Pita 4:8; Kolo. 3:14; 1 Joni 4:12)

3. Wilika na 2 Samuela 5:1-10.

   1. E vica na yabaki nona veiliutaki tu vakatui o Tevita, e wasei vakacava na gauna oqori? (2 Sam. 5:4, 5)

   2. E vu mai vei na nona kaukaua o Tevita, ia na cava meda dau nanuma dei tiko kina nikua? (2 Sam. 5:10; 1 Sam. 16:13; 1 Kor. 1:31; Fpai. 4:13)

iTalanoa 62

Tubu na Leqa ena Vale i Tevita

1. Ena veivuke i Jiova, na cava a qai yaco ena vanua o Kenani?

2. Na cava a yaco ena dua na yakavi ni vakararai toka mai o Tevita ena nona delanivale?

3. Na cava e cudruvi Tevita vakalevu kina o Jiova?

4. Ena iyaloyalo oqori, o cei a tala o Jiova me lai vakaraitaka vei Tevita na nona cala, na cava e tukuna o koya ni na yacovi Tevita?

5. Na leqa cava e sa tu kina o Tevita?

6. O cei a qai tui Isireli ni sa mate o Tevita?

iKuri ni taro:

1. Wilika na 2 Samuela 11:1-27.

   1. E itataqomaki vakacava na noda vakaogai keda ena cakacaka i Jiova?

   2. E vakamuai vakacava o Tevita ina ivalavala ca, na cava eda vulica kina na dauveiqaravi i Jiova nikua? (2 Sam. 11:2; Maciu 5:27-29; 1 Kor. 10:12; Jeme. 1:14, 15)

2. Wilika na 2 Samuela 12:1-18.

   1. Na cava e rawa nira vulica na itubutubu kei ira na qase ni ivavakoso ena iwalewale ni nona vakasalataki Tevita o Necani? (2 Sam. 12:1-4; Vkai. 12:18; Maciu 13:34)

   2. Na cava e lomani Tevita kina o Jiova? (2 Sam. 12:13; Same 32:5; 2 Kor. 7:9, 10)

iTalanoa 63

Na Tui Vuku o Solomoni

1. Na cava e taroga o Jiova vei Solomoni, e sauma vakacava?

2. Ni marautaka o Jiova na kerekere i Solomoni, na cava sa qai yalataka ni na solia vua?

3. Na leqa levu cava erau mai raici Solomoni kina e rua na yalewa?

4. Me vaka ga o raica ena iyaloyalo oqori, e walia vakacava o Solomoni na leqa oqo?

5. E vakacava tu mada na veiliutaki i Solomoni, cava na vuna?

iKuri ni taro:

1. Wilika na 1 Tui 3:3-28.

   1. Ena vuku ni ka e tukuna o Solomoni ena 1 Tui 3:7, na cava era vulica kina na tagane era vakacolati ena so na itavi ena isoqosoqo ni Kalou? (Same 119:105; Vkai. 3:5, 6)

   2. E ivakaraitaki vinaka vakacava na ka e kerea o Solomoni me baleta na ka veiganiti meda masulaka? (1 Tui 3:9, 11; Vkai. 30:8, 9; 1 Joni 5:14)

   3. Nida raica na sala e walia kina o Solomoni nodrau leqa na yalewa e rua, na cava e vakadeitaka vei keda baleta nona veiliutaki mai muri o Solomoni Levu Cake, o Jisu Karisito? (1 Tui 3:28; Aisea 9:6, 7; 11:2-4)

2. Wilika na 1 Tui 4:29-34.

   1. E sauma vakacava o Jiova nona kerekere o Solomoni me daulomasoli? (1 Tui 4:29)

   2. Nida raica na nodra saga na tamata mera rogoca na vuku i Solomoni, meda raica vakacava na vulici ni Vosa ni Kalou? (1 Tui 4:29, 34; Joni 17:3; 2 Tim. 3:16)

iTalanoa 64

Tara na Valenisoro o Solomoni

1. E vica na yabaki a tara tiko kina na valenisoro i Jiova o Solomoni, ia na cava e sa rui sau levu kina?

2. E vica tiko na rumu lelevu ena valenisoro, na cava e biu ena rumu lailai ena loma ni valenisoro?

3. Na cava a qaqanimasu i Solomoni ena gauna sa tara oti kina na valenisoro?

4. E vakaraitaka vakacava o Jiova ni vakadonuya na masu i Solomoni?

5. Era vakamuai Solomoni vakacava na watina, a veisautaki koya vakacava oqo?

6. Na cava e cudruvi Solomoni kina o Jiova, cava e qai kaya vua?

iKuri ni taro:

1. Wilika na 1 Veigauna 28:9, 10.

   Nida raica na veivosa i Tevita ena 1 Veigauna 28:9, 10, na cava meda gumatua ni cakava ena noda bula e veisiga? (Same 19:14; Fpai. 4:8, 9)

2. Wilika na 2 Veigauna 6:12-21, 32-42.

   1. E vakaraitaka vakacava o Solomoni ni sega ni rauti koya na Kalou Cecere Sara na vale e tara na tamata? (2 Vei. 6:18; Caka. 17:24, 25)

   2. Na cava e vakaraitaka na veivosa i Solomoni ena 2 Veigauna 6:32, 33 me baleti Jiova? (Caka. 10:34, 35; Kala. 2:6)

3. Wilika na 2 Veigauna 7:1-5.

   Me vaka ga nodra a uqeti na luve i Isireli mera vakavinavinaka vei Jiova nira raica na nona iserau, ena tarai keda vakacava nikua noda vakasamataka na nona vakalougatataki ira nona tamata o Jiova? (2 Vei. 7:3; Same 22:22; 34:1; 96:2)

4. Wilika na 1 Tui 11:9-13.

   E vakavotui vakacava ena bula i Solomoni na bibi ni noda yalodina tiko ga me yacova na ivakataotioti? (1 Tui 11:4, 9; Maciu 10:22; Vkta. 2:10)

iTalanoa 65

Sa Tawase na Matanitu

1. O cei na yacadrau na tagane ena iyaloyalo oqori? Vakamacalataki rau.

2. Na cava a cakava ena nona kote o Eaija, na cava e kena ibalebale?

3. Na cava e via cakava o Solomoni vei Jeropoami?

4. Na cava era buli Jeropoami kina na lewenivanua me nodra tui na yavusa e tini?

5. Na cava e bulia kina o Jeropoami e rua na bulumakau koula, ia ni oti ga vakalailai oya, na cava e qai yaco ena vanua?

6. Na cava e yaco vei rau na yavusa e rua kei na valenisoro i Jiova e Jerusalemi?

iKuri ni taro:

1. Wilika na 1 Tui 11:26-43.

   E tamata vakacava o Jeropoami, cava e yalataka vua o Jiova ke muria tiko ga na lawa ni Kalou? (1 Tui 11:28, 38)

2. Wilika na 1 Tui 12:1-33.

   1. Ni raici na ivakaraitaki ca i Riopoami, na cava e rawa nira vulica kina na itubutubu kei ira na qase ni ivavakoso me baleta na vakatanitaki ni lewa? (1 Tui 12:13; Dauv. 7:7; 1 Pita 5:2, 3)

   2. O cei e dodonu mera rai kina na itabagone nikua me dusimaki ira vinaka nira vakatulewataka e so na ka bibi ena nodra bula? (1 Tui 12:6, 7; Vkai. 1:8, 9; 2 Tim. 3:16, 17; Iper. 13:7)

   3. Na cava a viritura kina o Jeropoami e rua na vanua me sokaloutaki kina na bulumakau, e vakaraitaka vakacava oqo ni sa lailai sara ga nodra vakabauti Jiova? (1 Tui 11:37; 12:26-28)

   4. O cei a liutaki ira na leweniyavusa e tini mera goletani mai na sokalou dina? (1 Tui 12:32, 33)

iTalanoa 66

O Jesepeli na Ranadi Ca

1. O cei o Jesepeli?

2. Na cava e rarawataka o Tui Eapi ena dua na siga?

3. Na cava e cakava o Jesepeli me rawata kina na werenivaini i Nepoci me nei watina, o Eapi?

4. O cei a tala mai o Jiova me totogitaki Jesepeli?

5. Me vaka o raica ena iyaloyalo oqori, na cava a yaco ni sa toka tu yani o Jeu ena vale i Jesepeli?

iKuri ni taro:

1. Wilika na 1 Tui 16:29-33 kei na 18:3, 4.

   E vakacava sara tu mada na ca ni vanua o Isireli ena gauna i Tui Eapi? (1 Tui 14:9)

2. Wilika na 1 Tui 21:1-16.

   1. E vakaraitaka vakacava o Nepoci na nona yaloqaqa kei na nona yalodina vei Jiova? (1 Tui 21:1-3; Vunau 25:23-28)

   2. Na cava eda vulica ena ivakaraitaki i Eapi me baleta na vosoti ni veika rarawa? (1 Tui 21:4; Roma 5:3-5)

3. Wilika na 2 Tui 9:30-37.

   Na cava eda vulica ena nona gumatua o Jeu ni cakava na loma i Jiova? (2 Tui 9:4-10; 2 Kor. 9:1, 2; 2 Tim. 4:2)

iTalanoa 67

Nuitaki Jiova o Jiosafati

1. O cei o Jiosafati, na gauna cava a bula donuya?

2. Na cava era rere kina na Isireli, cava era qai cakava e levu?

3. E sauma vakacava o Jiova na masu i Jiosafati?

4. Na cava e cakava o Jiova ni bera na ivalu?

5. Na cava eda vulica vei Jiosafati?

iKuri ni taro:

1. Wilika na 2 Veigauna 20:1-30.

   1. E vakaraitaka vakacava o Jiosafati na ka e dodonu mera cakava na tamata yalodina ni Kalou nira sotava na ituvaki leqataki? (2 Vei. 20:12; Same 25:15; 62:1)

   2. Me vaka ni a dau vakayagataka o Jiova e dua na sala ni vakauitukutuku ena gauna e veitaratara kina kei ira nona tamata, na sala cava sa vakayagataka tiko o koya nikua? (2 Vei. 20:14, 15; Maciu 24:45-47; Joni 15:15)

   3. Ena tautauvata vakacava na keda ituvaki kei na gauna i Jiosafati ena gauna e yaco kina “nai valu ni siga dina ko ya ni Kalou Kaukauwa”? (2 Vei. 20:15, 17; 32:8; Vkta. 16:14, 16)

   4. Ena nodra vakatotomuri ira na Livai, era sa vakayacora tiko vakacava na painia kei ira na daukaulotu na vunautaki ni itukutuku vinaka e vuravura raraba nikua? (2 Vei. 20:19, 21; Roma 10:13-15; 2 Tim. 4:2)

iTalanoa 68

Vakabulai e Rua na Gonetagane

1. O cei o iratou na le tolu oqori ena iyaloyalo, cava e yacovi koya na gonetagane lailai?

2. Na cava e masulaka o Ilaija me baleti koya na gonetagane, cava e qai yaco tarava?

3. O cei nona dau veivuke o Ilaija?

4. Na cava e kacivi yani kina o Ilaisa ena vale ni dua na yalewa ni Sunemi?

5. Na cava e cakava o Ilaisa, cava e qai yacovi koya na gone a sa mate?

6. Na kaukaua cava e tiko vei Jiova me vaka erau vakaraitaka o Ilaija kei Ilaisa?

iKuri ni taro:

1. Wilika na 1 Tui 17:8-24.

   1. E vakatovolei vakacava na nona talairawarawa kei na nona vakabauta o Ilaija? (1 Tui 17:9; 19:1-4, 10)

   2. E uasivi vakacava na nona vakabauta na yada ni Sarifaci? (1 Tui 17:12-16; Luke 4:25, 26)

   3. Ni raici na ka e sotava na yada ni Sarifaci, e dina vakacava na vosa i Jisu ena Maciu 10:41, 42? (1 Tui 17:10-12, 17, 23, 24)

2. Wilika na 2 Tui 4:8-37.

   1. Na cava eda vulica vua na yalewa ni Sunemi me baleta na veikauaitaki? (2 Tui 4:8; Luke 6:38; Roma 12:13; 1 Joni 3:17)

   2. Na sala cava eda rawa ni kauaitaki ira kina vakayalololoma na tamata ni Kalou nikua? (Caka. 20:35; 28:1, 2; Kala. 6:9, 10; Iper. 6:10)

iTalanoa 69

Na Goneyalewa e Vukea e Dua na Turaga Qaqa

1. Na cava e tukuna tiko na goneyalewa lailai vua na marama oqori?

2. O cei na marama oqori ena iyaloyalo, cava e cakava tiko ena nona vale na goneyalewa lailai?

3. Na cava e vakaroti nona dauveiqaravi kina o Ilaisa me tukuna vei Neamani, cava qai cudru kina o koya?

4. Na cava e yaco ni vakarorogo o Neamani vei ira na nona dauveiqaravi?

5. Na cava e sega ni taura kina o Ilaisa na iloloma e solia o Neamani, ia cava qai cakava o Kiesai?

6. Na cava e qai yacovi Kiesai, na cava eda vulica kina?

iKuri ni taro:

1. Wilika na 2 Tui 5:1-27.

   1. E rawa vakacava ni uqeti ira na gone nikua na ivakaraitaki ni goneyalewa lailai ni Isireli oqo? (2 Tui 5:3; Same 8:2; 148:12, 13)

   2. Na cava e bibi kina meda dau nanuma tiko na ivakaraitaki i Neamani ena gauna eda vakasalataki kina vakaivolatabu? (2 Tui 5:15; Iper. 12:5, 6; Jeme. 4:6)

   3. Na cava eda rawa ni vulica ena noda veidutaitaka na nona ivakaraitaki o Ilaisa kei na nei Kiesai? (2 Tui 5:9, 10, 14-16, 20; Maciu 10:8; Caka. 5:1-5; 2 Kor. 2:17)

iTalanoa 70

O Jona kei na Ika Levu

1. O cei o Jona, cava e tukuna vua o Jiova me cakava?

2. Ni sega ni via lako ina vanua e lesi koya kina o Jiova, cava e qai cakava o Jona?

3. Na cava e tukuna o Jona vei ira na kaiwaqa mera cakava me ruru kina na cagi kaukaua?

4. Me vaka o raica toka oqori ena iyaloyalo, na cava e yaco ena gauna sa lutudromu kina o Jona i wai?

5. E siga vica o Jona ena kete ni ika levu oqori, cava sa qai cakava?

6. E lako i vei o Jona ni sa luaraki koya na ika, cava eda vulica kina?

iKuri ni taro:

1. Wilika na Jona 1:1-17.

   Na cava na rai nei Jona me baleta nona lesi me lai vunau vei ira na kai Ninive? (Jona 1:2, 3; Vkai. 3:7; Dauv. 8:12)

2. Wilika na Jona 2:1, 2, 10.

   E vakadeitaka vakacava vei keda na ivakaraitaki i Jona ni na sauma na noda masu o Jiova? (Same 22:24; 34:6; 1 Joni 5:14)

3. Wilika na Jona 3:1-10.

   1. E vakaukauataki keda vakacava na nona vakayagataki Jona tiko ga o Jiova, dina ga ni a sega ni via cakava na ka a lesi taumada vua? (Same 103:14; 1 Pita 5:10)

   2. Na cava eda vulica ena ivakaraitaki i Jona kei ira na kai Ninive me baleta na noda vakalewa na nodra vakarorogo o ira na tiko ena noda yalava? (Jona 3:6-9; Dauv. 11:6; Caka. 13:48)

iTalanoa 71

Yalataka na Parataisi na Kalou

1. O cei o Aisea, gauna cava a bula kina, cava e vakaraitaka vua o Jiova?

2. Na cava na ibalebale ni vosa “parataisi,” na cava o na nanuma lesu kina?

3. Na cava e tukuna o Jiova vei Aisea me vola me baleta na Parataisi vou?

4. Na cava erau sega ni dei kina ena nodrau itikotiko totoka o Atama kei Ivi?

5. Na cava e yalataka o Jiova vei ira na lomani koya?

iKuri ni taro:

1. Wilika na Aisea 11:6-9.

   1. E vakamacalataka vakacava na Vosa ni Kalou na veisaututaki ena kedra maliwa na manumanu kei na tamata ena vuravura vou? (Same 148:10, 13; Aisea 65:25; Isik. 34:25)

   2. Sa vakayacori tiko vakacava na parofisai i Aisea vei ira na tamata i Jiova nikua? (Roma 12:2; Efeso 4:23, 24)

   3. O cei e dodonu me vakavinavinakataki me baleta na veisau e yaco ena noda itovo na tamata nikua vaka kina ena vuravura vou? (Aisea 48:17, 18; Kala. 5:22, 23; Fpai. 4:7)

2. Wilika na Vakatakila 21:3, 4.

   1. E vakaraitaki vakacava ena iVolatabu ni o Jiova e tiko ga vakaivakatakarakara kei ira na tamata e vuravura? (Vunau 26:11, 12; 2 Vei. 6:18; Aisea 66:1; Vkta. 21:2, 3, 22-24)

   2. Na mataqali tagi kei na vutugu cava ena oti vakadua? (Luke 8:49-52; Roma 8:21, 22; Vkta. 21:4)

iTalanoa 72

Vukei Tui Esekaia na Kalou

1. O cei na turaga oqori ena iyaloyalo, na cava e yacovi koya kina na leqa levu?

2. Na ivola cava soti e mai biuta oqori o Esekaia ena mata ni Kalou, cava e masulaka?

3. E tui vakacava o Esekaia, na itukutuku cava i Jiova e vakadewa na parofita o Aisea vei koya?

4. Na cava e cakava na agilosi i Jiova vei ira na kai Asiria, me vaka e raici oqori ena iyaloyalo?

5. Dina nira bula sautu na lewe ni yavusa e rua me dua na gauna lekaleka, cava e yaco ni sa mate o Esekaia?

iKuri ni taro:

1. Wilika na 2 Tui 18:1-36.

   1. E saga vakacava na matanivanua ni Asiria, o Rapisake, me vakamalumalumutaka na nodra vakabauta na Isireli? (2 Tui 18:19, 21; Lako 5:2; Same 64:3)

   2. Nira sotavi ira na dauveitusaqati, era muria vakacava na iVakadinadina i Jiova na ivakaraitaki i Esekaia? (2 Tui 18:36; Same 39:1; Vkai. 26:4; 2 Tim. 2:24)

2. Wilika na 2 Tui 19:1-37.

   1. Era vakatotomuri Esekaia vakacava na tamata i Jiova nikua nira sotava na veika rarawa? (2 Tui 19:1, 2; Vkai. 3:5, 6; Iper. 10:24, 25; Jeme. 5:14, 15)

   2. Na cava e tolu na ka e vakadrukai kina o Tui Senakaripi, e vakatakarakarataki cei o koya? (2 Tui 19:32, 35, 37; Vkta. 20:2, 3)

3. Wilika na 2 Tui 21:1-6, 16.

   Na cava e tukuni kina ni o Manasa e dua vei ira na tui ca duadua me bau veiliutaki e Jerusalemi? (2 Vei. 33:4-6, 9)

iTalanoa 73

iOtioti ni Tui Vinaka e Isireli

1. E yabaki vica o Josaia sa tui, cava e cakava ni sa yabaki vitu nona veiliutaki tiko vakatui?

2. Na cava e cakava tiko o Josaia ena imatai ni iyaloyalo?

3. Na cava e kunea na bete levu ena gauna e vakavinakataki tiko kina na valenisoro?

4. Na cava e dresulaka kina na nona isulu o Josaia?

5. Na itukutuku cava i Jiova e vakadewa na parofita yalewa o Ulita vei Josaia?

iKuri ni taro:

1. Wilika na 2 Veigauna 34:1-28.

   1. Na ivakaraitaki cava i Josaia era vuli kina o ira na dau vosota na ituvaki dredre nira se gone? (2 Vei. 33:21-25; 34:1, 2; Same 27:10)

   2. Na veika bibi cava e cakava o Josaia me tara cake kina na sokalou dina ena ika8, ika12, kei na ika18 ni yabaki ni nona veiliutaki? (2 Vei. 34:3, 8)

   3. Na cava eda vulica ena ivakaraitaki i Tui Josaia kei na Bete Levu o Ilikaia me baleta na vakavinakataki ni noda vanua ni sokalou? (2 Vei. 34:9-13; Vkai. 11:14; 1 Kor. 10:31)

iTalanoa 74

Na Turaga Yalodoudou

1. O cei na cauravou ena iyaloyalo?

2. Na cava e nanuma o Jeremaia ena nona sa lesi me parofita, ia cava e tukuna vua o Jiova?

3. Na itukutuku cava e tukuna tiko ga o Jeremaia vei ira na tamata?

4. Era via tarovi Jeremaia vakacava na bete, ia e vakaraitaka vakacava o koya ni sega ni rere?

5. Na cava e yaco nira sega ni veisautaka na nodra itovo na Isireli?

iKuri ni taro:

1. Wilika na Jeremaia 1:1-8.

   1. Me vaka e raici ena ivakaraitaki i Jeremaia, na cava e vinakati vua e dua me rawa ni vakaitavi ena cakacaka i Jiova? (2 Kor. 3:5, 6)

   2. E vakauqeti ira vakacava na itabagone lotu Vakarisito nikua na ivakaraitaki i Jeremaia? (Dauv. 12:1; 1 Tim. 4:12)

2. Wilika na Jeremaia 10:1-5.

   Na ivakatautauvata veilauti cava e vakayagataka o Jeremaia me vakaraitaka kina ni tawayaga na nodra nuitaki na matakau? (Jere. 10:5; Aisea 46:7; Apak. 2:19)

3. Wilika na Jeremaia 26:1-16.

   1. Ni soli tiko na ivakasala nikua, era taura vakabibi vakacava na vo ni lumuti na ivakaro i Jiova vei Jeremaia me kua ni kuri se ‘vakalailaitaki na vosa’ e vakarota? (Jere. 26:2; Vkru. 4:2; Caka. 20:27)

   2. E ivakaraitaki vinaka vakacava o Jeremaia vei ira na iVakadinadina i Jiova nikua ena nodra kacivaka tiko na ivakaro i Jiova vei ira na veimatanitu? (Jere. 26:8, 12, 14, 15; 2 Tim. 4:1-5)

4. Wilika na 2 Tui 24:1-17.

   Na ka ca cava e yaco ena vuku ni nona tawayalodina vei Jiova o Juta? (2 Tui 24:2-4, 14)

iTalanoa 75

Va na Cauravou e Papiloni

1. O cei o iratou na va na cauravou ena iyaloyalo, eratou mai tu vakacava e Papiloni?

2. Na cava sa lalawataka tu o Nepukanesa me baleti iratou na va na cauravou oqo, cava e vakaroti ira kina nona dauveiqaravi?

3. Na cava e kerea o Taniela me baleta na ka me ratou kania kei na ka me ratou gunuva?

4. Ni oti e 10 na siga nodratou kana kakanadraudrau o Taniela kei iratou na nona itokani, na cava e laurai ni ratou vakatauvatani kei ira na vo tale ni cauravou?

5. E mai tu vakacava o Taniela kei iratou na nona itokani ena vale ni tui, sala cava eratou uasivi ira kina na bete kei ira na tamata vuku?

iKuri ni taro:

1. Wilika na Taniela 1:1-21.

   1. Na sasaga cava e gadrevi meda vorata kina na veitemaki, kei na kena valuti na malumalumu? (Tani. 1:8; Vkte. 39:7, 10; Kala. 6:9)

   2. Na sala cava era rawa ni temaki se uqeti kina na itabagone nikua mera cakava na ka era kaya e so ni vaka sara ga na “kakana”? (Tani. 1:8; Vkai. 20:1; 2 Kor. 6:17–7:1)

   3. E uqeti keda vakacava na kedratou italanoa ena iVolatabu na va na cauravou ni Iperiu meda taleitaka kina na noda vuli e koronivuli? (Tani. 1:20; Aisea 54:13; 1 Kor. 3:18-20)

iTalanoa 76

Vakarusai o Jerusalemi

1. Na cava e sa yacovi Jerusalemi kei ira na Isireli me vaka e laurai ena iyaloyalo?

2. O cei o Isikeli, na ka ca cava e vakaraitaka vua o Jiova ni caka tiko?

3. Nira sega ni dokai Jiova na Isireli, na cava e qai yalataka?

4. Na cava e cakava o Tui Nepukanesa nira sa talaidredre vua na Isireli?

5. Na cava e vakalaiva kina o Jiova mera rusa na Isireli?

6. E mai lala tu vakacava na vanua o Isireli, e yabaki vica na kena laladidi tu vaka oqori?

iKuri ni taro:

1. Wilika na 2 Tui 25:1-26.

   1. O cei o Setekaia, cava e yacovi koya, e vakayacori kina vakacava na parofisai vakaivolatabu? (2 Tui 25:5-7; Isik. 12:13-15)

   2. O cei ena saumitaro vei Jiova ena nodra sega ni yalodina na Isireli? (2 Tui 25:9, 11, 12, 18, 19; 2 Vei. 36:14, 17)

2. Wilika na Isikeli 8:1-18.

   Era vakatotomuri ira vakacava na Isireli vukitani era dau sokaloutaka na matanisiga o ira na lotu ni Veivanua Vakarisito? (Isik. 8:16; Aisea 5:20, 21; Joni 3:19-21; 2 Tim. 4:3)

iTalanoa 77

Eratou Sega ni Via Cuva

1. Na cava e vakaroti ira kina na lewenivanua o Nepukanesa na tui Papiloni?

2. Na cava eratou sega ni cuva kina vua na matakau koula na tolu na itokani i Taniela?

3. Ni solia tale e dua na gauna o Nepukanesa vei iratou na tolu na Iperiu me ratou cuva ina matakau, ratou vakaraitaka vakacava nodratou nuitaki Jiova?

4. Na cava e tukuna o Nepukanesa vei ira na nona tamata mera cakava vei Setareki, Mesaki, kei Apetiniko?

5. Na cava e raica o Nepukanesa ni rai yani ena loma ni lovo bukawaqa?

6. Na cava e tukuna kina na tui me rokovi na Kalou i Setareki, Mesaki, kei Apetiniko, na cava eda vulica kina?

iKuri ni taro:

1. Wilika na Taniela 3:1-30.

   1. Na nodratou ivakaraitaki cava na tolu na Iperiu gone oqo e dodonu mera vakatotomuria na tamata kece ni Kalou ena gauna e vakatovolei kina na nodra vakabauta? (Tani. 3:17, 18; Maciu 10:28; Roma 14:7, 8)

   2. Na ka bibi cava e vakavulici Nepukanesa kina na Kalou o Jiova? (Tani. 3:28, 29; 4:34, 35)

iTalanoa 78

Volavola ena Lalaga

1. Na cava e yaco ena gauna e vakayacora kina e dua na kana magiti levu na tui Papiloni qai vakayagataka na bilo koula kei na dari e kau mai ena valenisoro i Jiova e Jerusalemi?

2. Na cava e tukuna o Pelisasari vei ira na nona tamata vuku, ia cava era sega ni cakava rawa?

3. Na cava e tukuna na tina i koya na tui me cakava na tui?

4. Me vaka na ka e tukuna o Taniela vua na tui, na cava e vakavuna kina na Kalou na volavola oqori ena lalaga?

5. E vakamacalataka vakacava o Taniela na volavola ena lalaga?

6. Na cava e yaco ni se vosa tiko ga o Taniela?

iKuri ni taro:

1. Wilika na Taniela 5:1-31.

   1. Veidutaitaka mada na rere vakalou kei na rere e tuburi Pelisasari ni sa raica na volavola ena lalaga. (Tani. 5:6, 7; Same 19:9; Roma 8:35-39)

   2. E vakaraitaka vakacava na yaloqaqa o Taniela ni vosa tiko vei Pelisasari kei ira na nona tamata rogo? (Tani. 5:17, 18, 22, 26-28; Caka. 4:29)

   3. E vakabibitaki vakacava na veiliutaki cecere i Jiova ena Taniela wase 5? (Tani. 4:17, 25; 5:21)

iTalanoa 79

Taniela ena Qara ni Laione

1. O cei o Taraiase, cava nona rai me baleti Taniela?

2. Ena nodra vuvu, na cava era uqeti Taraiase kina e so na tamata me cakava?

3. Na cava e cakava o Taniela ni sa kila na lawa vou e vakaturi?

4. Na cava e sa rui rarawataka vakalevu o Taraiase qai vakavuna nona sega ni moce, cava e cakava ena mataka ni siga e tarava?

5. E sauma vakacava o Taniela na nona taro o Taraiase?

6. Na cava e yacovi ira na tamata ca era a via vakamatei Taniela, cava e vola o Taraiase vei ira na lewe ni nona matanitu?

iKuri ni taro:

1. Wilika na Taniela 6:1-28.

   1. Na cava eda nanuma lesu nida vakasamataka na nona sagai me nakicataki o Taniela kei na nodra saga na dauveitusaqati mera tarova na nodra cakacaka na iVakadinadina i Jiova nikua? (Tani. 6:7; Same 94:20; Aisea 10:1; Roma 8:31)

   2. Era na vakatotomuri Taniela vakacava na tamata ni Kalou nikua mera dau vakamalumalumutaki ira “vei ira era veiliutaki e na matanitu”? (Tani. 6:5, 10; Roma 13:1; Caka. 5:29)

   3. Eda rawa vakacava ni vakatotomuria na ivakaraitaki i Taniela ena noda qaravi Jiova “tikoga”? (Tani. 6:16, 20; Fpai. 3:16; Vkta. 7:15)

iTalanoa 80

Biuti Papiloni na Tamata ni Kalou

1. Na cava era sa cakava tiko na Isireli me vaka e raici ena iyaloyalo?

2. E vakayacora vakacava o Sairusi na parofisai i Jiova me vaka a kaya na parofita o Aisea?

3. Na cava e tukuna o Sairusi vei ira na Isireli era sega ni rawa ni lesu i Jerusalemi?

4. Na cava e solia o Sairusi vei ira na Isireli mera kauta i Jerusalemi?

5. E vakacava na dede ni nodra lako tiko i Jerusalemi?

6. Sa vica na yabaki na kena sega tu ni tawani na nodra vanua?

iKuri ni taro:

1. Wilika na Aisea 44:28 kei na 45:1-4.

   1. E vakabibitaka vakacava o Jiova na kena vakayacori dina na parofisai baleti Sairusi? (Aisea 55:10, 11; Roma 4:17)

   2. E vakaraitaki vakacava ena parofisai i Aisea baleti Sairusi na kaukaua e tiko vua na Kalou o Jiova me tukuna na ka e se bera ni yaco? (Aisea 42:9; 45:21; 46:10, 11; 2 Pita 1:20)

2. Wilika na Esera 1:1-11.

   Ni vakatotomuri na nodra ivakaraitaki o ira na sega ni rawa ni lesu i Jerusalemi, eda rawa vakacava ni “vukei ira” era rawa ni cakacaka vakatabakidua nikua? (Esera 1:4, 6; Roma 12:13; Kolo. 4:12)

iTalanoa 81

Nuitaka na Veivuke ni Kalou

1. Era le vica era biubiu mai Papiloni ena ilakolako balavu i Jerusalemi, ia na cava era raica nira sa yaco yani?

2. Na cava era tekivu tara na Isireli ni oti toka ga nodra yaco yani, ia cava era cakava na kedra meca?

3. O cei o Akeai kei Sakaraia, cava erau tukuna vei ira na tamata?

4. Na cava e vakauta kina o Tatinai e dua na ivola i Papiloni, cava na kena isau?

5. Na cava e cakava o Esera ni sa kila ni vinakati me vakavinakataki na valenisoro ni Kalou?

6. Na cava e masulaka tiko oqori o Esera ena iyaloyalo, e saumi vakacava na nona masu, cava eda vulica kina?

iKuri ni taro:

1. Wilika na Esera 3:1-13.

   Kevaka eda mani tiko ena vanua e sega kina na nodra ivavakoso na tamata ni Kalou, na cava meda cakava tiko ga? (Esera 3:3, 6; Caka. 17:16, 17; Iper. 13:15)

2. Wilika na Esera 4:1-7.

   Na cava era vulica na tamata i Jiova ena ivakaraitaki i Serupapeli me baleta na lotu cokovata? (Lako 34:12; 1 Kor. 15:33; 2 Kor. 6:14-17)

3. Wilika na Esera 5:1-5, 17 kei na 6:1-22.

   1. Na cava era sega ni tarova rawa kina na dauveitusaqati na tara ni valenisoro? (Esera 5:5; Aisea 54:17)

   2. E uqeti ira vakacava na qase lotu Vakarisito na nodra ivakaraitaki na nodra qase na Jiu mera kerea na veidusimaki i Jiova ena gauna era tusaqati kina? (Esera 6:14; Same 32:8; Roma 8:31; Jeme. 1:5)

4. Wilika na Esera 8:21-23, 28-36.

   Ni bera nida cakava e dua na ka, na ivakaraitaki cava i Esera e vinaka meda vakatotomuria? (Esera 8:23; Same 127:1; Vkai. 10:22; Jeme. 4:13-15)

iTalanoa 82

O Moatekai kei Esiteri

1. O cei o Moatekai kei Esiteri?

2. Na cava e vinakata kina o Tui Easuerosi me dua tale na watina vou, e digi cei?

3. O cei o Emani, cava e vakacudrui koya?

4. Na lawa cava a buli, cava e cakava o Esiteri ni ciqoma e dua na itukutuku i Moatekai?

5. Na cava e yacovi Emani, cava tale ga e yacovi Moatekai?

6. Era vakabulai vakacava na Isireli vei ira na kedra meca?

iKuri ni taro:

1. Wilika na Esiteri 2:12-18.

   E vakaraitaka vakacava o Esiteri na yaga ni kena bucini na “yalomalumalumu kei na yalomalua”? (Esit. 2:15; 1 Pita 3:1-5)

2. Wilika na Esiteri 4:1-17.

   Me vaka ni soli vei Esiteri e dua na sala me vakaraitaka kina na nona tokona na sokalou dina, eda rawa ni vakaraitaka vakacava nikua na noda lomani Jiova kei na noda yalodina vua? (Esit. 4:13, 14; Maciu 5:14-16; 24:14)

3. Wilika na Esiteri 7:1-6.

   Era vakaraitaka vakacava e levu na tamata ni Kalou nikua nodra bolea mera vakacacani me vakataki Esiteri? (Esit. 7:4; Maciu 10:16-22; 1 Pita 2:12)

iTalanoa 83

Na Bai kei Jerusalemi

1. Na cava era nanuma na Isireli ena kena sega ni vakabai tu na nodra koro o Jerusalemi?

2. O cei o Niemaia?

3. Na cava na cakacaka i Niemaia, cava e bibi kina?

4. Na itukutuku cava e vakararawataki Niemaia, cava e cakava?

5. Na cava e yalovinaka kina vei Niemaia o Tui Atakisekise?

6. E vakarautaka vakacava o Niemaia na tara ni bai mera kua kina ni tarova na meca i Isireli na kena tara?

iKuri ni taro:

1. Wilika na Niemaia 1:4-6 kei na 2:1-20.

   Na cava era vulica na qase ni ivavakoso kei ira na dauveiqaravi vakaitalatala ni veidutaitaki na ka era cakava na kai Tikoa kei ira na “nodra turaga”? (Niem. 2:4, 5; Roma 12:12; 1 Pita 4:7)

2. Wilika na Niemaia 3:3-5.

   Na cava era vulica na qase ni ivavakoso kei ira na dauveiqaravi vakaitalatala ni veidutaitaki na ka era cakava na kai Tikoa kei ira na “nodra turaga”? (Niem. 3:5, 27; 2 Ces. 3:7-10; 1 Pita 5:5)

3. Wilika na Niemaia 4:1-23.

   1. Na cava e uqeti ira na Isireli mera tara tiko ga na bai, dina nira vakacacani vakaukaua? (Niem. 4:6, 8, 9; Same 50:15; Aisea 65:13, 14)

   2. E uqeti keda vakacava nikua na nodra ivakaraitaki na Isireli?

4. Wilika na Niemaia 6:15.

   E vakaraitaki vakacava na kaukaua ni vakabauta ena kena tara na bai ena loma ga ni rua na vula? (Same 56:3, 4; Maciu 17:20; 19:26)

iTalanoa 84

Sikovi Meri e Dua na Agilosi

1. O cei na yalewa ena iyaloyalo?

2. Na cava e tukuna o Keperieli vei Meri?

3. E vakamacalataka vakacava o Keperieli vei Meri ni na dua na luvena, dina ni se sega ni moce vata kei na dua na tagane?

4. Na cava e yaco ni sikovi Ilisapeci na wekana o Meri?

5. Na cava e nanuma o Josefa ena gauna e sa rogoca kina ni na dua na luve i Meri, cava e qai veisautaka tale kina na lomana?

iKuri ni taro:

1. Wilika na Luke 1:26-56.

   1. Na cava e tukuna na Luke 1:35 me baleta na ivalavala ca e taka mai vei Atama o koya e vakavuna me sega ni savasava na katonigone i Meri ena gauna e tokitaki kina na bula ni Luve ni Kalou mai lomalagi? (Akeai 2:11-13; Joni 6:69; Iper. 7:26; 10:5)

   2. E dokai vakacava o Jisu ni se bera mada ga ni sucu? (Luke 1:41-43)

   3. E ivakaraitaki vinaka vakacava o Meri vei ira na lotu Vakarisito nikua era lesi ena itavi bibi ni veiqaravi? (Luke 1:38, 46-49; 17:10; Vkai. 11:2)

2. Wilika na Maciu 1:18-25.

   E dina ni sega ni soli vei Jisu na yaca Imanueli, e vakayacori vakacava na ibalebale ni yaca oqori ena nona bula vakatamata? (Maciu 1:22, 23; Joni 14:8-10; Iper. 1:1-3)

iTalanoa 85

Sucu o Jisu ena Vale ni Manumanu

1. O cei na gonelailai ena iyaloyalo, e vakadavori koya tiko ena vanua cava o Meri?

2. Na cava e sucu kina o Jisu ena nodra vale na manumanu?

3. O cei o iratou na turaga eratou curu tiko yani oqori ena vale ni manumanu me vaka e raici ena iyaloyalo, na cava a tukuna vei iratou e dua na agilosi?

4. Na cava e duidui kina o Jisu?

5. Na cava e rawa ni tukuni kina o Jisu me Luve ni Kalou?

iKuri ni taro:

1. Wilika na Luke 2:1-20.

   1. Na cava e cakava o Sisa Akusito me vakayacori kina na parofisai me baleta na sucu i Jisu? (Luke 2:1-4; Maika 5:2)

   2. E rawa vakacava ni okati e dua kei ira na “tamata era vakadonui”? (Luke 2:14; Maciu 16:24; Joni 17:3; Caka. 3:19; Iper. 11:6)

   3. Kevaka era marautaka na dauvakatawasipi yalomalumalumu ni Jutia nona sucu e dua na iVakabula, na cava meda marau sara kina vakalevu na dauveiqaravi ni Kalou nikua? (Luke 2:10, 11; Efeso 3:8, 9; Vkta. 11:15; 14:6)

iTalanoa 86

Eratou Vakamuria e Dua na Kalokalo

1. O cei o iratou na tagane ena iyaloyalo, cava e dusia tiko kina e dua vei iratou na kalokalo serau?

2. Na cava e sega ni taleitaka o Tui Eroti, cava e qai cakava?

3. E kauti iratou tiko e vei na kalokalo, ia cava ratou qai muria kina e duatani tale na sala ni ratou sa lesu i nodratou vanua?

4. Na cava e vakarota o Eroti, cava na vuna?

5. Na cava e tukuna o Jiova vei Josefa me cakava?

6. O cei e vakavuna na serau ni kalokalo vou, cava na vuna?

iKuri ni taro:

1. Wilika na Maciu 2:1-23.

   Sa yabaki vica o Jisu ni ratou sikovi koya yani na dauraikalokalo, a tiko tale ga e vei ena gauna oqori? (Maciu 2:1, 11, 16)

iTalanoa 87

Tiko ena Valenisoro o Jisu

1. Sa yabaki vica o Jisu ena iyaloyalo, e tiko e vei?

2. Na cava e dau cakava o Josefa kei na nona vuvale ena veiyabaki?

3. Ni oti toka e dua na siga nodra sa lesu tale tiko i vale, cava erau qai suka kina i Jerusalemi o Josefa kei Meri?

4. Erau kunei Jisu e vei o Josefa kei Meri, cava era kurabuitaka na tamata?

5. Na cava e kaya o Jisu vei Meri na tinana?

6. Eda rawa vakacava ni vakataki Jisu ena noda vulica na veika me baleta na Kalou?

iKuri ni taro:

1. Wilika na Luke 2:41-52.

   1. E dina ni vakaroti ena Lawa mera tiko ga na tagane ena solevu vakayabaki, erau ivakaraitaki vinaka vakacava o Josefa kei Meri vei ira na itubutubu nikua? (Luke 2:41; Vkru. 16:16; 31:12; Vkai. 22:6)

   2. E ivakaraitaki vinaka vakacava o Jisu vei ira na gone nikua ena nodra talairawarawa vei ira nodra itubutubu? (Luke 2:51; Vkru. 5:16; Vkai. 23:22; Kolo. 3:20)

2. Wilika na Maciu 13:53-56.

   O cei o iratou na va na taci Jisu eratou tukuni ena iVolatabu, rau qai vakayagataki vakacava e rua ena ivavakoso vakarisito? (Maciu 13:55; Caka. 12:17; 15:6, 13; 21:18; Kala. 1:19; Jeme. 1:1; Juta 1)

iTalanoa 88

Papitaisotaki Jisu o Joni

1. O cei erau tu oqori ena iyaloyalo?

2. E papitaisotaki vakacava e dua?

3. E dau papitaisotaki ira na tamata vakacava o Joni?

4. Na cava e kerei Joni kina o Jisu me papitaisotaki koya?

5. E vakaraitaka vakacava na Kalou ni marautaka na nona papitaiso o Jisu?

6. Na cava e yaco ni lai tiko ena dua na vanua lala o Jisu me 40 na siga?

7. O cei e so na imuri taumada i Jisu, se tisaipeli, cava tale ga na imatai ni cakamana a cakava?

iKuri ni taro:

1. Wilika na Maciu 3:13-17.

   Na ivakaraitaki cava a biuta o Jisu ena ivalavala mera papitaiso kina nona tisaipeli?(Same 40:7, 8; Maciu 28:19, 20; Luke 3:21, 22)

2. Wilika na Maciu 4:1-11.

   E uqeti keda vakacava meda vulica wasoma na iVolatabu nida raica nona maqosa ni vakayagataka o Jisu? (Maciu 4:5-7; 2 Pita 3:17, 18; 1 Joni 4:1)

3. Wilika na Joni 1:29-51.

   E dusimaki ira nona tisaipeli vei cei o Joni na Dauveipapitaiso, eda rawa vakacava ni vakatotomuri koya nikua? (Joni 1:29, 35, 36; 3:30; Maciu 23:10)

4. Wilika na Joni 2:1-12.

   E vakaraitaki vakacava ena imatai ni cakamana i Jisu ni sega ni dau burogotaka o Jiova na ka vinaka vei ira nona tamata? (Joni 2:9, 10; Same 84:11; Jeme. 1:17)

iTalanoa 89

Vakasavasavataka na Valenisoro o Jisu?

1. Na cava era volitaki tiko kina na manumanu ena valenisoro?

2. Na cava e vakacudrui Jisu?

3. Me vaka o raica ena iyaloyalo na cava e cakava tiko o Jisu, cava tale ga e vakaroti ira kina na volitaki ruve?

4. Nira raica na imuri i Jisu na ka e cakava, na cava era nanuma lesu?

5. Na vanua cava a muria o Jisu ena nona ilesulesu i Kalili?

iKuri ni taro:

1. Wilika na Joni 2:13-25.

   Nida raica na nona sega ni taleitaka o Jisu na veivoli a caka ena loma ni valenisoro, na rai donu cava e dodonu me tiko vei keda me baleta na veivoli e dau caka ena Kingdom Hall? (Joni 2:15, 16; 1 Kor. 10:24, 31-33)

iTalanoa 90

O Jisu kei na Dua na Yalewa ena Yasa ni Toevu

1. Na cava e mai cegu tu kina o Jisu ena dua na toevu e Samaria, cava tale ga e tukuna tiko vua na yalewa oqori?

2. Na cava e kurabui kina na yalewa oqori, cava e tukuna vua o Jisu, cava na vuna?

3. Na mataqali wai cava e nanuma na yalewa ni tukuna tiko o Jisu, na cava ga e vakaibalebaletaka tiko o koya?

4. Na cava e kurabui kina na yalewa ni kila vinaka tu o Jisu na veika e baleti koya, e kila sara mada vakacava o Jisu?

5. Na cava eda rawa ni vulica me baleti koya na yalewa ena yasa ni toevu?

iKuri ni taro:

1. Wilika na Joni 4:5-43.

   1. Nida vakatotomuri Jisu, na rai cava me tiko vei keda baleti ira na tamata e duidui na vanua kei na ivakarau ni bula era tuberi mai kina? (Joni 4:9; 1 Kor. 9:22; 1 Tim. 2:3, 4; Taito 2:11)

   2. Na veivakalougatataki vakayalo cava ena sotava e dua e yaco me tisaipeli i Jisu? (Joni 4:14; Aisea 58:11; 2 Kor. 4:16)

   3. E rawa vakacava nida vakaraitaka noda vakavinavinaka me vakataki koya na yalewa ni Samaria, a gumatua o koya ni tukuna yani na ka e vulica? (Joni 4:7, 28; Maciu 6:33; Luke 10:40-42)

iTalanoa 91

Veivakavulici o Jisu ena Ulunivanua

1. Ena iyaloyalo oqori, e vei na vanua e veivakavulici tiko kina o Jisu, o cei era dabe volekati koya tiko?

2. O cei na yacadratou na yapositolo e 12?

3. Na Matanitu cava e vunautaka tiko o Jisu?

4. Na cava e vakavulici ira kina o Jisu mera masulaka?

5. Na cava tale ga e vakavulica vei ira o Jisu me baleta na nodra veimaliwai?

iKuri ni taro:

1. Wilika na Maciu 5:1-12.

   Eda rawa ni vakaraitaka vakacava nida kauaitaka dina na noda veika vakayalo? (Maciu 5:3; Roma 10:13-15; 1 Tim. 4:13, 15, 16)

2. Wilika na Maciu 5:21-26.

   E vakabibitaka vakacava na Maciu 5:23, 24 ni noda veiwekani kei ira na mataveitacini ena tara tale ga noda veiwekani kei Jiova? (Maciu 6:14, 15; Same 133:1; Kolo. 3:13; 1 Joni 4:20)

3. Wilika na Maciu 6:1-8.

   Na cava e so na sala mera kua ni vakadonui ira ga kina vakataki ira na lotu Vakarisito? (Luke 18:11, 12; 1 Kor. 4:6, 7; 2 Kor. 9:7)

4. Wilika na Maciu 6:25-34.

   Na cava e vakavulica o Jisu me baleta na noda dau vakararavitaka vei Jiova na noda veika vakayago? (Lako 16:4; Same 37:25; Fpai. 4:6)

5. Wilika na Maciu 7:1-11.

   Na cava eda vulica ena vosa vakatautauvata matata e kune ena Maciu 7:5? (Vkai. 26:12; Roma 2:1; 14:10; Jeme. 4:11, 12)

iTalanoa 92

Vakaturi Ira na Mate o Jisu

1. O cei na tama i koya na goneyalewa ena iyaloyalo, cava erau taqaya kina vakalevu na veiwatini?

2. Na cava e cakava o Jairo ni sa kunei Jisu?

3. Na cava a yaco ni lako tiko o Jisu ina vale i Jairo, na itukutuku cava e tukuni vei Jairo ni se bera ni yaco i vale?

4. Na cava era dredrevaki Jisu kina o ira na tiko ena vale i Jairo?

5. Na cava e qai cakava o Jisu ni sa kauti rau na itubutubu ni gone kei na tolu na yapositolo ina nona rumu na goneyalewa?

6. O cei tale a vakabula o Jisu mai na mate, cava e vakaraitaka?

iKuri ni taro:

1. Wilika na Luke 8:40-56.

   E vakaraitaka vakacava o Jisu na nona lomani koya qai yalorawarawa vua na yalewa sa turidrabalavu, cava tale ga era vulica kina na qase lotu Vakarisito nikua? (Luke 8:43, 44, 47, 48; Vunau 15:25-27; Maciu 9:12, 13; Kolo. 3:12-14)

2. Wilika na Luke 7:11-17.

   Era na vakacegui vakacava o ira sa mate na wekadra lomani ena vosa i Jisu vua na yada ni Neini? (Luke 7:13; 2 Kor. 1:3, 4; Iper. 4:15)

3. Wilika na Joni 11:17-44.

   E vakaraitaka vakacava o Jisu ni sega ni cala na noda lolositaki ira na wekada lomani era sa leqa? (Joni 11:33-36, 38; 2 Sam. 18:33; 19:1-4)

iTalanoa 93

Vakania e Levu o Jisu

1. Na ka ca cava e yacovi Joni na Dauveipapitaiso, e tarai Jisu vakacava?

2. E vakani ira vakacava na lewe vuqa era a muri koya tiko ga o Jisu, e vakacava na levu ni kakana e vo?

3. Na cava era rere kina na tisaipeli ena bogi, cava e yacovi Pita?

4. E vakani ira vakacava na udolu na tamata o Jisu ena ikarua ni gauna?

5. Na cava ena ka talei kina ni sa veiliutaki o Jisu e vuravura me Tui digitaki ni Kalou?

iKuri ni taro:

1. Wilika na Maciu 14:1-32.

   1. Na cava e kilai me baleta na itovo i Pita ena ka e tukuni ena Maciu 14:23-32?

   2. E vakaraitaki vakacava ena iVolatabu nona sa qai yalomatua o Pita, qai vorata tale ga na nona dau yalototolo? (Maciu 14:27-30; Joni 18:10; 21:7; Caka. 2:14, 37-40; 1 Pita 5:6, 10)

2. Wilika na Maciu 15:29-38.

   E doka vakacava o Jisu na isolisoli e solia o Tamana? (Maciu 15:37; Joni 6:12; Kolo. 3:15)

3. Wilika na Joni 6:1-21.

   Era rawa vakacava ni vakatotomuria na lotu Vakarisito nikua na ivakaraitaki i Jisu me baleta na rokovi ni matanitu? (Joni 6:15; Maciu 22:21; Roma 12:2; 13:1-4)

iTalanoa 94

Dau Lomani Ira na Gone

1. Na cava eratou a veiletitaka tiko na yapositolo ni ratou lesu tiko mai ena dua na ilakolako balavu?

2. Na cava e kaciva kina e dua na gonetagane lailai o Jisu qai biuti koya e matadratou na yapositolo?

3. Sala cava me ratou na vakataki ira kina na gonelalai na yapositolo?

4. E vakaraitaka vakacava o Jisu ena vica na vula tale e muri ni dau lomani ira na gonelalai?

iKuri ni taro:

1. Wilika na Maciu 18:1-4.

   Na cava e dau vakayagataka kina o Jisu na vosa vakatautauvata ni veivakavulici?(Maciu 13:34, 36; Mari. 4:33, 34)

2. Wilika na Maciu 19:13-15.

   Na nodra itovo cava na gone meda vakatotomuria ke da vinakata meda votai ena veivakalougatataki ni Matanitu ni Kalou? (Same 25:9; 138:6; 1 Kor. 14:20)

3. Wilika na Marika 9:33-37.

   Na cava e vakavulica o Jisu vei iratou na nona tisaipeli me baleta na nodratou dau vinakata na vakaitutu? (Mari. 9:35; Maciu 20:25, 26; Kala. 6:3; Fpai. 2:5-8)

4. Wilika na Marika 10:13-16.

   E torovi rawarawa vakacava o Jisu, cava era vulica kina na qase ni ivavakoso lotu Vakarisito? (Mari. 6:30-34; Fpai. 2:1-4; 1 Tim. 4:12)

iTalanoa 95

Nona Veivakavulici o Jisu

1. Na cava e taroga vei Jisu e dua na tamata, na cava na vuna?

2. Na cava e dau vakayagataka o Jisu ena so na gauna me veivakavulici kina, cava tale ga eda sa vulica oti me baleti ira na Jiu kei ira na kai Samaria?

3. Na cava e yacovi koya na Jiu e lako tiko i Jeriko ena italanoa i Jisu?

4. Na cava e yaco ni rau muria na sala vata ga oqori e dua na nodra bete na Jiu kei na dua na Livai?

5. Ena iyaloyalo, o cei e vukei koya tiko na Jiu e mavoa tu?

6. Ni sa oti nona italanoa o Jisu, cava e taroga, e sauma vakacava na tamata oya?

iKuri ni taro:

1. Wilika na Luke 10:25-37.

   1. Ni sega ni sauma vakadodonu sara na taro o Jisu, e vukea vakacava e dua na turaga e kila vinaka na Lawa me vakatulewataka na ka? (Luke 10:26; Maciu 16:13-16)

   2. E vakayagataka vakacava o Jisu na vosa vakatautauvata mera kua ni veivakaduiduitaki o ira na rogoci koya? (Luke 10:36, 37; 18:9-14; Taito 1:9)

iTalanoa 96

Vakabulai Ira na Tauvimate o Jisu

1. Na cava e cakava o Jisu ni veilakoyaki voli e veivanua?

2. Ni oti e tolu na yabaki nona papitaiso o Jisu, cava e tukuna vei iratou nona yapositolo?

3. O cei o ira na tamata ena iyaloyalo, cava e cakava o Jisu vua na marama oqori?

4. Na cava e vakamadualaki ira kina na iliuliu ni lotu na isaunitaro i Jisu?

5. Ni volekati Jeriko yani o Jisu kei iratou na nona yapositolo, na cava e cakava vei rau na daukerekere mataboko?

6. Na cava e dau cakamana kina o Jisu?

iKuri ni taro:

1. Wilika na Maciu 15:30, 31.

   E vakaraitaka vakacava o Jisu na kaukaua vakasakiti i Jiova, ena tarai keda vakacava nida vakasamataka na ka e sa yalataka tu o Jiova ni na cakava ena vuravura vou? (Same 37:29; Aisea 33:24)

2. Wilika na Luke 13:10-17.

   Na nona cakava sara ga o Jisu ena Siga ni Vakacecegu e so na cakamana kilai, e vakaraitaka vakacava oqori ni na vakacegui keda dina ena duanaudolu na yabaki ni nona veiliutaki? (Luke 13:10-13; Same 46:9; Maciu 12:8; Kolo. 2:16, 17; Vkta. 21:1-4)

3. Wilika na Maciu 20:29-34.

   E vakaraitaki vakacava ena veitikina oqo ni sega vakadua ni bau osooso o Jisu me vukei ira na tamata, cava eda vulica kina? (Vkru. 15:7; Jeme. 2:15, 16; 1 Joni 3:17)

iTalanoa 97

Lako Mai o Jisu me Vaka na Tui

1. Ni lako yani ena dua na koro lailai e volekati Jerusalemi o Jisu, cava e kaya vei rau nona tisaipeli me rau cakava?

2. Ena iyaloyalo, cava e yaco ni volekata yani na korolevu o Jerusalemi o Jisu?

3. Na cava era cakava na gone nira raici Jisu ni vakabulai ira na mataboko kei na lokiloki?

4. Na cava e kaya o Jisu vei ira na bete cudrucudru?

5. E rawa vakacava nida vakataki ira na gone era vakacaucautaki Jisu?

6. Na cava eratou via kila nona tisaipeli?

iKuri ni taro:

1. Wilika na Maciu 21:1-17.

   1. E duidui vakacava na nona lako yani o Jisu me vaka na Tui e Jerusalemi ni vakatauvatani kei ira na jenerali qaqa ena gauna vakaroma? (Maciu 21:4, 5; Saka. 9:9; Fpai. 2:5-8; Kolo. 2:15)

   2. Na cava era vulica na gone ena nodra cavuqaqataka na Same 118 na gonetagane lalai ni sa curu yani ena valenisoro o Jisu? (Maciu 21:9, 15; Same 118:25, 26; 2 Tim. 3:15; 2 Pita 3:18)

2. Wilika na Joni 12:12-16.

   Na cava e vakatakarakarataka na nodra vakayagataka na tamata na drauniniuniu nira mai tavaki Jisu? (Joni 12:13; Fpai. 2:10; Vkta. 7:9, 10)

iTalanoa 98

Ena Ulunivanua ni Veiolive

1. Dusi Jisu mada ena iyaloyalo, o cei so eratou tiko vata?

2. Na cava era a via cakava na bete vei Jisu ena loma ni valenisoro, cava qai tukuna vei ira o koya?

3. Na cava eratou taroga vei Jisu na nona yapositolo?

4. Na cava e tukuna kina vei iratou nona yapositolo o Jisu e so na ka ena yaco tiko e vuravura ni sa na veiliutaki vakatui mai lomalagi?

5. Na cava e kaya o Jisu ni na yaco ni bera ni vakaotia kece na veika ca e vuravura?

iKuri ni taro:

1. Wilika na Maciu 23:1-39.

   1. E dina ni vakaraitaka na iVolatabu ni na veiganiti beka na vakayagataki ni so na icavuti ena cakacaka saumi, ia na cava e vakaraitaka na vosa i Jisu ena Maciu 23:​8-​11 me baleta na kena vakayagataki na icavuti ni veivakacerecerei ena ivavakoso lotu Vakarisito? (Caka. 26:25; Roma 13:7; 1 Pita 2:13, 14)

   2. Na cava era vakayagataka na Farisi ena nodra saga mera tarovi ira na tamata mera lotu Vakarisito, era vakayagataka vakacava na ivadi vata vaka oqori na iliuliu ni lotu ena gauna oqo? (Maciu 23:13; Luke 11:52; Joni 9:22; 12:42; 1 Ces. 2:16)

2. Wilika na Maciu 24:1-14.

   1. E vakabibitaki vakacava na vosota ena Maciu 24:13?

   2. Na cava na ibalebale ni “[i]vakataotioti” e tukuni ena Maciu 24:13? (Maciu 16:27; Roma 14:10-12; 2 Kor. 5:10)

3. Wilika na Marika 13:3-10.

   Na cava e tukuni ena Marika 13:10 e vakaraitaka na bibi ni kena vunautaki na itukutuku vinaka, me uqeti keda vakacava na vosa i Jisu? (Roma 13:11, 12; 1 Kor. 7:29-31; 2 Tim. 4:2)

iTalanoa 99

Ena Tabavale e Cake

1. Me vaka e raici ena iyaloyalo, na cava e tiko kina o Jisu kei iratou na 12 nona yapositolo ena tabavale e cake?

2. O cei e curu tiko oqori e tuba, cava ena lai cakava?

3. Na kanavata lavotaki cava e vakarau tekivuna o Jisu ni oti ga na kanavata ni Lakosivia?

4. Na cava era dau nanuma lesu na Isireli ena Lakosivia, ia na cava me ratou nanuma na imuri i Jisu ena kanavata lavotaki oqo?

5. Ni oti na iVakayakavi ni Turaga, cava e kaya o Jisu vei iratou na nona imuri, cava eratou qai cakava?

iKuri ni taro:

1. Wilika na Maciu 26:14-30.

   1. E vakaraitaki vakacava ena Maciu 26:15 ni nakita o Jutasa na nona soli Jisu yani vei ira na kena meca?

   2. Na rua na inaki cava e rawati ena dave ni dra i Jisu? (Maciu 26:27, 28; Jere. 31:31-33; Efeso 1:7; Iper. 9:19, 20)

2. Wilika na Luke 22:1-39.

   E curumi Jutasa vakacava o Setani? (Luke 22:3; Joni 13:2; Caka. 1:24, 25)

3. Wilika na Joni 13:1-20.

   1. Ni dikevi na ka e tukuni ena Joni 13:2, e rawa beka ni beitaki ga o Jutasa ena ka e cakava, cava eda vulica kina na dauveiqaravi ni Kalou? (Vkte. 4:7; 2 Kor. 2:11; Kala. 6:1; Jeme. 1:13, 14)

   2. Na ivakavuvuli bibi cava e vakarautaka o Jisu? (Joni 13:15; Maciu 23:11; 1 Pita 2:21)

4. Wilika na Joni 17:1-26.

   Ena sala cava e masulaki ira kina na nona imuri o Jisu mera “dua bauga”? (Joni 17:11, 21-23; Roma 13:8; 14:19; Kolo. 3:14)

iTalanoa 100

Tiko ena Were o Jisu

1. E lako e vei o Jisu kei iratou na nona yapositolo ni ratou sa biuta mai na tabavale e cake, cava e tukuna me ratou cakava?

2. Na cava e raica o Jisu ni lesu vei iratou na yapositolo, e yaco vakavica na ka oqori?

3. O cei e lako yani ena were, cava e cakava o Jutasa Isikarioti, me vaka e raici tiko oqori ena iyaloyalo?

4. Na cava e reguci Jisu kina o Jutasa, cava e cakava o Pita?

5. Na cava e kaya o Jisu vei Pita, ia cava ga e sega ni kerea kina o Jisu vua na Kalou me talai ira mai na agilosi?

iKuri ni taro:

1. Wilika na Maciu 26:36-56.

   1. E ivakaraitaki vinaka vakacava vei ira na qase lotu Vakarisito nikua na sala e vunauci iratou kina na nona tisaipeli o Jisu? (Maciu 20:25-28; 26:40, 41; Kala. 5:17; Efeso 4:29, 31, 32)

   2. E raica vakacava o Jisu na vakayagataki ni iyaragi vakatamata me saqati kina e dua? (Maciu 26:52; Luke 6:27, 28; Joni 18:36)

2. Wilika na Luke 22:39-53.

   Ni rairai yani vei Jisu ena were o Kecisemani e dua na agilosi me vakaukauataki koya, e kena ibalebale beka oya ni sa luluqa nona vakabauta? Vakamacalataka. (Luke 22:41-43; Aisea 49:8; Maciu 4:10, 11; Iper. 5:7)

3. Wilika na Joni 18:1-12.

   E taqomaki ira vakacava nona tisaipeli o Jisu mai vei ira na dau tusaqati koya, cava eda vulica ena nona ivakaraitaki? (Joni 10:11, 12; 18:1, 6-9; Iper. 13:6; Jeme. 2:25)

iTalanoa 101

Vakamatei o Jisu

1. O cei sara ga e vakavuna na mate i Jisu?

2. Na cava eratou cakava na yapositolo nira sa kauti Jisu na iliuliu ni lotu?

3. Na cava e yaco ena vale i Kaiafa, na bete levu?

4. Na cava e gole tani yani kina o Pita qai tabaka na tagi?

5. Ni sa vakatalai lesu vei Pailato o Jisu, cava era kaya yani na bete levu?

6. Na cava e yaco vei Jisu ena yakavi ni Vakaraubuka, cava e yalataka vua e dua na dau basulawa e lili tale tu ga e yasana?

7. E vei beka e tiko kina na Parataisi e tukuna oqori o Jisu?

iKuri ni taro:

1. Wilika na Maciu 26:57-75.

   Era vakaraitaka vakacava na lewe ni mataveilewai cecere ni Jiu nodra loma ca? (Maciu 26:59, 67, 68)

2. Wilika na Maciu 27:1-50.

   Na cava eda rawa ni kaya kina ni a sega ni veivutuni dina o Jutasa? (Maciu 27:3, 4; Mari. 3:29; 14:21; 2 Kor. 7:10, 11)

3. Wilika na Luke 22:54-71.

   Na cava eda rawa ni vulica ena nona cakitaki Jisu o Pita ena bogi a vesu kina o Jisu? (Luke 22:60-62; Maciu 26:31-35; 1 Kor. 10:12)

4. Wilika na Luke 23:1-49.

   Na cava e cakava o Jisu ena ka ca e caka vua, cava eda vulica kina? (Luke 23:33, 34; Roma 12:17-19; 1 Pita 2:23)

5. Wilika na Joni 18:12-40.

   Na cava e dikevi rawa ena kena vakamalumalumutaki Pita vakalekaleka ga na rerevaka na tamata, ia a qai yaco me dua na yapositolo kilaitani? (Joni 18:25-27; 1 Kor. 4:2; 1 Pita 3:14, 15; 5:8, 9)

6. Wilika na Joni 19:1-30.

   1. E veiraurau vakacava na rai i Jisu me baleta na iyau vakayago? (Joni 2:1, 2, 9, 10; 19:23, 24; Maciu 6:31, 32; 8:20)

   2. E vakaraitaki vakacava ena vosa i Jisu ni bera ni mate ni marautaka nona tokona na veiliutaki cecere i Jiova? (Joni 16:33; 19:30; 2 Pita 3:14; 1 Joni 5:4)

iTalanoa 102

Bula Tale o Jisu

1. O cei na yalewa ena iyaloyalo, o cei o rau na tagane, e vei na vanua oqori?

2. Na cava e tukuna kina o Pailato vei ira na bete mera talai e so na sotia mera lai yadrava na ibulubulu i Jisu?

3. Na cava e cakava e dua na agilosi ena matakacaca ni ikatolu ni siga e mate kina o Jisu, ia cava era cakava na bete?

4. Na cava era kidacalataka e so na yalewa nira lako yani ina ibulubulu i Jisu?

5. Na cava erau cici kina o Pita kei Joni ina ibulubulu i Jisu, cava erau raica?

6. Na cava e yaco ena yago i Jisu, ia cava e cakava me vakaraitaka kina vei iratou nona tisaipeli ni sa bula tale?

iKuri ni taro:

1. Wilika na Maciu 27:62-66 kei na 28:1-15.

   Ena gauna e vakaturi kina o Jisu, era valavala ca vakacava ina yalo tabu na bete levu, Farisi, kei ira na qase? (Maciu 12:24, 31, 32; 28:11-15)

2. Wilika na Luke 24:1-12.

   E vakaraitaka vakacava na nona vakaturi o Jisu na rai i Jiova nira ivakadinadina vinaka na yalewa? (Luke 24:4, 9, 10; Maciu 28:1-7)

3. Wilika na Joni 20:1-12.

   E vukei keda vakacava na Joni 20:8, 9 meda dau wawa ke da sega ni kila vinaka na vakayacori ni dua na parofisai ena iVolatabu? (Vkai. 4:18; Maciu 17:22, 23; Luke 24:5-8; Joni 16:12)

iTalanoa 103

Curu ina Rumu Sogobutu

1. Na cava e kaya o Meri vua na tagane a nanuma ni dua ga na dauteitei, ia qai kila vakacava ni oqori ga o Jisu?

2. Na cava e yacovi rau na tisaipeli erau lako tiko ina koro o Emeo?

3. Na ka veivakurabuitaki cava e yaco ni rau tukuna na tisaipeli ni rau a raici Jisu?

4. E rairai vakavica o Jisu vei iratou na nona imuri?

5. Na cava e kaya o Tomasi ni rogoca nona rairai o Jisu vei ratou na vo ni tisaipeli, cava e yaco ni oti tale e walu na siga?

iKuri ni taro:

1. Wilika na Joni 20:11-29.

   E kaya tiko beka o Jisu ena Joni 20:23 nira rawa ni bokoca na ivalavala ca na tamata? Vakamacalataka. (Same 49:2, 7; Aisea 55:7; 1 Tim. 2:5, 6; 1 Joni 2:1, 2)

2. Wilika na Luke 24:13-43.

   Eda rawa ni vakarautaka vakacava na lomada me ciqoma na ka dina vakaivolatabu? (Luke 24:32, 33; Esera 7:10; Maciu 5:3; Caka. 16:14; Iper. 5:11-14)

iTalanoa 104

Lesu i Lomalagi o Jisu

1. E vica na tisaipeli i Jisu era raici koya ena dua ga na gauna, cava e tukuna vei ira?

2. Na cava na Matanitu ni Kalou, ena vakacava tu na bula e vuravura ni sa na veiliutaki vakatui o Jisu me duanaudolu na yabaki?

3. E vica na siga nona rairai tiko o Jisu vei ira nona tisaipeli, ia cava sa kena gauna oqo me cakava?

4. Ni bera ga ni biuti ira nona tisaipeli o Jisu, cava e tukuna mera qai cakava tiko mai?

5. Na cava sa yaco tiko oqori ena iyaloyalo, qai tabogo vakacava o Jisu mai na matadra na tisaipeli?

iKuri ni taro:

1. Wilika na 1 Korinica 15:3-8.

   Na cava na vuna e rawa ni tukuna kina ena nuidei na yapositolo o Paula na vakaturi i Jisu, qai cava tale ga era rawa ni tukuna ena nuidei na lotu Vakarisito nikua? (1 Kor. 15:4, 7, 8; Aisea 2:2, 3; Maciu 24:14; 2 Tim. 3:1-5)

2. Wilika na Cakacaka 1:1-11.

   E vakacava na tete ni cakacaka vakavunau, me vaka sa tukuni tu ena Cakacaka 1:8? (Caka. 6:7; 9:31; 11:19-21; Kolo. 1:23)

iTalanoa 105

Wawaraki Tiko e Jerusalemi

1. Me vaka e raici toka oqori ena iyaloyalo, cava e sa yacovi ira tiko na imuri i Jisu era a wawa tiko e Jerusalemi?

2. Na ka veivakurabuitaki cava era rogoca na vulagi yani i Jerusalemi?

3. Na cava e vakamacalataka o Pita vei ira na tamata?

4. E vakacava nodra rai na tamata nira sa rogoci Pita oti, cava e tukuna o koya mera cakava?

5. E vica era a papitaiso ena siga ni Penitiko 33 S.K.?

iKuri ni taro:

1. Wilika na Cakacaka 2:1-47.

   1. E vakaraitaki vakacava ena vosa i Pita ena Cakacaka 2:23, 36 nira a vakaitavi kece na Jiu ena mate i Jisu? (1 Ces. 2:14, 15)

   2. E ivakaraitaki vinaka vakacava o Pita ni dau tukuna na rai vakaivolatabu? (Caka. 2:16, 17, 29, 31, 36, 39; Kolo. 4:6)

   3. E vakayagataka vakacava o Pita na imatai ni “[i]dola ni matanitu vakalomalagi,” e yalataka vua o Jisu? (Caka. 2:14, 22-24, 37, 38; Maciu 16:19)

iTalanoa 106

Sereki Mai Valeniveivesu

1. Na cava e yacovi rau o Pita kei Joni ena dua na yakavi ni rau lako tiko ina valenisoro?

2. Na cava e kaya o Pita vua e dua na lokiloki, cava e solia vua o Pita e uasivita sara na ilavo?

3. Na cava era cudruvaka na iliuliu ni lotu, cava era cakava vei Pita kei Joni?

4. Na cava e kaya o Pita vei ira na iliuliu ni lotu, kei na cava eratou a vakaroti kina na yapositolo?

5. Na cava era vuvu kina na iliuliu ni lotu, ia na cava e yaco ena ikarua ni gauna eratou biu kina na yapositolo ena valeniveivesu?

6. Na cava eratou tukuna na yapositolo ni ratou sa kau yani ina Sanadrini?

iKuri ni taro:

1. Wilika na Cakacaka 3:1-10.

   E dina ni sega vei keda na kaukaua meda cakamana kina nikua, ia eda vakavinavinakataka ga vakacava na vosa i Pita ena Cakacaka 3:6, me baleta na yaga ni itukutuku ni Matanitu ni Kalou? (Joni 17:3; 2 Kor. 5:18-20; Fpai. 3:8)

2. Wilika na Cakacaka 4:1-31.

   Nida sotava na veitusaqati ena cakacaka vakaitalatala, meda vakatotomuri ira vakacava na tacida lotu Vakarisito ena imatai ni senitiuri? (Caka. 4:29, 31; Efeso 6:18-20; 1 Ces. 2:2)

3. Wilika na Cakacaka 5:17-42.

   Era vakaraitaka vakacava e so era sega ni iVakadinadina, ena gauna e liu vaka kina edai, na nodra rai vakayalomatua me baleta na noda cakacaka vakavunau? (Caka. 5:34-39)

iTalanoa 107

Vakaviriki ena Vatu o Sitiveni

1. O cei o Sitiveni, cava e vukei koya tiko kina na Kalou me cakava?

2. Na cava e kaya o Sitiveni e vakavuna nodra cudru na iliuliu ni lotu?

3. Nira yarataki Sitiveni na tamata ina ibili ni koro, cava era qai cakava vua?

4. Ena iyaloyalo, o cei na cauravou e duri tu ena yasa ni kote?

5. Ni bera ni mate o Sitiveni, cava e masulaka vei Jiova?

6. Nida vakatotomuri Sitiveni, cava e dodonu meda cakava ni dua e cakava vei keda na ka ca?

iKuri ni taro:

1. Wilika na Cakacaka 6:8-15.

   Na ka ni veivakacalai cava era vakayagataka na iliuliu ni lotu ena nodra saga mera vakataotaka na nodra cakacaka vakavunau na iVakadinadina i Jiova? (Caka. 6:9, 11, 13)

2. Wilika na Cakacaka 7:1-60.

   1. Na cava e vukei Sitiveni me taqomaka kina na itukutuku vinaka ena matadra na Sanadrini, cava eda vulica kina? (Caka. 7:51-53; Roma 15:4; 2 Tim. 3:14-17; 1 Pita 3:15)

   2. Na rai cava me dau tiko vei keda me baleti ira na tusaqata noda cakacaka? (Caka. 7:58-60; Maciu 5:44; Luke 23:33, 34)

iTalanoa 108

Na Sala i Tamasiko

1. Na cava e cakava o Saula ni vakamatei oti o Sitiveni?

2. Na ka veivakurabuitaki cava e yaco ni se lako tiko ga o Saula i Tamasiko?

3. Na cava e tukuna o Jisu vei Saula?

4. Na cava e vakarota vei Ananaiasa o Jisu, e rai rawa tale vakacava o Saula?

5. Na yaca cava tale ga e qai kilai kina o Saula, e vakayagataki ena cakacaka cava o koya?

iKuri ni taro:

1. Wilika na Cakacaka 8:1-4.

   E lai vakavuna vakacava me tete na vakabauta vakarisito na kena tusaqati na ivavakoso lotu Vakarisito e se qai tauyavu ga, e tautauvata vakacava kei na noda gauna? (Caka. 8:4; Aisea 54:17)

2. Wilika na Cakacaka 9:1-20.

   Na tolu na ilesilesi cava e vakavotuya o Jisu me cakava o Saula? (Caka. 9:15; 13:5; 26:1; 27:24; Roma 11:13)

3. Wilika na Cakacaka 22:6-16.

   Eda na rawa vakacava ni vakataki Ananaiasa, cava e bibi kina? (Caka. 22:12; 1 Tim. 3:7; 1 Pita 1:14-16; 2:12)

4. Wilika na Cakacaka 26:8-20.

   E uqeti ira vakacava na tacida e sega ni tiko na watidra ena dina nikua na nona tavuki o Saula ina lotu Vakarisito? (Caka. 26:11; 1 Tim. 1:14-16; 2 Tim. 4:2; 1 Pita 3:1-3)

iTalanoa 109

Sikovi Konilio o Pita

1. O cei na turaga e cuva tiko oqori?

2. Na cava e kaya e dua na agilosi vei Konilio?

3. Na cava e vakaraitaka na Kalou vei Pita ena nona tiko ena delanivale i Saimoni mai Jopa?

4. Na cava e tukuna kina o Pita vei Konilio me kua ni cuva me sokalou vua?

5. Na cava era kurabui kina na tisaipeli Jiu era a tu vata kei Pita?

6. Na ka bibi cava eda vulica ena nona sikovi Konilio o Pita?

iKuri ni taro:

1. Wilika na Cakacaka 10:1-48.

   Na cava e vakaraitaka na vosa i Pita ena Cakacaka 10:42 me baleta na vunautaki ni itukutuku vinaka ni Matanitu ni Kalou? (Maciu 28:19; Mari. 13:10; Caka. 1:8)

2. Wilika na Cakacaka 11:1-18.

   Na rai cava e vakaraitaka o Pita ni sa vakavotui ena veidusimaki i Jiova na veika e baleti ira na kai Matanitu Tani, eda rawa vakacava ni vakatotomuria nona ivakaraitaki? (Caka. 11:17, 18; 2 Kor. 10:5; Efeso 5:17)

iTalanoa 110

Timoci​—Dau Veivuke Vou i Paula

1. O cei na cauravou oqo ena iyaloyalo, e tiko e vei, o cei na yacadrau o tinana kei buna?

2. Na cava e kaya o Timoci ni tukuna vua o Paula ke via tomani rau kei Sailasa ena cakacaka vakavunau ena veivanua yawa?

3. E vei na vanua era vakatokai kina ena imatai ni gauna na imuri i Jisu mera lotu Vakarisito?

4. Ni ratou biubiu  mai Lisitira o Paula, Sailasa, kei Timoci, na koro cava tale eratou sikova?

5. E vukei Timoci vakacava o Paula, kei na taro cava mera taroga na gone nikua?

iKuri ni taro:

1. Wilika na Cakacaka 9:19-30.

   E vakaraitaka vakacava o Paula nona lewamatau ni tusaqati ena vuku ni itukutuku vinaka? (Caka. 9:22-25, 29, 30; Maciu 10:16)

2. Wilika na Cakacaka 11:19-26.

   E vakaraitaki vakacava ena ka e tukuni ena Cakacaka 11:19-21, 26 ni dusimaka qai liutaka tiko na cakacaka vakavunau na yalo tabu i Jiova?

3. Wilika na Cakacaka 13:13-16, 42-52.

   E vakaraitaki vakacava ena Cakacaka 13:51, 52 ni sega ni vakayalolailaitaki ira na tisaipeli na veitusaqati? (Maciu 10:14; Caka. 18:6; 1 Pita 4:14)

4. Wilika na Cakacaka 14:1-6, 19-28.

   E vukei keda vakacava meda kua ni lomaocaocataka na nodra tuberi na ka vovou na matavosa “sa tataunaki ira vua na Turaga [o Jiova]”? (Caka. 14:21-23; 20:32; Joni 6:44)

5. Wilika na Cakacaka 16:1-5.

   Ni raici na nona yalorawarawa o Timoci me cilivi, e vakabibitaka vakacava na kena ‘caka na ka kece ga ena vuku ni itukutuku vinaka’? (Caka. 16:3; 1 Kor. 9:23; 1 Ces. 2:8)

6. Wilika na Cakacaka 18:1-11, 18-22.

   Na cava e vakaraitaka na Cakacaka 18:9, 10 me baleta nona vakaitavi sara ga o Jisu ena dusimaki ni cakacaka vakavunau, eda nuidei kina vakacava nikua? (Maciu 28:20)

iTalanoa 111

Na Gone Tagane a Moce Lutu

1. O cei na gonetagane sa davo tu oqori ena iyaloyalo, na cava e yacovi koya?

2. Na cava e cakava o Paula ni raica ni sa mate na gonetagane oqori?

3. Era lako tiko i vei o Paula, o Timoci vaka kina o ira na nodrau ilawalawa, cava e yaco ni sa kele na waqa e Milito?

4. E vakaroti Paula ena cava na parofita o Akapo, ia e qai yaco vakacava me vaka ga na ka a tukuna na parofita oqori?

iKuri ni taro:

1. Wilika na Cakacaka 20:7-38.

   1. E rawa vakacava nida “sega ni cala e na vukuna e dua sa na cudruvi,” me vaka na vosa i Paula ena Cakacaka 20:26, 27? (Isik. 33:8; Caka. 18:6, 7)

   2. Na cava mera “taura matua [kina] nai vakavuvuli dina” na qase nira veivakavulici tiko? (Caka. 20:17, 29, 30; Taito 1:7-9; 2 Tim. 1:13)

2. Wilika na Cakacaka 26:24-32.

   E vakayagataka vakacava o Paula na nona itutu vakalewenivanua o Roma me vakayacora kina na ilesilesi ni vunau me vaka a lesi koya kina o Jisu? (Caka. 9:15; 16:37, 38; 25:11, 12; 26:32; Luke 21:12, 13)

iTalanoa 112

Kasa na Waqa ena Dua na Yanuyanu

1. Na cava e yaco ena waqa e vodo tiko kina o Paula nira sa soko ravita yani na yanuyanu o Kiriti?

2. Na cava e kaya o Paula vei ira na tiko e waqa?

3. E kakaseresere vakacava na waqa?

4. Na cava a vakarota na turaganivalu, e vica na tamata era yaco bula yani i vanua?

5. Na cava na yaca ni yanuyanu era cabebula yani kina, cava e qai yaco vei Paula ni sa draki vinaka?

iKuri ni taro:

1. Wilika na Cakacaka 27:1-44.

   E vakaukauataka vakacava na noda vakabauta na ivolatukutuku ena iVolatabu noda wilika na ivakamacala ni nona ilakolako o Paula i Roma? (Caka. 27:16-19, 27-32; Luke 1:3; 2 Tim. 3:16, 17)

2. Wilika na Cakacaka 28:1-14.

   Ke ra “lomani” Paula “vakalevu” kei ira na nona ilawalawa a voca nodra waqa o ira na lewe i Milito era lotu butobuto, na cava e dodonu mera uqeti tale ga kina na lotu Vakarisito mera vakaraitaka, kei na sala cava mera cakava kina? (Caka. 28:1, 2; Iper. 13:1, 2; 1 Pita 4:9)

iTalanoa 113

Tiko Mai Roma o Paula

1. E vunau vei cei o Paula ni tu vakavesu e Roma?

2. Ena iyaloyalo, o cei na vulagi e dabe tiko ena teveli, cava e cakava tiko ena vuku i Paula?

3. O cei o Epafirotaito, cava e kauta lesu i Filipai?

4. Na cava e vola kina e dua na ivola o Paula vua na nona itokani dredre o Filimoni?

5. Na cava e cakava o Paula ni sa sereki, cava e yaco vei koya e muri?

6. E vakayagataki cei o Jiova me vola na iotioti ni ivola ena iVolatabu, cava e tukuni tu ena ivola na Vakatakila?

iKuri ni taro:

1. Wilika na Cakacaka 28:16-31 kei na Filipai 1:13.

   Na cava e cakava tiko o Paula ni tu vakavesu e Roma, e tara vakacava na ivavakoso lotu Vakarisito na dei ni nona vakabauta? (Caka. 28:23, 30; Fpai. 1:14)

2. Wilika na Filipai 2:19-30.

   E vakavinavinakataki rau o Timoci kei Epafirotaito vakacava o Paula, eda rawa vakacava ni vakatotomuri Paula? (Fpai. 2:20, 22, 25, 29, 30; 1 Kor. 16:18; 1 Ces. 5:12, 13)

3. Wilika na Filimoni 1-25.

   1. Ena yavu cava e uqeti Filimoni kina o Paula me cakava na ka e dodonu, ena dusimaki ira vakacava na qase nikua na tikina oqori? (Fmon. 9; 2 Kor. 8:8; Kala. 5:13)

   2. E vakaraitaka vakacava na vosa i Paula ena Filimoni 13, 14 ni doka na nodra lewaeloma e so ena ivavakoso? (1 Kor. 8:7, 13; 10:31-33)

4. Wilika na 2 Timoci 4:7-9.

   Me vakataki koya ga na yapositolo o Paula, eda nuidei vakacava ni na vakaicocovitaki keda na Kalou ke da yalodina tiko ga me yacova na ivakataotioti? (Maciu 24:13; Iper. 6:10)

iTalanoa 114

iTinitini ni Ka Ca Kece

1. Na cava e tukuni ira kina na ose e lomalagi na iVolatabu?

2. Na cava na yaca ni ivalu ni Kalou era valuti kina na tamata ca e vuravura, cava na inaki ni ivalu oqo?

3. Ena iyaloyalo, o cei e liutaka tiko na ivalu oqo, cava e dara tiko kina na isala vakatui, cava na ibalebale ni nona iseleiwau?

4. Ni raici lesu na iTalanoa 10, 15, kei na 33, na cava meda kua ni kurabui kina ni na vakamatei ira na tamata ca na Kalou?

5. E vakaraitaka vakacava na iTalanoa 36 kei na 76 ni na vakarusai ira na tamata ca na Kalou, dina ga nira kaya tiko nira sokaloutaki koya?

iKuri ni taro:

1. Wilika na Vakatakila 19:11-16.

   1. E vakamatatataka vakacava na iVolatabu ni o Jisu Karisito sara ga e vodoka tiko na ose vulavula? (Vkta. 1:5; 3:14; 19:11; Aisea 11:4)

   2. E vakadeitaka vakacava na dra e kureitaki ena isulu i Jisu na nona qaqa kei na nona vakaotia vinaka na ka e cakava? (Vkta. 14:18-20; 19:13)

   3. O cei era na rairai okati ena mataivalu era muri Jisu tiko ena nona ose vulavula? (Vkta. 12:7; 19:14; Maciu 25:31, 32)

iTalanoa 115

Parataisi Vou e Vuravura

1. Na ituvaki vakacava e tukuna tu na iVolatabu nida na marautaka ena Parataisi e vuravura?

2. Na cava e yalataka tu na Kalou vei ira na bula ena Parataisi?

3. Na gauna cava ena raica kina o Jisu me yaco dina na veika totoka oqori?

4. Ni se tiko e vuravura o Jisu, cava e vakaraitaka ni na cakava ni sa Tui ni Matanitu ni Kalou?

5. Na cava e vakadeitaka o Jisu kei ira na veiliutaki vata nira na cakava ena gauna era sa liutaki vuravura kina mai lomalagi?

iKuri ni taro:

1. Wilika na Vakatakila 5:9, 10.

   Na cava eda nuidei kina ni o ira na veiliutaki me duanaudolu na yabaki era na tui, ra bete dau yalololoma ra qai dauveikauaitaki? (Efeso 4:20-24; 1 Pita 1:7; 3:8; 5:6-10)

2. Wilika na Vakatakila 14:1-3.

   E vakacava na bibi ni yaca ni Tamada kei na yaca ni Lami e volai tu ena yadredra na 144,000?(1 Kor. 3:23; 2 Tim. 2:19; Vkta. 3:12)

iTalanoa 116

Na Rawati ni Bula Tawamudu

1. Na cava e vinakati meda kila meda rawata kina na bula tawamudu?

2. Eda na rawa vakacava ni vulici koya na Kalou o Jiova kei Jisu, me vaka e raici ena iyaloyalo ni goneyalewa lailai oqori kei rau nona itokani?

3. Na ivola cava tale o raica ena iyaloyalo, cava meda dau wilika kina?

4. Ena noda sa vulica tiko na veika baleti Jiova kei Jisu, na cava tale e se vinakati meda qai rawata kina na bula tawamudu?

5. Na cava eda vulica ena iTalanoa 69?

6. Na cava e raici ena ivakaraitaki vinaka i koya na gonetagane lailai o Samuela ena iTalanoa 55?

7. Eda na vakatotomuria vakacava na ivakaraitaki i Jisu Karisito, ke da cakava vaka kina, cava eda na rawa ni cakava ena gauna mai muri?

iKuri ni taro:

1. Wilika na Joni 17:3.

   E vakaraitaka vakacava na iVolatabu ni noda kila na veika baleta na Kalou o  Jiova kei Jisu Karisito e sega ni yalani ga ena noda dau cavuqaqataka na veika baleti rau? (Maciu 7:21; Jeme. 2:18-20; 1 Joni 2:17)

2. Wilika na Same 145:1-21.

   1. Na cava e so na vuna eda dau vakacaucautaki Jiova kina? (Same 145:8-11; Vkta. 4:11)

   2. E “yalovinaka” vakacava o Jiova “vei ira na tamata kecega,” e vakavolekataki keda vakacava vua? (Same 145:9; Maciu 5:43-45)

   3. Kevaka eda lomani Jiova mai vu ni lomada, cava eda na cakava? (Same 119:171, 172, 175; 145:11, 12, 21)