Cava e Kaya na iVolatabu?

Eda sa bula tu qo ena “iotioti ni veisiga”?

Cava o na kaya?

• Io

• Sega

• De dua

Ka e kaya na iVolatabu

“[E]na iotioti ni veisiga, ena vakilai e levu na ka dredre.” (2 Timoci 3:1) Na parofisai vakaivolatabu kei na veika e yaco tu nikua e vakaraitaka nida sa bula tu qo ena “iotioti ni veisiga.”

So tale na ka eda vulica ena iVolatabu

• Ena kilai na iotioti ni veisiga ena so na ivakatakilakila me vaka na ivalu, leqa ni kakana, uneune, kei na matedewa.—Maciu 24:3, 7; Luke 21:11.

• Ena torosobu na itovo ena iotioti ni veisiga, era na sega tale ga ni kauaitaka e levu na nodra bula vakayalo.—2 Timoci 3:2-5.

Cava ena yaco ena veigauna se bera mai?

Era vakabauta eso . . .ni na cava na iotioti ni veisiga ena kena vakarusai na vuravura kei ira kece era bula tu kina. Eso tale era nanuma ni na dua na veisau vinaka. Cava o nanuma?

Ka e kaya na iVolatabu

“O ira na yalododonu era na taukena na vuravura, era na qai bula tawamudu kina.”​—Same 37:29.

So tale na ka eda vulica ena iVolatabu

• Ena cava na iotioti ni veisiga ni sa kau laivi kece na ivakarau ca.​—1 Joni 2:17.

• Ena vukici na vuravura me parataisi.—Aisea 35:1, 6.