iDusidusi ni iVola ni Soqoni ni Bula vaKarisito kei na Cakacaka Vakaitalatala
© 2023 Watch Tower Bible and Tract Society of Pennsylvania
SEVITEBA 11-17
IYAU MAI NA VOSA NI KALOU ESITERI 3-5
“Vukea Eso Tale Mera Solia Nodra Vinaka Taucoko”
it-2 431 ¶7
Motekai
E Bese ni Via Cuva vei Emani. Oti qori e lesia o Esuerosi me paraiminisita o Emani na luvei Ekaki. E vakarota mera lolou ra qai tekicuva vei Emani ni se qai tosocake ga na nona itutu. E bese sara ga ni via cakava qori o Motekai, dua na vuna ni tukuna ni Jiu. (Esi 3:1-4) Ni yavutaki e keri na ka e cakava o Motekai, e vakaraitaka ni doka nona veiwekani kei na Kalou o Jiova ni dua o koya na Jiu e yalataki vua na Kalou. E kila ni nona tekicuva ina qele vei Emani e vakaraitaka ni doka nona itutu, me vaka era cakava na Isireli ena gauna sa oti, me dusia nira doka nona itutu cecere ni veiliutaki. (2Sa 14:4; 18:28; 1Tu 1:16) Ena ituvaki qo, e tiko na vuna vinaka e sega kina ni cuva o Motekai. Kena irairai ni dua na Amalekaiti o Emani, e vakaraitaka o Jiova ni vala tiko kei ira na Amaleki “ena itabatamata kece ga.” (Ly 17:16; raica HAMAN.) E raica o Motekai ni qori e vauci kina nona yalodina vua na Kalou, e sega ni ka vakapolitiki ga.
it-2 431 ¶9
Motekai
Vakayagataki me Vakabulai Isireli. Ni rogoca o Motekai na lawa mera vakarusai kece na Jiu ena matanitu, e vakabauta ni kau o Esiteri ina vuvale vakatui ena gauna ya me vakabulai ira kina na Jiu. E vakaraitaka vei Esiteri na nona itavi bibi, e tukuna vua me kere veivuke vua na tui. Ena rawa sara ga ni mate o Esiteri ni cakava qori, ia e cakava ga.—Esi 4:7–5:2.
SEVITEBA 25–OKOTOVA 1
IYAU MAI NA VOSA NI KALOU ESITERI 9-10
“Vukei Ira na Kainona ni sa Veiliutaki”
it-2 432 ¶2
Motekai
E sosomitaki Emani o Motekai me paraiminisita, e soli tale ga vua na mama vakaturaga me dregata kina na ivola vakamatanitu. E lesi Motekai o Esiteri me lewa na vale nei Emani, e solia vua na tui. Oti e vola e dua tale na lawa o Motekai vei ira na Jiu mera taqomaki ira. Qori era vakabulai kina na Jiu, dua na ka na nodra marau. E levu ena Matanitu o Perisia era tokoni ira na Jiu. Ni yaco mai na vula o Eta na ika13 ni siga me muri kina na lawa, era sa vakarautaki tu na Jiu. Era veitokoni tale ga na vakailesilesi ni matanitu ena vuku ni nona itutu cecere o Motekai. E Susani, e toso na vala me dua tale na siga. Era vakamatei e sivia ni 75,000 na kedra meca na Jiu ena Matanitu o Perisia, wili kina na tini na luvei Emani. (Esi 8:1–9:18) Ena veivakadonui i Esiteri, e vakarota o Motekai me caka na soqo e veiyabaki ena ika14 kei na ika15 ni siga ni vula o Eta, na “siga ni Purimi” me siga ni marau, kanavata, kei na soli iloloma vei ira na dravudravua, kei na so tale. Era vakadonuya na Jiu ra qai vakarota nodra kawa mera cakava na soqo qori. Ni lesi o Motekai ena ikarua ni itutu ena matanitu, era dokai koya na Jiu, e dau cakava tale ga na ka mera vinaka kina.—Esi 9:19-22, 27-32; 10:2, 3.
it-2 716 ¶5
Purimi
Kena inaki. Era tukuna eso na vuku, ni sega ni sema ena veika vakalotu na Soqo ni Purimi era marautaka na Jiu ena gauna qo. Eso na gauna era kana se gunu kina vakasivia. Ia e sega ni va qori ena gauna e tauyavu kina kei na kena marautaki ena gauna makawa. O Motekai kei Esiteri erau qarava na Kalou dina o Jiova, e tauyavu na soqo qori me rokovi kina na Kalou. Na nodra vakabulai na Jiu ena gauna ya e vakavuna o Jiova, baleta ni yalodina o Motekai ena nona sokaloutaki Jiova duadua ga. E rairai Amalekaiti o Emani, e cudruvi ira o Jiova qai tukuna mera vakarusai. E doka na lawa ni Kalou o Motekai qai sega ni via cuva vei Emani. (Esi 3:2, 5; Ly 17:14-16) Kena ikuri, na ka e tukuna o Motekai vei Esiteri (Esi 4:14) e dusia ni nuitaka e dua e cecere sara me vakabulai ira na Jiu. Ni nona lolo o Esiteri ni bera ni lai kerekere vua na tui, kei na nona veisureti ina kana e dusia ni kerea na veivuke ni Kalou.—Esi 4:16.
OKOTOVA 9-15
IYAU MAI NA VOSA NI KALOU | JOPE 4-5
“Qarauna na iTukutuku Lasu”
it-1 713 ¶11
Elifasi
2. Dua vei ratou na tolu na itokani i Jope. (Jop 2:11) E kai Temani, kena irairai ni nona kawa na ulumatua nei Iso. E kawa gona nei Eparama, e veiwekani tale ga kei Jope. E sakitaka o Elifasi kei ira nona kawa na nodra vuku. (Jr 49:7) Vei ratou na le tolu na “dauveivakacegui,” e duatani duadua o Elifasi ni dokai toka, e rairai dusia ni qase duadua vei ratou. A vosa e liu ena tolu na iwasewase ni veivosaki, e balavu tale ga na nona vosa.
Ni o Sega ni Via Bula Tale Tiko
Ena rairai dredre sara na kemu ituvaki, ia mo nanuma tiko ni levu tale era sotava tale ga na ituvaki qori. Ka ni rarawa ni voleka ni o keda kece eda vosota tiko e veisiga eso na ituvaki dredre. E kaya na iVolatabu: “Nira vutugu ra qai rarawa tu na kabuli kece.” (Roma 8:22) O rairai nanuma ni na sega ni wali rawa nomu leqa, ia ni toso na gauna e veisau na ituvaki. Na cava mo cakava ena gauna qo?
Tukuna na lomamu vua nomu itokani matua o nuitaka. E kaya na iVolatabu: “Na itokani dina e loloma ena veigauna, e tacida ena gauna ni rarawa.” (Vosa Vakaibalebale 17:17) Na turaga yalododonu o Jope, e tukuna na lomana ena gauna dredre e donuya. Na gauna e ‘sevaka kina nona bula,’ e kaya, “Au na talaucaka noqu rarawa. Au na vakatusa na mosi ni yaloqu!” (Jope 10:1) Nomu talaucaka na lomamu vua e dua tale, e rawa ni vakamamadataka na nomu rarawa. Rawa tale ga ni veisautaka nomu rai me baleta na nomu leqa.
Talaucaka na lomamu vua na Kalou ni o masu. Era nanuma eso ni sega ni yaga na masu, ia e duatani na ka e tukuna na iVolatabu. E tukuni ena Same 65:2 ni Kalou o Jiova e “Daurogo masu,” e tukuna tale ga na 1 Pita 5:7 ni “kauaitaki kemuni o koya.” E vakabibitaka na iVolatabu meda nuitaka na Kalou. Kena ivakaraitaki:
“Mo nuitaki Jiova ena lomamu taucoko, mo kua ni vakararavi ena nomu yalomatua. Mo nanumi koya ena ka kece o cakava, ena vakadodonutaka na nomu ilakolako o koya.”—VOSA VAKAIBALEBALE 3:5, 6.
“E vakamamautaki ira na rerevaki koya ena ka era gadreva, e rogoca o koya na nodra tagi ni kere veivuke qai vakabulai ira.”—SAME 145:19.
“Ena levu ni noda nuitaki koya, eda kila se cava ga eda kerea me salavata kei na lomana, ena rogoci keda o koya.”—1 JONI 5:14.
“O Jiova e yawaki ira na tamata ca, ia e rogoca na nodra masu na yalododonu.”—VOSA VAKAIBALEBALE 15:29.
Ke o tukuna vua na Kalou na ituvaki dredre o sotava tiko, ena vukei iko. Oya na vuna e uqeti iko kina na iVolatabu mo ‘nuitaki koya e veigauna, mo sova yani na lomamu e matana.’—Same 62:8.
it-2 1190 ¶2
Vuku
Vuku Vakalou. Na Kalou duadua ga o Jiova e tu vua na vuku dina, e sega tale ni dua rau tautauvata ni “vuku duadua ga.” (Rom 16:27; Vta 7:12) Na kilaka e vauci kina na itukutuku dina. Ni Dauveibuli o Jiova, e bula tu ga “mai na gauna tawamudu ina gauna tawamudu” (Sm 90:1, 2), e kila na ka kece me baleta na lomalagi kei na vuravura, na kena tuvani, na ka kece e tu kina, kei na kedra itukutuku me yacova mai qo. E bulia kece o koya na lawa e vauca na veikabuli, na italetale, kei na ivakarau era vakararavi kina e levu me rawa nira vakadidike ra qai bulia kina na ka. Ke sega qori, era na sega ni cakava rawa e dua na ka. (Jop 38:34-38; Sm 104:24; Vvb 3:19; Jr 10:12, 13) E macala gona ni bibi sara nona ivakatagedegede ni itovo savasava me rawa ni dei na noda bula, eda vakatulewa vakayalomatua, me vakainaki tale ga. (Vkr 32:4-6; raica JEHOVAH [A God of moral standards].) E sega ni dua na ka e dredre vua. (Ais 40:13, 14) Ena rairai vakatara me yaco eso na ka e veicalati kei na nona ivakatagedegede dodonu ena loma ni dua na gauna, ia na kena itinitini e vakatau tiko ga vua. Ena yaco na nona inaki, na ka tale ga e tukuna ena “yaco dina.”—Ais 55:8-11; 46:9-11.