VENJING 20

Enda væl

Prædikarin 12:13, 14

Í STUTTUM: Enda við at eggja teimum, sum lurta, til at taka tað, sum tey hava hoyrt, til sín og fylgja tí.

Lat tað síðsta, tú sigur, hava samband við høvuðsevnið. Nevn høvuðspunktini og heitið aftur.
Gev teimum, sum lurta, hug at gera nakað. Hjálp teimum at skilja, hvat tey skulu gera, og gev teimum góðar grundir til at gera tað. Lat tað hoyrast, at tú veruliga trýrt tí, sum tú sigur, og at tað hevur týdning.
Ger tað stutt og greitt. Legg ikki nýggj høvuðspunkt fram. Enda við nøkrum fáum tilstuðlandi orðum.

Ger ikki ov skjótt av við tí síðsta, tú vilt siga. Lat heldur ikki røddina fjara burtur í einki. Sig teir síðstu setningarnar soleiðis, at tað hoyrist, at fyrilesturin er um at vera av.