Ngam ɗume neɗɗo maayata?

8 Yeehova yiɗinno neɗɗo mo’inna lesdi haa ndi laato booɗɗum masin—waato aljanna ngam yimɓe fuu.—Laataanooji 1:28

Yimɓe ngeeɗanno haa foroy, to Aadama e Hawwa ɗowtaaninno Yeehova. Allah yecci ɓe taa ɓe nyaama ɓendaloore lekki anndal booɗɗum e kalluɗum.—Laataanooji 2:15-17

9 Malaa’ikaajo laati kalluɗo e o huuwtiniri bee mboodi ngam estugo Hawwa bee Aadama, haa ɓe luuta Allah.—Laataanooji 3:1-6

10 Malaa’ikaajo man jey esti Hawwa, ɓe ewni mo ‘mboodi nayeeri, Iblisa e Sayɗaanu.’—Wahayu Yuhanna 12:9

11 Yeehova farti ɓe, ɓe ɗiɗo fuu yaasi Aljanna.—Laataanooji 3:23, 24

12 Aadama bee Hawwa ndanyi ɓikkoy, ammaa yimɓe saare maɓɓe pat nanaay belɗum.—Laataanooji 3:17, 18

13 Ɓe mawni haa ɓe naywi nden ɓe maayi, kal kal bana Yeehova wi’inno.—Laataanooji 3:19; Roma’en 5:12

14 Nonnon, ɓe maayi kal kal bana dabbaaji.

Yoŋkiiji ngonɗi dow lesdi fuu ɗon maaya.—Gaajoowo 3:18-20; Ejekiyel 18:4