YEƁRE 8

Bana noy maayde Yeesu nafata mon?

Yeesu maayi haa en keɓa ngeendam. Yuhanna 3:16

Rewɓe ɗon ndaara nder yenaande Yeesu; o walaa ton

Nyalaade tati ɓaawo maayde Yeesu, rewɓe feere ngari laarugo yenaande maako, ammaa ɓe tawaay mo. Yeehova ummitinino mo.

Yeesu waŋgini nelaaɓe maako, nden ɓaawo man o eeŋgi

Ɓaawo maajum, Yeesu waŋgi haa nelaaɓe maako.

Fakat, Yeehova ummitini Yeesu, o laati ruuhu cembiiɗo, o maayataako fahin. Pukara’en Yeesu ngi’i bana noy o ɗon wa’a haa asama.

Allah ummitini Yeesu e o jo’ini mo Laamiiɗo Laamu Allah. Daniyel 7:13, 14

Diga leeso Laamu maako, Yeesu ɗon laamani yimɓe wonɓe nder aljanna dow lesdi

Yeesu hokki yoŋki maako ngam yoɓɓugo coottaari daliila neɗɗaaku. (Matta 20:28) Allah waɗi coottaari ndi, ngam en ngeeɗa haa foroy.

Yeehova suɓi Yeesu haa o laata Laamiiɗo dow lesdi. Allah ummitinan nuɗɗinɓe ujine teemerre e cappanɗe nayo e nayo (144 000) diga lesdi ngam yeeɗugo haa asama. Yeesu e yimɓe ujine teemerre e cappanɗe nayo e nayo laaman ngomna asamawiŋkeejum bee adilaaku—waato Laamu Allah.—Wahayu Yuhanna 14:1-3.

Laamu Allah waddan Aljanna dow lesdi. Konu, sarru, talakaaku, e weelo timman. Yimɓe keɓan belɗum fakat.—Jabuura 145:16.