Honno anndirten Allah ?

« Ndee deftere sariya on haanaa woɗɗitaade hunduko maa kon, hiɗa haani nde janngude e hito hawrungo jemma e ɲalorma, fii no waɗiraa kala ko winndii e nder mayre ; ontuma a wonay gaynuɗo e waɗiraa mokobayaagal »

(Yaasuwa 1:8, TMN).

« Ɓe jokki janngugol e hito toowungo ka nder deftere, ka nder sariya Allah goongaajo on, ɓe fensitii no laaɓiri e ɓe waɗi sifoore ; ɓe walli jamaa on no faamira ko janngaa kon »

(Nehemiiya 8:8, TMN).

« Neɗɗo malaaɗo ko mo jokkaali waaju bonɓe ɓen [...], kono weltaare makko nden ko e nder sariya Yahuwah on woni, e o janngay sariya makko on e hito hawrungo jemma e ɲalorma. [...] Kala ko o waɗata o gaynay »

(Zabuura 1:1-3, TMN).

« Onsay Filiipu dogi. Ɓay o ɓadike on mo Ecopii, o nani on no janga deftere annabi Isaaya nden. O landii mo, o wi’i : “ Hara hiɗa faamude koo ko wonɗaa jangude ? ” On gorko jaabii, wi’i : “ Ko honno mi faamirta si goɗɗo sifanaaki lan ? ” »

(Kuuɗe sahaabaaɓe ɓen 8:30, 31).

« Ɓay, ko yi’otaako kon e Alla, ɗun ko bawgal makko poomayankewal ngal e allankaaku makko ngun, kuuɗe makko ɗen no ɓangini ɗun fota gila ka fuɗɗoode aduna. Ɓe alaa lamitorgal »

(Roomu 1:20).

« Huutor, wonaa e ɗun tun, fii no golle maa ɗen ɓangirana fow »

(1 Timotee 4:15).

« Miijondiranen ko honno waaweten wakkilindirde ka giggol e ka kuuɗe moƴƴe. Wota en terto mottondiral men ngal »

(Yahuudiyankeeɓe 10:24, 25).

« Si goɗɗo e mon ŋakkira faamu, yo o toro ɗun Alla, on okkay mo ɗun. Ko fii kanko Alla ko Yeɗoowo fow no yaajiri e ɓaawo feloore »

(Yaaquuba 1:5).