TOƁƁERE 8

Ko honno mayde annabi Iisaa nden nafirta en ?

Annabi Iisaa maayuno fii no wuuriren. Yuuhanna 3:16

Rewɓe no ndaara yenaande annabi Iisaa yeewunde

Ko annabi Iisaa maayi, balɗe tati feyyuno, rewɓe go’o yahuno ka gaburu makko kono ɓe tawaali mo. Hari Yahuwah immintinii mo.

Annabi Iisaa no yaltiti e sahaabaaɓe makko ɓen, ontuma o ƴawi ka kammu

Annabi Iisaa yaltutuno e sahaabaaɓe makko ɓen.

Ko goonga, hari Yahuwah immitinii mo o wati mo malaa’ikaajo dolnuɗo. Sahaabaaɓe makko ɓen yi’uno mo ko o ƴawata ka kammu.

Allah immintini annabi Iisaa, waɗi mo hooreejo Laamu Allah ngun. Danu’iila 7:13, 14, TMN

Gila ka jullere makko laamu ka kammu, annabi Iisaa no ardaade yimɓe ɓen ka nder aljanna ka hoore leydi

Annabi Iisaa okkitirno ngurndan makko ɗan fii yimɓe ɓen (Matta 20:28). Ko sabu ɗun Allah okkoyta en ngurndan poomayakejan.

Yahuwah lamminii annabi Iisaa. Yimɓe 144 000 gomɗinɓe immintinoyte, ɓe wonoyay mbatulaaɓe makko. Annabi Iisaa e ɓen mbatulaaɓe makko fondoyay nguu laamu ka kammu — Laamu Allah ngun. — Feɲɲinannde 14:1-3, TMN.

Laamu Allah ngun wattoyay aduna on fow aljanna. Gere, kalabanteyaagal, baasal e heege wonoytaa hannde kadi. Fow weltoyto. — Zabuura 145:16, TMN.