TOƁƁERE 14

Ko honno hollirten hiɗen yiɗi Yahuwah ?

Wonen senngo Allah. 1 Petruusu 5:6-9

Almasiiyaajo no salii jokkugol diina fenaande e politiki

Wakkilonɗen hara en jokkaali naamuuji ɗi sariya Allah newnaali.

Wota en tawe fii gere laamu e oo aduna ɓayri ko Laamu Yahuwah ngun wonanɗen.

Suɓee ko moƴƴi, jentoɗon Allah. Matta 7:24, 25

Gorko no tawaa e pottital ka Fottirde, e himo janngidude e Seedeejo Yahuwah Deftere Allah nden

Ɓadee Seedeeɓe Yahuwah ɓen, ɓe wallay on anndugol Allah.

Jokken fii janngugol e ɗoftoɗen sariyaaji Allah ɗin.

Gorko no tuubande Yahuwah, ɓawto ɗun o lootee

Si hiɗen hoolii ko jannguɗen kon, ko yo en tuuban Yahuwah e looteɗen. — Matta 28:19.

Jentee Allah. Janngon Deftere makko nden e lanndoɗon Seedeeɓe Yahuwah ɓen, ɓe wallay on no faamiron. Waɗon ko Allah yamiri on kon. Si on waɗii ɗun, on wuuray haa poomaa. — Zabuura 37:29, TMN.