STAIDÉAR 2

Stíl Chomhráiteach

2 Corantaigh 2:17

ACHOIMRE: Labhair go nádúrtha agus macánta ó chroí ar bhealach a léiríonn an chaoi a mothaíonn tú faoin ábhar agus faoi do chuid éisteoirí.

Ullmhaigh go cúramach trí ghuí. Iarr ar Iehova cabhrú leat díriú ar do theachtaireacht seachas díriú ort féin. Bíodh na príomhphointí ar eolas agat. Cuir do chuid pointí in iúl i d’fhocail féin; ná déan aithris orthu focal ar fhocal mar atá siad i gcló.

Má tá sé ar intinn agat léamh ón mBíobla nó ó fhoilseachán eile, bí ar do chompord leis an sliocht ionas nach mbeidh do chuid léitheoireacht stadach. Má tá ráitis ó dhaoine luaite, léigh a bhfocail le mothúchán ach ná téigh thar fóir leis.
Labhair ó chroí. Smaoinigh ar an gcúis go gcaithfidh do chuid éisteoirí an teachtaireacht a chloisteáil. Dírigh orthusan. Ansin cuirfidh an bealach a n-iompraíonn tú thú féin, do ghothaí gnúise, do chneastacht agus do chairdiúlacht in iúl.

Ná ceap gur ionainn nádúrthacht agus a bheith neamhfhoirmiúil. Coinnigh dínit do theachtaireachta trí chaint shoiléir dheisbhéalach agus trí ghramadach chuí a úsáid.
Féach ar do chuid éisteoirí. Coinnigh teagmháil súl nuair nach bhfuil sé maslach é sin a dhéanamh. Nuair a thugann tú caint, breathnaigh ar dhuine amháin sa lucht féachana ag an am, seachas a bheith ag breathnú thart ar an ngrúpa iomlán.