Íosa ag dul isteach go hIarúsailéim ag marcaíocht ar asal

An gCruthaíonn Tairngreachtaí Gurbh é Íosa an Meisias?

Freagraíonn an Bíobla

Cruthaíonn. Nuair a bhí Íosa ar an talamh, chomhlíon sé cuid mhaith tairngreachtaí faoin “ungthaigh, prionsa” nó Meisias an Ceannaire, nó an Rí a bheadh mar “Shlánaitheoir an tsaoil.” (Dainéil 9:25; 1 Eoin 4:14) Agus fiú tar éis a bháis, lean Íosa air ag comhlíonadh tairngreachtaí faoin Meisias.—Salm 110:1; Gníomhartha 2:34-36.

Céard a chiallaíonn “Meisias”?

Ciallaíonn an focal Eabhraise Ma·shiʹach (Meisias) agus an focal Gréigise Khri·stos (Críost) “an tUngthach.” Mar sin, ciallaíonn “Íosa Críost” “Íosa an tUngthach” nó “Íosa an Meisias.”

In aimsir an Bhíobla, dhéantaí duine a ungtha trí ola a dhoirteadh ar a cheann nuair a roghnaítí é i gcóir pribhléid speisialta. (Léivític 8:12; 1 Samúéil 16:13) Cheap Dia Íosa mar an Meisias—ról le stádas údarásach. (Gníomhartha 2:36) Ach, in áit Íosa a ungadh le hola, d’ung Dia é le spiorad naomh.—Matha 3:16.

An bhféadfadh níos mó ná duine amháin tairngreachtaí faoin Meisias a chomhlíonadh?

Ní fhéadfadh. Díreach mar a dhéantar duine a aithint óna mhéarlorg, tá na tairngreachtaí atá comhlíonta sa mBíobla á dtreorú chun Meisias amháin, nó chun an Críost a aithint. Ach, tugann an Bíobla foláireamh go mbeadh “Críostanna bréige agus fáithe bréige ag éirí agus ag tabhairt comharthaí móra uathu agus éachtaí ionas go gcuirfidís na tofaigh féin amú dá mb’fhéidir.”—Matha 24:24.

An bhféadfadh an Meisias a theacht sa todhchaí?

Ní fhéadfadh. Thuar an Bíobla gur trí shliocht Rí Dháiví, Rí Iosrael a thiocfaidh an Meisias. (Salm 89:4, 5 [89:3, 4 i mBíoblaí eile]) Ach tá taifid sinseartha na nGiúdach a théann siar chomh fada le Dáiví imithe amú, is cosúil gur scriosadh iad nuair a chuir na Rómhánaigh Iarúsailéim faoi chois i 70 CR.a Ní féidir le haon duine a chruthú ó shin i leith gur de shliocht ríoga Dháiví é. Ach bhí na taifid shinsearacha seo ar fáil in aimsir Íosa, agus dá bhrí sin ní fhéadfadh naimhde Íosa a bheith ag maíomh nach de shliocht Dháiví é.—Matha 22:41-46.

Cé mhéad tairngreacht faoin Meisias atá sa mBíobla?

Ní féidir uimhir cinnte a chuir ar an méid tairngreachtaí atá luaite leis an Meisias. Mar shampla, d’fhéadfadh an chaoi a n-uimhrítear tairngreachtaí faoin Meisias i sleachta éagsúla a bheith difriúil. Luann an cuntas in Íseáia 53:2-7 gnéithe éagsúla faoi thairngreachtaí an Mheisias. D’fhéadfadh sé go gcomhairfeadh roinnt daoine mar thairngreacht amháin é seo. D’fhéadfadh sé go gcomhairfeadh daoine eile gach gné den tairngreacht seo mar thairngreacht ar leith.

Roinnt tairngreachtaí faoin Meisias a chomhlíon Íosa

Tairngreacht	Le fáil ag	Comhlíonadh
De shliocht Abrahám	Geineasas 22:17, 18	Matha 1:1
De shliocht Íosác, mac Abrahám	Geineasas 17:19	Matha 1:2
Rugadh é de threibh Iúdá	Geineasas 49:10	Matha 1:1, 3
Ó shliocht ríoga Rí Dáiví	Íseáia 9:6 (9:7 i mBíoblaí eile)	Matha 1:1
Rugadh ó mhaighdean é	Íseáia 7:14	Matha 1:18, 22, 23
Rugadh i mBeithil é	Míocá 5:1 (5:2 i mBíoblaí eile)	Matha 2:1, 5, 6
Ímeánúéil an t-ainm a tugadh airb	Íseáia 7:14	Matha 1:21-23
Tús uiríseal	Íseáia 53:2	Lúcás 2:7
Naíonáin curtha chun báis tar éis a bhreith	Irimia 31:15	Matha 2:16-18
Glaoite ón Éigipt	Hóisé 11:1	Matha 2:13-15
Nazairéanach a tugadh airc	Íseáia 11:1	Matha 2:23
Teachtaire tagtha roimhe	Malaicí 3:1	Matha 11:7-10
Ungtha mar an Meisias i 29 C.R.d	Dainéil 9:25	Matha 3:13-17
D’fhógair Dia gurbh é Íosa a Mhac	Salm 2:7	Gníomhartha 13:33, 34
Dúthracht do theach Dé	Salm 69:10 (69:9 i mBíoblaí eile)	Eoin 2:13-17
Craobhscaoilteoir an dea-scéil	Íseáia 61:1	Lúcás 4:16-21
Ministreacht phoiblí sa nGailíl—léargas iontach	Íseáia 8:23; 9:1 (9:1, 2 i mBíoblaí eile)	Matha 4:13-16
Cosúil le Maois, rinne sé míorúiltí	Deotranaimí 18:15	Gníomhartha 2:22
Cosúil le Maois, labhair sé smaointe Dé	Deotranaimí 18:18, 19	Eoin 12: 49
Leigheas sé daoine tinne	Íseáia 53:4	Matha 8:16, 17
Níor tharraing sé aon aird ar féin	Íseáia 42:2	Matha 12: 17, 19
Léirigh sé trua dóibh siúd a bhí ag fulaingt	Íseáia 42:3	Matha 12:9-20; Marcas 6:34
Léirigh sé ceartas Dé	Íseáia 42:1, 4	Matha 12:17-20
Comhairleoir Iontach	Íseáia 9:5, 6 (9:6, 7 i mBíoblaí eile)	Eoin 6:68
D’fhoilsigh sé ainm Iehova	Salm 22:23 (22:22 i mBíoblaí eile)	Eoin 17:6
D’úsáid sé parabail	Salm 78:2	Matha 13:34, 35
Ceannaire	Íseáia 55:4	Lúcás 1:33
Níor chreid go leor daoine ann	Íseáia 53:1	Eoin 12:37, 38
Ina cheap tuisle	Íseáia 8:14, 15	Matha 21:42-44
Diúltaithe ag daoine	Salm 118:22, 23	Gníomhartha 4:10, 11
Bhí fuath dó gan chúis	Salm 69:5 (69:4 i mBíoblaí eile)	Eoin 15:24, 25
Chuaigh sé isteach go hIarúsailéim ag marcaíocht ar asal	Zacairia 9:9	Matha 21:4-9
Molta ag leanaí	Salm 8:3 (8:2 i mBíoblaí eile)	Matha 21:15, 16
Tháinig sé in ainm Iehovae	Salm 118:26	Eoin 12:12, 13
Thréig dlúthchara é	Salm 41:10 (41:9 i mBíoblaí eile)	Eoin 13:18
Braitheadh é ar 30 píosa d’airgead gealf	Zacairia 11:12, 13	Matha 26:14-16; 27:3-10
Thréig a chairde é	Zacairia 13:7	Matha 26:31, 56
Thug finnéithe bréige fianaise ina aghaidh	Salm 35:11	Matha 26:59-61
D’fhan sé ina thost agus é á chúiseamh	Íseáia 53:7	Matha 27:12-14
Caitheadh seile air	Íseáia 50:6	Matha 26:67; 27:27, 30
Buailte sa gcloigeann	Míocá 4:14 (5:1 i mBíoblaí eile)	Marcas 15:19
Sciúrsáilte	Íseáia 50:6	Eoin 19:1
Chuir sé suas leis an mbualadh a fuair sé	Íseáia 50:6	Eoin 18:22, 23
Rinne ceannairí rialtais comhcheilg ina aghaidh	Salm 2:2	Lúcás 23:10-12
Cuireadh tairní trína lámha agus a chosa	Salm 22:17 (22:16 i mBíoblaí eile)	Matha 27:35; Eoin 20:25
Cuireadh a chuid éadaigh ar chrannchur	Salm 22:19 (22:18 i mBíoblaí eile)	Eoin 19:23, 24
Áiríodh é i measc na bpeacach	Íseáia 53:12	Matha 27:38
Maslaíodh é agus rinneadh magadh faoi	Salm 22:8, 9 (22:7, 8 i mBíoblaí eile)	Matha 27:39-43
D’fhulaing sé ar son peacaigh	Íseáia 53:5, 6	1 Peadar 2:23-25
Bhí an chuma air go raibh sé tréigthe ag Dia	Salm 22:2 (22:1 i mBíoblaí eile)	Marcas 15:34
Tugadh fínéagar agus domlas dó le n-ól	Salm 69:22 (69:21 i mBíoblaí eile)	Matha 27:34
Bhuail tart an bháis é	Salm 22:16 (22:15 i mBíoblaí eile)	Eoin 19:28, 29
Thug sé suas a bheatha	Íseáia 53:12	Marcas 15:37
Chuir sé éiric ar fáil le peacaí a ghlanadh	Íseáia 53:12	Matha 20:28
Níor briseadh aon chnámh leis	Salm 34:21 (34:20 i mBíoblaí eile)	Eoin 19:33, 36
Tolladh é	Zacairia 12:10	Eoin 19:33-35, 37
Adhlacadh i measc daoine saibhre é	Íseáia 53:9	Matha 27:57-60
Tógtha ó mhairbh	Salm 16:10	Gníomhartha 2:29-31
Duine eile ceaptha in áit an bhrathadóra	Salm 109:8	Gníomhartha 1:15-20
Ina shuí ar dheaslámh Dé	Salm 110:1	Gníomhartha 2:34-36

a Deir McClintock and Strong’s Cyclopedia: “Níl aon dabht ach go scriosadh clárúcháin threibheanna agus theaghlaigh na nGiúdach nuair a cloíodh Iarúsailéim agus ní roimhe sin.”

b Ciallaíonn an t-ainm Eabhraise Ímeánúéil “Tá Dia Linn” agus tá an t-ainm seo feiliúnach den ról atá ag Íosa mar an Meisias. Chruthaigh a láithreacht agus gach a ndearna sé nuair a bhí sé ar an talamh go bhfuil Dia lena chuid adhraitheoirí.—Lúcás 2:27-32; 7:12-16.

c Is cosúil go dtagann an focal “Nazairéanach” ón bhfocal Eabhraise neʹtser, agus ciallaíonn sé seo “bachlóg.”

d Le sonraí ar chróineolaíocht an Bhíobla maidir leis an mbliain 29 CR, an bhliain ar tháinig an Meisias, féach an t-alt “How Daniel’s Prophecy Foretells the Messiah’s Arrival.”

e Tá an t-ainm diaga aistrithe mar “an Tiarna” in An Bíobla Naofa (féach an réamhrá ar leabhar Eaxodus, faoi An Peintiteoch—Brollach.)

f Tá an tairngreacht seo le fáil i leabhair Zacairia, ach fós deir an scríbhneoir Bíobla Matha gur “comhlíonadh a ndúradh trí Irimia fáidh.” (Matha 27:9) Is cosúil gur cuireadh leabhar Irimia ag tús an bhailiúcháin sin de na Scrioptúir ar a dtugtar ‘na Fáithe’ orthu. (Lúcás 24:44) Mar sin d’úsáid Matha “Irimia” agus é ag déanamh tagairt den bhailiúchán seo ar fad, leabhar Zacairia san áireamh.