An Bealach a gCuirfear Deireadh le Cogadh agus le Coimhlint Fhoréigneach

CUIRFIDH DIA DEIREADH LE RIALTAIS DHAONNA

Cuirfidh Dia deireadh le rialtais dhaonna ag an gcogadh a dtugann an Bíobla Harmagadón air.a (Apacailipsis 16:16) Ag an am sin, beidh “ríthe an domhain go léir á dtionól le chéile chun catha lá mór Dé Uilechumhachtaigh.” (Apacailipsis 16:14) Is é Harmagadón cogadh Dé a chuirfidh deireadh le gach cogadh.

Cuirfidh Dia a Ríocht, nó a rialtas, a rialóidh ó neamh agus nach scriosfar go deo in áit rialtais dhaonna. (Dainéil 2:44) Tá a Mhac, Íosa Críost, roghnaithe ag Dia le bheith ina Rí ar a Ríocht. (Íseáia 9:​5, 6 [9:​6, 7 i mBíoblaí eile]; Matha 28:18) Seo é an rialtas nó an Ríochtb ar mhúin Íosa dá lucht leanúna guí ar a shon. (Matha 6:​9, 10) Beidh an cine daonna go léir aontaithe faoi rialtas domhanda amháin le hÍosa mar Rialtóir.

Ní ionann Íosa agus rialtóirí daonna, mar ní bhainfidh sé úsáid as a údarás chun a leas féin a chur chun cinn. De bhrí go bhfuil sé neamhchlaonta, ní bheidh ar aon duine a bheith buartha faoi neamhaird a bheith déanta air mar gheall ar cine, náisiúntacht nó cúlra eitneach. (Íseáia 11:​3, 4) Ní bheidh ar dhaoine troid ar son a gcearta. Cén fáth? Mar go bhfuil suim ag Íosa i leas gach duine. “Óir saorfaidh sé an bocht nuair a ghlaofaidh sé air; agus an donán gan chúnamh. . . Saorfaidh sé a n-anam ón bhfeall is ón bhforéigean.”—Salm 72:​12-14.

Gheobhaidh Ríocht Dé réidh le hairm mharfacha. (Míocá 4:3) Gheobhaidh sí réidh le daoine a dhiúltaíonn éirí as an troid nó a chuireann isteach ar shíocháin dhaoine eile. (Salm 37:​9, 10) Mothóidh gach fear, bean, agus páiste sábháilte pé áit a dtéann siad.—Eizicéil 34:28.

Nuair a bheidh Ríocht Dé ag rialú, beidh saol foirfe ag gach duine. Cuirfidh sé deireadh le rudaí ar nós bochtaineacht, ocras, agus easpa tithíochta. Beidh bia folláin le n-ithe agus áit chompordach le cónaí ag gach duine.—Salm 72:16; Íseáia 65:​21-23.

Leighisfear creachtaí an chogaidh faoi Ríocht Dé - an damáiste fhisiciúil, an damáiste meabhrach agus mothúchánach. Beidh aiséirí acu siúd a fuair bás agus beidh siad ar ais anseo ar an talamh. (Íseáia 25:8; 26:19; 35:​5, 6) Tabharfar teaghlaigh le chéile arís agus beidh cuimhní cruálacha an chogaidh mar chuid de na rudaí nach meabhrófar feasta “ná ní thabharfar chun cuimhne iad níos mó.”—Íseáia 65:17

CUIRFIDH DIA DEIREADH LEIS AN bPEACA

Aontóidh Ríocht Dé daoine chun an t-aon Fhíor-Dhia Iehova a adhradhc, “Dia an ghrá agus na síochána.” (2 Corantaigh 13:11) Foghlaimeoidh daoine le maireachtáil go síochánta. (Íseáia 2:​3, 4; 11:9) Beidh gach duine a chuireann an méid a fhoghlaimíonn siad i bhfeidhm saor ó thionchar an pheaca.—Rómhánaigh 8:​20, 21.

CUIRFIDH DIA DEIREADH LE SÁTAN AGUS A CHUID DEAMHAIN

Scriosfaidh Ríocht Dé an dream ba chúis leis an gcogadh, Sátan agus a chuid deamhain. (Apacailipsis 20:​1-3, 10) Beidh “síocháin agus fíréantacht” faoi bhláth nuair a bheidh a ndrochthionchar imithe.—Salm 72:7.

Is féidir leat a bheith muiníneach go gcomhlíonfar gealltanas Dé deireadh a chur le cogadh agus coimhlint fhoréigneach. Tá fonn air é a dhéanamh.

• Tá an eagna agus an chumhacht ag Dia le deireadh a chur le cogadh agus foréigean. (Iób 9:4) Níl aon rud nach bhfuil sé in ann a dhéanamh.—Iób 42:2.

• Is fuath le Dia daoine a fheiceáil ag fulaingt. (Íseáia 63:9) Chomh maith leis sin “is fuath leis fear an fhoréigin.”—Salm 11:5.

• Coinníonn Dia a fhocal i gcónaí; ní féidir leis bréag a insint.—Íseáia 55:​10, 11; Títeas 1:2.