Kanemɔ Maŋ Nɛɛŋ Wiemɔ Awake! Lɛ
1 Eji miishɛɛ sane akɛ aaale akɛ Awake! yibɔ ni akalaa lɛ eyashɛ nɔ ni fa fe fɛɛ ni ji 13,240,000 yɛ wiemɔi 67 mli, ni Twi kɛ Ewe fata he. Kwɛ bɔ ni Yehowa ejɔɔ eshishijee bibii lɛ nɔ beni aje The Golden Age (amrɔ nɛɛ Awake!) lɛ kalamɔ shishi yɛ 1919 mli lɛ—Okɛto Zakaria 4:10 he.
2 Maŋ Nɛɛŋ “Awake!” lɛ Fale ni Akalaa: Aje Twi Awake! lɛ kalamɔ shishi yɛ maŋ nɛɛ mli kɛ nɔ ni je kpo yɛ October 8, 1975 lɛ. Twi Awake! lɛ yashɛ yibɔ ni fa fe fɛɛ ni akalaa kɛ nɔ ni je kpo yɛ October 8, 1978 lɛ. Eka shi faŋŋ akɛ no mli lɛ mɛi babaoo naa Twi Awake! lɛ kanemɔ he miishɛɛ
3 Kwɛ miishɛɛ ni eji beni akala Ewe Awake! lɛ hu klɛŋklɛŋ kwraa kɛ nɔ ni je kpo yɛ September 8, 1992 lɛ! Togo kɛ Ghana shikpɔŋkukuji lɛ na miishɛɛ yɛ he waa titri.
4 Beni Twi Awake! lɛ falɛ yashɛ yibɔ ni fe fɛɛ he yɛ 1978 mli lɛ, no mli lɛ shiɛlɔi 22,000 yɔɔ Ghana. Amrɔ nɛɛ ni shiɛlɔi 41,000 yɔɔ Ghana (ni miihe ashɛ 1978 yibɔ lɛ toi enyɔ) lɛ, abaanyɛ ana akɛ mɛi ni kaneɔ twi lɛ hu ayi efa babaoo bɔ ni sa.
5 Afo Twi Awake! lɛ kalamɔ mli fioo yɛ naatsii be lɛ mli, shi aje shishi ekoŋŋ kɛ nɔ ni je kpo yɛ March 8, 1991 lɛ, kɛ shishijee yibɔ ni ji ekomekomei 3,550. Yibɔ ni akalaa amrɔ nɛɛ ji 3,400. Kɛ akɛto tsutsu yibɔ ni akalaa lɛ he lɛ, anaa faŋŋ akɛ mɛi ni kaneɔ Twi Awake! lɛ yɛ tsutsu be ni eho lɛ mli kɛ nyɛsɛɛ nɛɛ nɔŋŋ po lɛ kaneee dɔŋŋ.
6 Ewe Awake! lɛ yibɔ ni akala kɛje shishi ji ekomekomei 4,700. Yibɔ ni akalaa amrɔ nɛɛ ji ekomekomei 3,900. Yɛ enɛ hu mli lɛ, mɛi ni bɔi kanemɔ lɛ ateŋ mɛi komɛi kaneee dɔŋŋ.
7 Mɛni Hewɔ Mɛi ni Kaneɔ lɛ Anɔ gbɔɔ Lɛ? Awie akɛ amrɔ nɛɛ shika gbɛfaŋ jaramɔ shihilɛi lɛ ahewɔ ni mɛi ni kaneɔ maŋ nɛɛŋ wiemɔ Awake! lɛ anɔ gboɔ lɛ. Eyɛ mli akɛ akaseee Awake! lɛ yɛ asafoŋ kpeei ashishi taakɛ akaseɔ Buu-mɔɔ lɛ moŋ, shi kɛji wɔsusu he akɛ maŋ nɛɛŋ wiemɔ Awake! wolo tɛtrɛɛ lɛ baa shikome yɛ nyɔŋ kome mli lɛ, ani ₵150 ni wɔɔto daa nyɔŋ nɔ ni wɔkɛhe ekome lɛ fa tsɔ?
8 Yibɔ ni Akalaa Iɛ ni Wɔɔna Eyɛ Hiɛ: Shiatsɛmɛi pii leee po akɛ akalaa Awake! lɛ yɛ Twi kɛ Ewe mli. Shiɛlɔi ni yɔɔ maŋ nɛɛ mli lɛ ateŋ mɛi pii kɛ shiatsɛmɛi feɔ shia Biblia mli nikasemɔi kɛ woji ni yɔɔ maŋ nɛɛŋ wiemɔi amli lɛ. No hewɔ lɛ, mɛni hewɔ okɛ Awake! ni yɔɔ maŋ nɛɛŋ wiemɔ mli lɛ etsɔɔɔ nɛkɛ Biblia kaselɔi nɛɛ koni amɛje shishi amɛhe daa?
9 Taomɔ amɛmli saji ni amɛbaana he miishɛɛ. Akɛ nɔkwɛmɔ nɔ lɛ, koo mli la ni awoɔ ji naagba ko ni wɔkɛkpeɔ daa yɛ maŋ nɛɛ mli. November 8, 1993, Awake! ni yɔɔ maŋ nɛɛŋ wiemɔ mli lɛ eŋma nɔ ko yɛ koo mlila ni awoɔ lɛ he. Eto naa eŋmala nibii babaoo ni haa koo mli la jeɔ, ni ewoɔ enaatsii he hewalɛ. Sane lɛ yɛ kuku, ni eka shi faŋŋ akɛ akrowaiaŋ bii ni koo mli la he naagba lɛ fɔɔ amɛ haomɔ lɛ baana he miishɛɛ waa.
10 Bɔ ni Awake! lɛ mli saji lɛ ekomɛi wieɔ nibii pɔtɛɛ komɛi ahe lɛ hewɔ lɛ, eshishitsɔɔmɔ kɛmiiba maŋ nɛɛŋ wiemɔ mli lɛ biɔ ni mɛi ni tsɔɔ wiemɔi ashishi lɛ atao nibii amli jogbaŋŋ, ni amɛna wiemɔi ni sa ni baatsɔɔ sane lɛ mli faŋŋ. Nikaselɔi ni miikase Twi kɛ Ewe kɛba yijiemɔ wolo kaa-feemɔ lɛ baana he sɛɛ waa ejaakɛ amɛbaale wiemɔi babaoo, ni bɔ ni amɛŋmaa wiemɔ lɛ amɛbaa lɛ hu baaya hiɛ.
11 Esoro woji tɛtrɛbii ni wɔkalaa yɛ maŋ nɛɛŋ wiemɔi amli lɛ kwraa ejaakɛ akalaaa woji tɛtrɛbii yɛ wɔ maŋ nɛɛŋ wiemɔi amli. Kɛ onyɛɔ okaneɔ Ewe loo Twi lɛ, shɛɛ Awake! ni akalaa yɛ maŋ nɛɛŋ wiemɔ mli lɛ ni okane. Feemɔ nakai oha obii ni lɛ nikanemɔ lɛ hu ni eye ebua amɛ ni bɔ ni amɛle wiemɔ lɛ amɛha lɛ aya hiɛ. Shɛɛ bɔ ni fa saŋŋ kɛha ekɛ nitsumɔ yɛ shiɛmɔ mli. Kɛji oheɔ eko lɛ, no lɛ Awake! ni akalaa yɛ maŋ nɛɛŋ wiemɔ mii lɛ baaya hiɛ ni abaakala daa nyɔŋ fã taakɛ Blɔfo nɔ lɛ ji lɛ. Wɔkɛ miishɛɛ miikpa nakai gbi lɛ gbɛ waa.