Bo Hu Obaanyɛ Ona Niiashikpamɔi Kpakpai Amli Ŋɔɔmɔ!

Etamɔ nɔ ni shiɛlɔi komɛi yɛ niiashikpamɔi ni ŋɔɔ ni woɔ mɔ hewalɛ ni amɛaagba yɛ saramɔ loo sɛɛsaramɔ ko ni eha amɛmli efili amɛ babaoo lɛ he. Bei pii lɛ niiashikpamɔi kpakpai lɛ baaa lɛ trukaa. Babaoo yɛ ni jɛ mɔdɛŋbɔɔ kɛ ekãa ni ayaa nɔ kɛtsuɔ he nii lɛ. Jeee shiɛlɔi ni naa tse loo ni amɛhe esa waa lɛ pɛ anaa enɛɛmɛi yɛ amɛhe.

Naa nibii komɛi ni anaa yɛ mɛi ni yeɔ omanye babaoo lɛ ahe: (1) Amɛkɛ amɛhe woɔ shiɛmɔ nitsumɔ lɛ mli nɔtonɔto, ni bei pii lɛ amɛfeɔ nakai shii abɔ daa otsi, ni ehaa amɛnaa hegbɛi koni amɛya mɛi ni yɔɔ he miishɛɛ lɛ aŋɔɔ; (2) amɛyaa nɔ amɛnaa shiatsɛmɛi lɛ ahe jwɛŋmɔ kpakpa, ni amɛmuuu sane naa mra akɛ amɛboŋ toi; (3) amɛnyaa mɛi ahe waa, ni amɛjieɔ ekãa, kɛ anɔkwa miishɛɛ kpo yɛ mɛi ni boɔ toi lɛ ahe; (4) amɛyɛ ekãa ni amɛfeɔ sɛɛsaramɔi daa ni amɛyaa mɛi ni bɛ shiai amli lɛ hu ŋɔɔ; ni (5) oti ni ma amɛhiɛ ji ni amɛje Biblia mli nikasemɔi ashishi.

Be mli ni opɛi onifeemɔ mli okwɛ sɛɛ lɛ, ekolɛ obaanyɛ ona bɔ ni ooofee ona nakai niiashikpamɔi ni ŋɔɔ ni haa shiɛmɔ nitsumɔ lɛ woɔ yibii ni ehaa mɔ tsui nyɔɔ emli babaoo lɛ mli ŋɔɔmɔ. Kɛ oyɛ niiashikpamɔi kpakpai komɛi lɛ, ofainɛ ni oŋmala oshwie shi koni okɛmaje Asafo lɛ.