Sɔɔmɔ Kpee He Gbɛjianɔtoo
Otsi ni Jeɔ Shishi October 9
8 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli kɛ adafitswaa ni kɔɔ Mumuii Awiemɔ kpokpaa wulu nɔ kpee ni ji enyɔ lɛ he.
12 min: “Ani Obaakã He Oŋmɛ Otsui Shi Kɛyashi Naagbee?” Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.
25 min: “Afii Akpe Hee Lɛ—Mɛni Yɔɔ Wɔsɛɛ Be Kɛha Bo?” Sanegbaa ni yɔɔ miishɛɛ ni shiɛmɔ nitsumɔ nɔkwɛlɔ lɛ baakwɛ nɔ. Kɛ okane adafitswaa ni akɛha yɛ July 3, 2000 wolo ni Asafo lɛ ŋma kɛyaha onukpai lɛ ogbe naa lɛ, ha mɔ fɛɛ mɔ ni eba lɛ Maŋtsɛyeli Sanekpakpa No. 36 lɛ ekome. No sɛɛ lɛ, okɛ nikasemɔ lɛ he sanebimɔ kɛ hetoo he sanegbaa atsa nɔ. Tsɔɔmɔ gbɛjianɔ ni nyɛ asafo lɛ eto koni akɛgbe shikpɔŋkuku lɛ mli nitsumɔ naa. Tsɔɔmɔ bɔ ni abaafee aye abua mɛi heei kɛ gbekɛbii koni amɛhe asa akɛ shiɛlɔi ni abaptisiko amɛ. Feemɔ shiɛmɔ wiemɔ he nɔkwɛmɔnɔ kuku. Maa bɔ ni ehe hiaa ni mɔ fɛɛ mɔ aná tafaa nɛɛ mli gbɛfaŋnɔ kɛmɔ shi lɛ nɔ mi.
Lala 53 kɛ naagbee sɔlemɔ.
Otsi ni Jeɔ Shishi October 16
10 min: Asafoŋ adafitswai. Shika he akɔntaabuu. Kaimɔ shiɛlɔi akɛ esa akɛ awie Buu-Mɔɔ kɛ Awake! woji tɛtrɛbii lɛ kɛ Maŋtsɛyeli Sanekpakpa No. 36 lɛ he yɛ otsi lɛ naagbee nitsumɔ lɛ mli.
15 min: “Dɛŋdadei ni Tsɔɔ Mɔ Nii, ní Kanyaa Mɔ, ní Woɔ Mɔ Hewalɛ.” (Kukuji 1 kɛ 2 pɛ.) Wiemɔ ni abaaha. Wiemɔ vidio feemɔ ni Asafo lɛ bɔi he nitsumɔ lɛ he yinɔsane lɛ mli saji ahe. (Kwɛmɔ Proclaimers wolo, baafai 600-601.) Wó mɔ fɛɛ mɔ hewalɛ koni ekwɛ Jehovah’s Witnesses—The Organization Behind the Name vidio lɛ koni akɛsaa he kɛha sanegbaa ni baaya nɔ yɛ October 30 otsi lɛ Sɔɔmɔ Kpee lɛ shishi lɛ. Mɛi ni yɔɔ vidio lɛ baanyɛ amɛkɛha koni mɛi krokomɛi ni bɛ eko lɛ akwɛ, aloo ekolɛ amɛbaanyɛ amɛkɛ amɛ afee ekome kɛkwɛ.
20 min: Wɔ Fɛɛ Wɔbaanyɛ Wɔjie Gbɛgbamɔ Mumɔ lɛ Kpo. Sanegbaa ni baaya nɔ yɛ woloŋ nikasemɔ nɔkwɛlɔ kɛ esɛɛkwɛlɔ teŋ, ní damɔ October 15, 1997 Buu-Mɔɔ lɛ baafai 22-23 nɔ. Asusu nɔ hewɔ ni ebaafee nɔ ni hi akɛ aaaná gbɛgbalɔi babaoo yɛ asafo lɛ mli lɛ he kɛ bɔ ni mɔ fɛɛ mɔ baanyɛ afee koni ashɛ oti ni akɛmaa hiɛ nɛɛ he. Agbɛnɛ hu, asusu gbɛ̀i ni aaatsɔ nɔ awo mɛi ni kɛ amɛhe woɔ gbɛgbamɔ nitsumɔ lɛ mli amrɔ nɛɛ lɛ hewalɛ lɛ he, koni amɛya nɔ amɛtsu, kɛ bɔ ni mɛi fɛɛ ni yɔɔ asafo lɛ mli lɛ baanyɛ aná ekãa kɛha shiɛmɔ nitsumɔ lɛ.
Lala 131 kɛ naagbee sɔlemɔ.
Otsi ni Jeɔ Shishi October 23
10 min: Asafoŋ adafitswai.
15 min: “Te Yehowa Odasefoi Buɔ Oshikifɔɔ Amɛhaa Tɛŋŋ?” Wiemɔ ni onukpa ko ni he esa kɛbaaha ni damɔ November 1, 1999 Buu-Mɔɔ lɛ baafai 28-29 lɛ nɔ. Okɛ saji otii enumɔ lɛ pɛ atsu nii. Okɛ saji krokomɛi akafata nibii ni aŋmala lɛ he. Maa nɔ mi akɛ, esaaa akɛ nyɛmimɛi haa amɛnane tɔ̃tɔ̃ɔ yɛ nɔ ni mɛi krokomɛi jɛɔ amɛhenilee mli amɛfeɔ lɛ hewɔ.
20 min: Saamɔ Ohe Jogbaŋŋ Kɛha Kpeei. Wiemɔ kɛ toibolɔi ni akɛaagba sane. Sɛɛnamɔi ni wɔnáa yɛ kpeei ashishi lɛ damɔ mɔdɛŋ ni wɔbɔɔ waa koni wɔsaa wɔhe jogbaŋŋ lɛ nɔ babaoo. Tĩi gbɛtsɔɔmɔi ni anyɛɔ akɛtsuɔ nii ni akɛha yɛ March 1, 1998 Buu-Mɔɔ lɛ baafai 15-16, kukuji 8-11 lɛ mli. Ha toibolɔi awie saji ni tsɔɔ bɔ ni amɛfeɔ amɛjeɔ shishi jogbaŋŋ ní haa amɛnáa be ni he hiaa kɛsaa amɛhe jogbaŋŋ lɛ.
Lala 211 kɛ naagbee sɔlemɔ.
Otsi ni Jeɔ Shishi October 30
Lala 167
8 min: Asafoŋ adafitswai. Kaimɔ shiɛlɔi koni amɛkɛ shiɛmɔyaa he akɔntaabui kɛha October aha.
12 min: Niiashikpamɔi ni Aná yɛ Maŋtsɛyeli Sanekpakpa No. 36 lɛ Kɛhamɔ Mli. Bi shiɛlɔi srɔtoi babaoo ni amɛtsɔɔ yibiiwoi ni woɔ mɔ hewalɛ ni amɛná mli ŋɔɔmɔ kɛjɛ beni amɛbɔi Maŋtsɛyeli Sanekpakpa No. 36 lɛ jaa. Ha daa gbɛgbalɔi kɛ gbɛgbalɔi awalɔi atsɔɔ bɔ ni amɛhiɛ esɔ nitsumɔ ni tee nɔ waa yɛ tafaa nɛɛ mli kɛ hegbɛ ni amɛnáa akɛ amɛkɛ shiɛlɔi srɔtoi babaoo aaatsu nii lɛ.
25 min: Jehovah’s Witnesses—The Organization Behind the Name (Yehowa Odasefoi—Gbɛjianɔtoo ni Yɔɔ Gbɛi lɛ Sɛɛ). Toibolɔi ni akɛaagba sane. Asusu sanebimɔi ni akɛha yɛ “Dɛŋdadei ni Tsɔɔ Mɔ Nii, ní Kanyaa Mɔ, ní Woɔ Mɔ Hewalɛ” lɛ kuku 3 lɛ he. Okɛ gbɛtsɔɔmɔi ni tsɔɔ bɔ ni abaanyɛ akɛ vidio lɛ atsu nii koni akɛye abua mɛi ni yɔɔ wiemɔ lɛ he miishɛɛ lɛ, koni amɛle wɔ gbɛjianɔtoo lɛ jogbaŋŋ aha. Okɛ niiashikpamɔi kukuji enyɔ loo ekome afata he.—Kwɛmɔ October 1, 1992 Buu-Mɔɔ lɛ baafai 30-31.
Lala 15 kɛ naagbee sɔlemɔ.
Otsi ni Jeɔ Shishi November 6
Lala 198
15 min: Asafoŋ adafitswai. Tĩi bɔ ni Maŋtsɛyeli Sanekpakpa No. 36 lɛ jaa yaa nɔ ehaa lɛ mli. Tsɔɔmɔ bɔ ni atsu shikpɔŋkuku lɛ mli nii aha kɛjɛ beni abɔi jaa lɛ kɛ nɔ ni he baahia koni akɛgbe naa dani November 17 aho.
20 min: Mɛni Wɔheɔ Wɔyeɔ? Nyɛmi nuu ko fee sɛɛsaramɔ yɛ mɔ ni bi akɛ, “Mɛni Yehowa Odasefoi tsɔɔ ni haa amɛyɔɔ srɔto yɛ jamɔi krokomɛi ahe lɛ?” ŋɔɔ. Tsɔɔmɔ saji otii ni akɛha yɛ October 1, 1998 Buu-Mɔɔ lɛ baafa 6 akrabatsa lɛ mli lɛ mli. Tsɔɔmɔ bɔ ni jamɔi krokomɛi kuɔ amɛhiɛ amɛshwieɔ nɛkɛ Biblia mli shishijee anɔkwalei nɛɛ anɔ loo amɛkpooɔ ni amɛkpɛlɛɔ adesai atsɔɔmɔi anɔ lɛ mli.
10 min: Lala—Wɔ Jamɔ lɛ Fã ko ni He Hiaa. Woloŋ nikasemɔ nɔkwɛlɔ ko kɛ shiɛlɔi enyɔ gba lala ni amɛláa yɛ asafoŋ kpeei ashishi lɛ he sane. Eyɔse akɛ etamɔ nɔ ni amɛkɛ hewalɛ wooo lala ni amɛláa lɛ mli jogbaŋŋ. Ekɛ amɛ susu saji otii komɛi ni jɛ February 1, 1997 Buu-Mɔɔ lɛ baafai 27-28 lɛ he. Amɛkwɛ bɔ ni otsi lɛ Buu-Mɔɔ Nikasemɔ ni baanyiɛ sɛɛ lɛ shishi lalai ni abaala lɛ ateŋ ekome lɛ mli wiemɔi lɛ yɔɔ ha lɛ mli, taakɛ atsɔɔ yɛ July 1, 1999 Buu-Mɔɔ lɛ baafa 20, kuku 12 lɛ. Kɛ wɔbu lala akɛ nɔ ni hiɛdɔɔ yɔɔ he lɛ, wɔkɛ miishɛɛ woɔ yijiemɔ ni wɔjɛɔ wɔtsuiŋ wɔkɛhaa Yehowa lɛ mli.
Lala 223 kɛ naagbee sɔlemɔ.