Sɔɔmɔ Kpee He Gbɛjianɔtoo
Otsi ni Jeɔ Shishi September 10
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.
13 min: Asafoŋ hiamɔ nii.
22 min: “Ani Oogbe Osɔɔmɔ lɛ Naa Kwraa?” Beni okɛ toibolɔi lɛ egba kuku 1-3 lɛ he sane lɛ, ha afee woji tɛtrɛbii kɛhamɔ he nɔkwɛmɔnii kukuji enyɔ—akɛ September 15 Buu-Mɔɔ lɛ afee ekome ni akɛ September 22 Awake! lɛ afee ekroko lɛ. Beni agba kuku 4 he sane lɛ sɛɛ lɛ, akɛ Nilee wolo lɛ afee shiɛmɔ wiemɔ ni akɛha lɛ he nɔkwɛmɔnɔ.
Lala 124 kɛ naagbee sɔlemɔ.
Otsi ni Jeɔ Shishi September 17
15 min: Asafoŋ adafitswai. Shika he akɔntaabuu. “Eyɛ Index lɛ Mli.” Tsɔɔmɔ bɔ ni abaafee ana shiɛmɔ wiemɔi kɛha Creation wolo lɛ.
15 min: Te Wɔtee nɔ Wɔha Tɛŋŋ Nyɛsɛɛ Afi Lɛ? Wiemɔ ni sɔɔmɔ nitsumɔ nɔkwɛlɔ lɛ kɛbaaha. Okɛ asafoŋ akɔntaabuu kɛha 2001 sɔɔmɔ afi lɛ mli nii ni atsu lɛ mli saji otii aha. Jiemɔ mɔ fɛɛ mɔ yi yɛ nibii kpakpai ni anyɛ atsu lɛ hewɔ. Gbalamɔ jwɛŋmɔ kɛya nɔ ni asafo lɛ tsu yɛ kpeei baa, shiɛmɔ nitsumɔ lɛ mli ni akɛ he woɔ daa nyɔŋ nɔ, kɛ Biblia kasemɔ nitsumɔ lɛ mli, ní atsɔɔ ŋaawoo ni abaanyɛ atsu he nii kɛha nɔyaa. Okɛ otii ni abaanyɛ ashɛ he kɛha afi ni baa lɛ amamɔ shi.
15 min: Sanebimɔ He. Wiemɔ. Tĩi asafo lɛ daa otsi gbɛjianɔtoo kɛha kpee kɛha shiɛmɔyaa lɛ mli. Tsɔɔmɔ bɔ ni mɛi fɛɛ ni yaa lɛ baanyɛ aye abua saji ahesusumɔ yɛ kpeei nɛɛ ashishi lɛ mli. Wó asafo lɛ hewalɛ ni amɛfi sɔɔmɔ gbɛjianɔtoi nɛɛ asɛɛ.
Lala 129 kɛ naagbee sɔlemɔ.
Otsi ni Jeɔ Shishi September 24
15 min: Asafoŋ adafitswai. Okɛ ŋaawoo ni akɛha yɛ “Nɔ ni Esa akɛ Owie yɛ Woji Tɛtrɛbii lɛ Ahe” lɛ mli lɛ atsu nii ni oha akɛfee nɔkwɛmɔnii enyɔ—ekome akɔ October 1 Buu-Mɔɔ lɛ he ni ekroko lɛ akɔ October 8, Awake! lɛ he.
30 min: Suɔmɔ Nyɔŋmɔ—Jeee Nibii ni Yɔɔ Je lɛ Mli. (1 Yoh. 2:15-17) Wiemɔ kɛ asafo lɛ kɛ sanegbaa ni akɛmiiti kpokpaa nɔ kpee he gbɛjianɔ ní afee yɛ sɔɔmɔ afi ni ho lɛ mli lɛ mli. Afɔ̃ nine atsɛ shiɛlɔi ni amɛwie saji otii ni amɛkase lɛ kɛ bɔ ni amɛnyɛ amɛkɛtsu nii yɛ amɛ diɛŋtsɛ amɛshihilɛ mli loo yɛ wekui amli lɛ he sane. (Abaanyɛ atsɔ hiɛ ni akɛ fãi komɛi awo mɛi komɛi adɛŋ.) Tsu gbɛjianɔtoo lɛ mli fãi nɛɛ ahe nii: (1) “Suɔmɔ Kɛha Nyɔŋmɔ Kanyaa Wɔ yɛ Wɔsɔɔmɔ lɛ Mli.” Suɔmɔ ni tamɔ nɛkɛ yeɔ ebuaa wɔ ni wɔdamɔɔ henumɔi ni ehiii ni baanyɛ atsĩ wɔ shiɛmɔ naa lɛ naa, tamɔ—tsuifãa, henumɔ akɛ he esako, gbɔmɛi ahe gbeyeishemɔ. (2) “Nyɛ Mɛi ni Nyɛsumɔɔ Yehowa lɛ Nyɛnyɛa Efɔŋ.” (w99-GA 10/1 28-31) Ekomefeemɔ ni aaakã wɔkɛ Nyɔŋmɔ teŋ lɛ damɔ nyɛ̃ɛ ni wɔɔná wɔha nɔ ni enyɛ̃ɔ lɛ nɔ—jeee nɔ ni yɔɔ faŋŋ akɛ eji efɔŋ lɛ kɛkɛ, shi teemɔŋ tɔmɔi ni yɔɔ nigii lɛ hu. (3) “Dii Suɔmɔ Gbɛ ni Fe Fɛɛ lɛ Sɛɛ.” (w92-GA 7/15 27-30) Klɛŋklɛŋ Korintobii 13:4-8 tsɔɔ nɔ hewɔ ni wɔkɛ tsuishitoo ŋmɛɔ wɔtsui shi yɛ mɛi krokomɛi afatɔɔi ahe, wɔtsiɔ wɔhe kɛjɛɔ wɔ pɛ wɔnɔ̃ mli ni wɔfóɔ kɛ akaŋshii he, wɔgbɛɛɛ oshekuyeli ni yeɔ awui wɔshwãaa ni wɔhiɔ shi akɛ anɔkwafoi wɔhaa Nyɔŋmɔ gbɛjianɔtoo lɛ. (4) “Nibii ni Yɔɔ Je Lɛŋ—Te Wɔbuɔ Amɛ Wɔhaa Tɛŋŋ?” Esaaa akɛ wɔsumɔɔ nibii ni yɔɔ je lɛŋ lɛ, esaaa akɛ wɔbaa wɔhe shi wɔhaa heloo lɛ akɔnɔi, wɔhaa nii ni feɔ hiŋmɛi lɛ fɛo lɛ lakaa wɔ, aloo wɔjieɔ shihilɛ mli nibii ni wɔná lɛ wɔtsɔɔ. (5) “Je lɛ Fã ni Wɔjeee lɛ Buɔ Wɔhe.” Korintobii Awolo ni Ji Enyɔ 6:14-17 tsɔɔ bɔ ni hemɔkɛyelii, kusumii, kɛ nifeemɔi komɛi baanyɛ aha wɔfee gbɔmɛi ni Nyɔŋmɔ ekpɛlɛɛɛ wɔnɔ. Esa akɛ wɔyoo ni wɔkwa tsɔnei ni Abonsam etsɔ lɛ. (6) “Ŋwɛi Shiwoi yɛ Kɛha Mɛi ni Sumɔɔ Nyɔŋmɔ Lɛ.” (w86 6/15 5-6) Yehowa jɔɔmɔ kɛ miishɛɛ fataa wɔshihilɛi ahe ni ehaa wɔfeɔ niiatsɛmɛi yɛ mumɔŋ.—1 Tim. 6:17-19.
Lala 133 kɛ naagbee sɔlemɔ.
Otsi ni Jeɔ Shishi October 1
10 min: Asafoŋ adafitswai. Kaimɔ shiɛlɔi ni amɛkɛ shiɛmɔyaa he akɔntaabui kɛha September aha.
15 min: Te Mafee Tɛŋŋ Mabɔ Mɔdɛŋ yɛ Skul? Onukpa ko kɛ eŋa aloo asafoŋ sɔɔlɔ kɛ eŋa miiwie kɛmiitsɔɔ amɛbi ni yaa skul. Amɛhaoɔ ejaakɛ gbekɛ lɛ skul woji tsɔɔ akɛ ebɔɔɔ mɔdɛŋ yɛ nii ni amɛkaseɔ yɛ skul lɛ mli. Amɛti ŋaawoo ni yɔɔ Young People Ask wolo lɛ yitso 18 lɛ mli, ni amɛsusu nɔ ni ehe hiaa ni gbekɛ lɛ afee koni eya ehiɛ lɛ he. Fɔlɔi lɛ ma bɔ ni ehe hiaa ni ená shishijee woloŋ nilee bɔni afee ni mɔ anyɛ ni ekɛ enyɛmɔ fɛɛ atsu nii ni ekɛdi sɔɔmɔ krɔŋkrɔŋ sɛɛ.
20 min: “Ani Eji Gbɛtsii Nii Kɛha Shiɛmɔ?” Maa bɔ ni ehe hiaa ni aŋmɛ pɛpɛɛpɛ yɛ helooŋ gbɛfaŋ nitsumɔ mli lɛ nɔ mi, ni ato nibii ni he hiaa titri ni haa akɛ Maŋtsɛyeli lɛ he nibii yeɔ klɛŋklɛŋ gbɛhe lɛ ahe gbɛjianɔ. Fɔ̃ɔ nine otsɛ weku yitsei komɛi ni yɔɔ asafo lɛ mli lɛ, koni amɛgba bɔ ni amɛdamɔɔ kaa ni ji amɛ shiabii ni amɛkɛ helooŋ gbɛfaŋ nibii haa amɛ ní amɛkɛyeee amɛmumɔŋ hiamɔ nii ahe nitsumɔ najiaŋ.
Lala 137 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.