Sɔɔmɔ Kpee He Gbɛjianɔtoo
Otsi ni Jeɔ Shishi March 10
Lala 5
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Okɛ gbɛtsɔɔmɔi ni akɛha yɛ baafa 8 lɛ atsu nii ni oha akɛfee nɔkwɛmɔnii srɔtoi enyɔ ni tsɔɔ bɔ ni abaafee ni akɛ March 15 Buu-Mɔɔ lɛ kɛ March 22 Awake! lɛ aha. Yɛ eko fɛɛ eko mli lɛ, akɛ woji tɛtrɛbii enyɔ lɛ fɛɛ aha, eyɛ mli akɛ ekome pɛ akɛaatsɔɔ.
15 min: Afi 2003 Yearbook lɛ He Sɛɛ ni Wɔɔná. Wiemɔ kɛ toibolɔi ni akɛaagba sane. Tĩi “2002 Grand Totals” (Afi 2002 Akɔntaabui Fɛɛ Anaabuamɔ) ni yɔɔ baafa 31 lɛ mli. Too gbɛjianɔ kɛtsɔ hiɛ ni oha shiɛlɔi lɛ ateŋ mɛi komɛi agba amaniɛbɔi kɛ niiashikpamɔi ni amɛna akɛ ewoɔ mɔ hewalɛ waa ni ewajeɔ mɔ hemɔkɛyeli hu lɛ. Tsĩi saji otii ni jɛ jeŋ fɛɛ shiɛmɔ nitsumɔ lɛ he akɔntaabuu lɛ mli lɛ tã. Wó wekui lɛ hewalɛ koni amɛkane wolo muu lɛ fɛɛ fiofio yɛ afi lɛ mli. Tsɔɔmɔ gbɛ̀i komɛi ni wɔbaanyɛ wɔtsɔ nɔ wɔkɛ wolo lɛ atsu nii koni wɔkɛgbala mɛi heei lɛ ajwɛŋmɔ kɛba Yehowa gbɛjianɔtoo lɛ nɔ, ni wɔkɛwo amɛ hewalɛ koni amɛba kpeei.
20 min: “Bɔɔ Ekpakpafeemɔ He Mɔdɛŋ!” (Baafa 1-12) Beni asusu kuku 6 lɛ he sɛɛ lɛ, ha afee nɔkwɛmɔnɔ kuku ní shiɛlɔ ko kɛ ninefɔ̃ɔ wolo ni akala lɛ miifɔ̃ ewekunyo ko, akutsoŋnyo ko, enaanyo skulnyo ko, loo enaanyo nitsulɔ ko nine kɛha Kaimɔ lɛ. Kɛji atsɔko hiɛ ajarako Kaimɔ lɛ he ninefɔ̃ɔ woji ni akala lɛ, esa akɛ afee nakai yɛ kpee lɛ sɛɛ.
Lala 19 kɛ naagbee sɔlemɔ.
Otsi ni Jeɔ Shishi March 17
Lala 34
10 min: Asafoŋ adafitswai. Shika he akɔntaabuu.
15 min: Okɛ Nilee Ahala Onanemɛi. Wiemɔ ni onukpa ko baaha ni damɔ February 22, 1997 Awake! lɛ baafa 13 lɛ nɔ, kɛ sane ni yɔɔ saneyitso ni ji “Bad Associations” (Naanyobɔɔ Fɔŋ) ni jeɔ kpo yɛ Reasoning wolo lɛ baafa 189 lɛ. Tsɔɔmɔ bɔ ni shishitoo mlai lɛ kɔɔ oblahii kɛ oblayei kɛ mɛi ni edara lɛ fɛɛ ahe. Maa sɛɛnamɔi ni yɔɔ halamɔ ni aaahala mɛi ni sumɔɔ Yehowa ní amɛjieɔ lɛ kpo amɛtsɔɔ akɛ amɛmiibɔ mɔdɛŋ koni amɛkpɛtɛ tɛi ni efolɔ eshwie shi lɛ he lɛ ákɛ nanemɛi lɛ nɔ mi.
20 min: “Bɔɔ Ekpakpafeemɔ He Mɔdɛŋ!” (Baafa 13-26) Onukpai asɛinɔtalɔ lɛ baatsu he nii. Beni asusuɔ kuku 14 lɛ he lɛ, ha afee nɔkwɛmɔnɔ kuku ko ní miitsɔɔ onukpa ko ni etee nyɛmi ko ni bɛ gbɔmɔtsoŋ hewalɛ ni egbɔjɔ lɛ saramɔ koni ewo lɛ hewalɛ, ní ekɛ mlihilɛ miitsɔɔ gbɛfaŋnɔ ni nakai mɔ lɛ baanyɛ aná yɛ nitsumɔ babaoo ni asafo lɛ baatsu yɛ Kaimɔ be lɛ mli lɛ mli.
Lala 53 kɛ naagbee sɔlemɔ.
Otsi ni Jeɔ Shishi March 24
Lala 48
10 min: Asafoŋ adafitswai. Okɛ gbɛtsɔɔmɔi ni akɛha yɛ baafa 8 lɛ atsu nii koni akɛfee bɔ ni abaafee ni akɛ April 1 Buu-Mɔɔ kɛ April 8 Awake! lɛ aha lɛ he nɔkwɛmɔnɔ.
15 min: “Ani Obaanyɛ Okɛ Oshia Aha?” Wiemɔ ni woloŋ nikasemɔ nɔkwɛlɔ ko baaha. Okɛ saji ni yɔɔ Sanebimɔhe ni je kpo yɛ April 2001 kɛ March 1990 Wɔ Maŋtsɛyeli Sɔɔmɔ srɔtoi lɛ amli lɛ afata he. Tsɔɔmɔ woloŋ nikasemɔ kui abɔ ni yɔɔ asafo lɛ mli kɛ mɛi ni baa kpeei kɛji aja mli. Ha shiɛlɔ kome loo shiɛlɔi enyɔ agba sɛɛnamɔ ni amɛkɛ amɛwekui lɛ ená kɛjɛ woloŋ nikasemɔ ni afeɔ yɛ amɛshiai amli lɛ mli lɛ amɛtsɔɔ. Esa akɛ mɛi fɛɛ ni baasumɔ ni amɛkɛ amɛshia aha lɛ akɛɛ onukpai asɛinɔtalɔ lɛ.
20 min: Yehowa Odasefoi—Gbɔmɛi ni Náa Mɛi Anɔ Hewalɛ Kpakpa yɛ Akutso lɛ Mli. Wiemɔ kɛ toibolɔi ni akɛaagba sane. Bei komɛi lɛ wɔnáa hegbɛ koni wɔkɛtsɔɔ bɔ ni wɔshiɛmɔ nitsumɔ lɛ kɛ nɔkwɛmɔnɔ lɛ he baa sɛɛnamɔ kɛhaa akutsoŋbii lɛ. Ha toibolɔi awie saji otii ni nyiɛ sɛɛ nɛɛ ahe: (1) Wɔtsɔɔ mɛi anii koni amɛhi shi yɛ jeŋba kpakpa he tɛi ni afolɔ ashwie shi yɛ Biblia lɛ mli lɛ naa. (2) Wɔtsɔɔ mɛi anɔkwayeli kɛ bulɛ kɛha nɔyeli hegbɛ. (3) Wɔtsɔɔ gbɔmɛi ni jɛ hewolonɔ sui srɔtoi amli, maji srɔtoi amli, kɛ kwasafoŋ shihilɛ kui srɔtoi amli lɛ nii koni amɛhi shi yɛ ekomefeemɔ mli. (4) Wɔyeɔ wɔbuaa mɛi krokomɛi koni amɛweku shihilɛ aya hiɛ kɛtsɔ hewalɛ ni wɔwoɔ amɛ koni amɛhi shi yɛ Biblia shishitoo mlai anaa lɛ nɔ. (5) Wɔtsɔɔ mɛi akpei abɔ bɔ ni akaneɔ nii ni aŋmaa nii. (6) Wɔkɛ wɔhe haa koni wɔye wɔbua mɛi krokomɛi yɛ oshara bei amli. (7) Wɔná gbɛfaŋnɔ titri yɛ jamɔŋ heyelii ni mɛi fɛɛ náa mli ŋɔɔmɔ lɛ mli.—Kwɛmɔ Proclaimers wolo lɛ baafa 699.
Lala 121 kɛ naagbee sɔlemɔ.
Otsi ni Jeɔ Shishi March 31
Lala 130
12 min: Asafoŋ adafitswai. Kaimɔ shiɛlɔi fɛɛ koni amɛkɛ shiɛmɔyaa he akɔntaabui kɛha March aha. Tsɔɔmɔ wolo ni akɛbaaha yɛ April mli. Tĩi “Okɛ Já Nyɔŋmɔ Wolo lɛ Atsu Nii ni Okɛfee Biblia Mli Nikasemɔi” lɛ mli. Asusu saji otii ni yɔɔ “Kaimɔ lɛ Yeli He Kaimɔi” lɛ mli lɛ he.
13 min: Asafoŋ niiashikpamɔi. Ha asafoŋbii lɛ agba niiashikpamɔi ni amɛná mli ŋɔɔmɔ yɛ nitsumɔ babaoo ni atsu yɛ March mli lɛ amɛtsɔɔ. Jiemɔ amɛyi yɛ mɔdɛŋ ni amɛbɔɔ lɛ he, ni owo amɛ fɛɛ hewalɛ koni amɛfee babaoo yɛ April mli yɛ bɔ ni amɛshihilɛi baaŋmɛ amɛ gbɛ lɛ naa.
20 min: “Yehowa Sa Yijiemɔ Babaoo.” Maa bɔ ni Kaimɔ lɛ he hiaa hã lɛ nɔ mi. Tsɔɔmɔ bɔ ni wɔ fɛɛ wɔbaanyɛ wɔye wɔbua mɛi krokomɛi koni amɛba Kaimɔ lɛ. Tsɔɔmɔ nɔ ni abaanyɛ afee ni nine ashɛ mɛi ni ekpa shiɛmɔyaa lɛ anɔ koni atee amɛmiishɛɛ lɛ shi ekoŋŋ. Ha toibolɔi agba niiashikpamɔi ni woɔ mɔ hewalɛ ni amɛná yɛ nyɛsɛɛ afi lɛ Kaimɔ lɛ shishi lɛ amɛtsɔɔ.
Lala 173 kɛ naagbee sɔlemɔ.
Otsi ni Jeɔ Shishi April 7
Lala 191
10 min: Asafoŋ adafitswai.
15 min: Bɔ ni Aaasusu Saji Ahe Kɛjɛ Ŋmalɛi lɛ Amli. Toibolɔi ni akɛaagba sane. Te wɔɔfee tɛŋŋ wɔná nyɛmɔ ni wɔkɛ mɛi asusu saji ahe jogbaŋŋ ni emɔ shi yɛ shiɛmɔ nitsumɔ lɛ mli? (1) Ná Ŋmalɛi lɛ ahe nilee ni ja kɛtsɔ teemɔŋ nikasemɔ ni obaafee daa kɛ kpeei ni obaaya daa lɛ nɔ. (2) Jwɛŋmɔ nɔ ni okaseɔ lɛ nɔ, ni opɛi anɔkwalei lɛ amli kɛjɛ hei srɔtoi. (3) Kaatao ŋmalɛi amlitsɔɔmɔi ni akɛha lɛ pɛ kɛkɛ, shi moŋ taomɔ Ŋmalɛ naa yiŋtoi kɛha mlitsɔɔmɔi nɛɛ hu. (4) Susumɔ gbɛ nɔ ni obaatsɔ otsɔɔ ŋmalɛi lɛ amli oha mɛi srɔtoi fɛɛ. (5) Susumɔ gbɛ nɔ ni obaanyɛ otsɔ ofee otii pɔtɛɛi komɛi ahe nɔkwɛmɔnɔ.
20 min: “Bɔ ni Anɔkwale lɛ Haa Wɔyeɔ Wɔhe.” Okɛ saji ni yɔɔ adeka ni je kpo yɛ October 1, 1998 Buu-Mɔɔ lɛ baafa 6 lɛ afata he. Ha toibolɔi agba bɔ ni anɔkwalei ni yɔɔ Nyɔŋmɔ Wiemɔ lɛ mli lɛ eha amɛye amɛhe amɛha.
Lala 217 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.