Adafitswai
◼ Wolo ni akɛbaaha yɛ January: Abaanyɛ akɛ woji ni hiɛ baafai 192 ni akala yɛ wolo ni hiɛ tsuɔ nɔ, loo wolo fɛɛ wolo ni afee dani afi 1991 shɛ lɛ aha. Asafoi ni bɛ woji ni tamɔ nakai lɛ baanyɛ amɛkɛ Nilee wolo lɛ (kɛ́ eko yɛ) loo Nyɛyaa nɔ Nyɛshia Kpe! wolo lɛ aha. February: Akɛ Is There a Creator Who Cares About You? wolo lɛ loo Nɔ Diɛŋtsɛ ni Kɛ Weku Miishɛɛ Baa wolo lɛ aha. March: Mɛni Biblia lɛ Tsɔɔ Diɛŋtsɛ? Bɔɔ mɔdɛŋ ni oje Biblia mli nikasemɔi ashishi. April kɛ May: Buu-Mɔɔ kɛ Awake! woji tɛtrɛbii lɛ. Abaabɔ mɔdɛŋ waa ni ayasara mɛi heei ni yɔɔ wiemɔ lɛ he miishɛɛ ni ba Kaimɔ lɛ kɛ maŋshiɛmɔ krɛdɛɛ lɛ shishi, shi amɛkɛ asafo lɛ ebɔɔɔ daa lɛ. Yiŋtoo ni yɔɔ saramɔ nɛɛ sɛɛ ji ní akɛ mɛi ni akɛ amɛ bɔiko nikasemɔ lɛ aje shĩa Biblia mli nikasemɔ shishi.
◼ Akɛni otsii anaagbee enumɔ yɔɔ March mli hewɔ lɛ, ebaafee nyɔɔŋ ni sa jogbaŋŋ akɛ aaatsu gbɛgbalɔi awamɔ nitsumɔ lɛ.
◼ Kɛjɛ March kɛyaa lɛ, maŋshiɛmɔ hee ni kpokpaa nɔkwɛlɔi baaha lɛ yitso ji “Nɛgbɛ Abaanyɛ Aná Yelikɛbuamɔ Kɛjɛ yɛ Haomɔ Beiaŋ?”
◼ Esa akɛ asafoi ato gbɛjianɔ ni sa koni amɛye afi nɛɛ Kaimɔ lɛ Hɔɔ, March 22, beni hulu enyɔ shi sɛɛ. Eyɛ mli akɛ abaanyɛ aje wiemɔ lɛ shishi mra moŋ, shi esaaa ákɛ akɛ okadi nibii lɛ haa, ja hulu enyɔ shi dã. Esa akɛ asafo fɛɛ asafo abɔ mɔdɛŋ ni eto lɛ diɛŋtsɛ egbɛjianɔ kɛha Kaimɔ lɛ yeli. Shi bei pii lɛ, ekolɛ enɛ nyɛŋ aba lɛ nakai. Yɛ hei ni asafoi babaoo kpeɔ yɛ Maŋtsɛyeli Asa kome nɔ lɛ, ekolɛ asafo kome loo nɔ ni fe nakai baanyɛ atao he kroko kɛha Kaimɔ lɛ yeli. Kɛ́ eeehi lɛ, wɔmiiwo ŋaa akɛ aha kɛ́ hooo lɛ minitii 40 aho dani asafo ni baafee amɛnɔ̃ kɛnyiɛ sɛɛ lɛ aje amɛgbɛjianɔtoo lɛ shishi, koni mɛi fɛɛ anyɛ amɛkɛ amɛhe agba sane jogbaŋŋ yɛ Kaimɔ lɛ sɛɛ. Esa akɛ ato tsɔji amaamɔhei kɛ hei ni tsɔji jieɔ mɛi loo mɛi kwɔɔ tsɔji yɛ lɛ ahe gbɛjianɔ jogbaŋŋ koni ekɛ naagba akaba. Esa akɛ onukpai akuu lɛ akwɛ gbɛjianɔ ni kɛ́ amɛto lɛ ebaahi jogbaŋŋ kɛha amɛ yɛ he ni amɛyɔɔ lɛ.
◼ Kɛ́ asafoi komɛi yɛ kui ni etse amɛhe banee loo kui ni wieɔ mumui awiemɔ lɛ, no lɛ aawo onukpai lɛ hewalɛ ni amɛto gbɛjianɔ kroko kɛha Kaimɔ lɛ yeli amɛha nakai shikpɔŋkuku lɛ mli bii lɛ. Kɛ́ nyɛmimɛi hii ni sa yɛ ni baanyɛ akwɛ gbɛjianɔtoo lɛ nɔ lɛ, no lɛ ehe ehiaaa ni kui nɛɛ fɛɛ fãa gbɛ kɛbafataa asafo lɛ he yɛ hekome. Gbɛjianɔ ni ato aha kui ni etse amɛhe banee loo kui ni wieɔ mumui awiemɔ nɛɛ baaha efee mlɛo aha mɛi babaoo akɛ amɛaaya Kaimɔ lɛ. Shi kɛlɛ, esa akɛ asafo lɛ kɛ akɔntaabuu kome pɛ amaje. Sɔɔmɔ ajinafoi akuu lɛ baanyɛ amɛkɛ niiashikpamɔi komɛi ni yɔɔ miishɛɛ ni kɔɔ Kaimɔ lɛ he lɛ amaje.
◼ Esa akɛ asafoŋ woloŋmalɔi lɛ akwɛ akɛ amɛyɛ daa gbɛgbalɔi ni yɔɔ amɛsafoi lɛ amli lɛ ateŋ mɔ fɛɛ mɔ pioneer appointment letter (S-202) lɛ eko lo. Kɛ́ amɛnine shɛko mɔ ko nɔ̃ nɔ lɛ, amɛŋma nitsumɔhe nine lɛ kɛwó amɛtoi nɔ.
◼ Kɛ́ oobi ni aha okɛ ohe awo daa gbɛgbamɔ nitsumɔ lɛ mli lɛ, bɔɔ mɔdɛŋ akɛ okɛ gbɛbimɔ wolo hee ni be ni akɛŋma ji S-205 5/06 lɛ aaatsu nii. Esa akɛ Asafoŋ Sɔɔmɔ Ajinafoi Akuu lɛ akwɛ akɛ aha sanebimɔi fɛɛ ni yɔɔ wolo lɛ nɔ lɛ ahetoo lo. Kɛ́ mɛi ni miisumɔ ni amɛtsu daa gbɛgbamɔ nitsumɔ lɛ nyɛɛɛ akai be pɔtɛɛ ni abaptisi amɛ lɛ, esa akɛ amɛka amɛhiɛ amɛtsɔɔ be ko, ní amɛŋma nakai be lɛ amɛfɔ̃ shi. Esa akɛ woloŋmalɔ lɛ aŋma nakai be lɛ yɛ Congregation’s Publisher Record (S-21) wolo lɛ nɔ.
◼ Wɔyɛ he miishɛɛ akɛ wɔɔhere kui ni miisumɔ ni amɛbashara shi yɛ nitsumɔhe nine lɛ atuu. Bɔ ni ato be kɛha shisharamɔ lɛ he gbɛjianɔ ji nɔ ni nyiɛ sɛɛ nɛɛ: Ju kɛyashi Sohaa, leebi 9:30, kɛ leebi 10:30, shwane 1:30 kɛ shwane 3:00; Hɔɔ leebi 9:00 kɛ 10:30. Aajie yi akɛ kɛ́ ebaahi lɛ, nyɛto nyɛsaramɔ lɛ he gbɛjianɔ yɛ otsi lɛ mli, kɛjɛ Ju kɛyashi Sohaa, beni nitsumɔhei lɛ fɛɛ miitsu nii lɛ. Ehe miihia ni kuu ni mli bii lɛ ayi fa kɛjɛ 20 kɛyaa, ni miisumɔ ni amɛbasara nitsumɔhe nine lɛ aŋma wolo kɛbi gbɛ kɛtsɔ adrɛs nɛɛ nɔ dã: Bethel Office, Christian Congregation of Jehovah’s Witnesses, P. O. Box GP 760, Accra. Nyɛfainɛ nyɛtsɔa mɛi ayibɔ ni baa, gbi, kɛ ŋmɛlɛtswaa nɔ ni nyɛbaaba lɛ yɛ wolo ni nyɛbaaŋma lɛ mli. Shi nyɛkakpaa gbɛ akɛ abaaha nyɛ hetoo dani nyɛba. Dani nyɛbaaba lɛ, nyɛfainɛ nyɛkwɛa June 2002 Wɔ Maŋtsɛyeli Sɔɔmɔ lɛ Sanebimɔ He lɛ kɛ Ato Wɔhe Gbɛjianɔ Koni Wɔfee Yehowa Suɔmɔnaa Nii wolo lɛ baafa 138 lɛ ni kɔɔ hesaamɔ kɛ atade ni sa ni esa akɛ awo beni ayasaraa Betel shĩai lɛ he lɛ mli.
◼ Kɛjɛ August 4, 2008 otsi lɛ kɛyaa lɛ, asafoi fɛɛ ni wieɔ Blɔfo lɛ baakase Live With Jehovah’s Day in Mind wolo lɛ yɛ Asafo Woloŋ Nikasemɔhe lɛ. Akɛni wolo nɛɛ bɛ wiemɔi krokomɛi ni awieɔ yɛ Ghana lɛ amli hewɔ lɛ, asafoi fɛɛ ni wieɔ wiemɔ kroko ni jeee blɔfo lɛ baakase Nɔ Diɛŋtsɛ ni Kɛ Weku Miishɛɛ Baa wolo lɛ.