Adafitswai

◼ Wolo ni akɛbaaha yɛ June: Mɛni Biblia lɛ Tsɔɔ Diɛŋtsɛ? Kɛ́ shiatsɛmɛi lɛ yɛ wolo lɛ eko momo lɛ, shiɛlɔi baanyɛ amɛkɛ woji fɛɛ ni hiɛ baafai 192 ni akala dani 1992 shɛ, ni nyɛyɔɔ eko lɛ aha. July kɛ August: Nyɛkɛ woji bibii ni hiɛ baafai 32 ni sa ni nyɛyɔɔ eko lɛ aha. September: Nyɛkɛ Mɛni Biblia lɛ Tsɔɔ Diɛŋtsɛ? wolo lɛ ahaa.

◼ Be fɛɛ be ni obaafã gbɛ, ni oosumɔ ni oyasara maŋ ko ni aŋmako egbɛi afatako maji ni yɔɔ sɔɔmɔ afi akɔntaabuu lɛ shishi lɛ he, loo aŋmako egbɛi yɛ Yearbook ni je kpo nyɛsɛɛ nɛɛ naagbee baafa lɛ, no lɛ ofainɛ ni obi nitsumɔhe nine ni yɔɔ maŋ ni ojɛ mli lɛ ŋaawoo loo gbɛtsɔɔmɔi pɔtɛɛ ni esa akɛ okɛtsu nii. Ebaanyɛ eba ákɛ akɛ naatsĩi komɛi efɔ̃ Maŋtsɛyeli nitsumɔ lɛ nɔ yɛ nakai maŋ lɛ mli. (Mat. 10:16) Yɛ maji komɛi anɔ lɛ, ekolɛ ebahiŋ akɛ gbɔi aaatao Odasefoi loo asafoi ni yɔɔ nakai maŋ lɛ mli lɛ sɛɛgbɛ. Abaanyɛ akɛ gbɛtsɔɔmɔ kroko ni kɔɔ trukaa odaseyeli loo kɛji esa akɛ okɛ wɔwoji aya lɛ he lɛ aha bo. Kɛ́ okɛ gbɛtsɔɔmɔ ni akɛbaaha bo lɛ tsu nii lɛ, ebaaye abua koni bo loo Maŋtsɛyeli nitsumɔ lɛ he akaba sane fɔŋ ko.—1 Kor. 14:33, 40.