‘Nyiɛmɔ yɛ Hemɔkɛyeli Naa, Shi Jeee Ninamɔ Naa’

Be ni eshwɛ fioo ni abaawo Yerusalem he ka ni akpata ehiɛ kwraa lɛ, bɔfo Paulo ŋma akɛ esa akɛ Kristofoi, ni ji Kristo asraafoi kpakpai lɛ, akpa gbɛ akɛ shihilɛ lɛ mli baawa, no hewɔ lɛ esaaa akɛ amɛsusuɔ akɛ amɛbaaná ogbɔjɔ shihilɛ. (2 Tim. 2:3, 4) Akɛni eshwɛ fioo ni jeŋ fɔŋ nɛɛ baaba naagbee hewɔ lɛ, esa akɛ wɔhemɔkɛyeli lɛ mli awa koni wɔnyɛ wɔjwɛŋ mumɔŋ nibii anɔ be fɛɛ be. (2 Kor. 4:18; 5:7) Kwɛmɔ vidio ni ji, ‘Nyiɛmɔ yɛ Hemɔkɛyeli Naa, Shi Jeee Ninamɔ Naa.’ (Yaa jw.org/gaa, ni okwɛ fã ni ji WOJI KƐ NIBII > VIDIOI.) Kadimɔ bɔ ni heloonaa nibii asɛɛ ni Naham kɛ Abital yatiu lɛ fee kaa ni yɔɔ oshara waa kɛhã amɛ. No sɛɛ lɛ, taomɔ sanebimɔi ni nyiɛ sɛɛ nɛɛ ahetoo.

(1) Mɛni ji ‘nihiinii ni damɔ he krɔŋkrɔŋ ko’ yɛ klɛŋklɛŋ afi 100 lɛ mli lɛ, ni mɛni ehe bahia ni Kristofoi ni yɔɔ Yerusalem lɛ kɛ oyaiyeli afee? (Mat. 24:15, 16) (2) Mɛni hewɔ ja mɔ ko yɛ hemɔkɛyeli dani ebaanyɛ ejo fioo kɛshi maŋ lɛ mli lɛ? (3) Mɛɛ nibii ehe bahia ni akɛshã afɔle dani ashi? (4) Mɛni hewɔ Naham kɛ Abital sɛɛ gbala shi lɛ? (Mat. 24:17, 18) (5) Be ni Rahel shiɔ Yerusalem lɛ, mɛɛ shihilɛ kroko ekɛkpe ni ka ehemɔkɛyeli lɛ? (Mat. 10:34-37; Mar. 10:29, 30) (6) Mɛni wɔbaanyɛ wɔkase kɛjɛ bɔ ni Etan kɛ ehiɛ fɔ̃ Yehowa nɔ, ni ená hemɔkɛyeli hu yɛ emli lɛ mli? (7) Mɛɛ shihilɛi ni jaraa Kristofoi lɛ kɛkpe yɛ Pela? (8) Mɛɛ gbɛ nɔ Naham kɛ Abital hemɔkɛyeli lɛ mli gbɔjɔ fiofio? (9) Mɛɛ gbɛ nɔ Yehowa tsɔ ekwɛ Kristofoi ni yɔɔ Pela lɛ? (Mat. 6:33; 1 Tim. 6:6-8) (10) Mɛɛ gbɛ nɔ wɔbaanyɛ wɔkase Abraham kɛ Sara be ni shihilɛ gbɛjianɔtoo nɛɛ naagbee lɛ bɛŋkɛɔ lɛ? (Heb. 11:8-10) (11) Mɛni hã Naham kɛ Abital kpɛ mli akɛ amɛbaaku amɛsɛɛ kɛya Yerusalem lɛ, ni mɛni hewɔ nɔ ni amɛfee lɛ ejaaa lɛ? (Luka 21:21) (12) Be ni Naham kɛ Abital ku amɛsɛɛ kɛtee Yerusalem lɛ, no mli lɛ te shihilɛ lɛ yɔɔ tɛŋŋ? (13) Mɛni hewɔ esa akɛ wɔhã wɔhemɔkɛyeli lɛ mli awa bianɛ​—dani shihilɛ gbɛjianɔtoo nɛɛ naagbee lɛ aba lɛ?​—Luka 17:31, 32; 21:34-36.

Hemɔkɛyeli naa ni wɔɔnyiɛ yɛ lɛ tsɔɔ akɛ, (1) wɔkɛ wɔhiɛ baafɔ̃ Yehowa gbɛtsɔɔmɔ nɔ, (2) wɔbaahi shi yɛ egbɛtsɔɔmɔi lɛ anaa, kɛ (3) wɔkɛ mumɔŋ nibii baaye klɛŋklɛŋ gbɛhe yɛ wɔshihilɛ mli. Nyɛhãa wɔtswaa wɔfai shi akɛ wɔbaaya nɔ wɔnyiɛ yɛ hemɔkɛyeli naa, ni wɔná nɔmimaa akɛ “je lɛ kɛ nɔ fɛɛ nɔ ni yɔɔ mli ni mɛi shweɔ lɛ miiho kɛmiiya, shi mɔ ni feɔ Nyɔŋmɔ suɔmɔnaa nii lɛ baahi shi kɛya naanɔ.”​—1 Yohane 2:17.