Nibii Ni Baaye Abua Bo Koni Onyɛ Okane Biblia Lɛ Daa

Anɔkwa, wɔteŋ mɔ fɛɛ mɔ yɛ nibii pii feemɔ yɛ gbi lɛ mli, ni no hewɔ lɛ, ebaanyɛ ewa kɛhã wɔ akɛ wɔbaakane Biblia lɛ daa gbi. Ani nakai eji yɛ ogbɛfaŋ? (Yos. 1:8) Kɛ́ nakai ni lɛ, kaa nibii ni nyiɛ sɛɛ nɛɛ ateŋ eko okwɛ:

• Sɛɛtimɔ alarm. Sɛɛtimɔ alarm yɛ ofoŋ loo tablɛti lɛ nɔ koni ekai bo daa ni okane Biblia lɛ.

• Okɛ o-Biblia lɛ afɔ̃ he ko ni obaana. Kɛ́ ohiɛ Biblia ni aprinti lɛ eko lɛ, okɛfɔ̃ he ko ni ewaaa akɛ daa nɛɛ ohiŋmɛi baagba nɔ.—5 Mo. 11:18.

• Bo nɔ ni arikɔdi lɛ toi. Ekolɛ oyɛ nibii komɛi ni ofeɔ daa gbi. Kɛ́ nakai ni lɛ, obaanyɛ obo Biblia ni arikɔdi lɛ eko toi be ni ofeɔ nibii nɛɛ. Nyɛmi yoo gbɛgbalɔ ko ni atsɛɔ lɛ Tara, ni eji fɔlɔ, ni etsuɔ nii gbɛkɛgbɛkɛ hu lɛ wie akɛ, “Kɛ́ miifee shĩa nii lɛ, miboɔ Biblia ni arikɔdi lɛ toi, ni no yeɔ ebuaa mi ni mifolɔɔɔ mi-Biblia kanemɔ lɛ mli.”

• Kaatsi oto kɔkɔɔkɔ. Kɛ́ yiŋtoo ko hewɔ lɛ, onyɛɛɛ okane Biblia lɛ yɛ be ni oto lɛ mli lɛ, miamɔ ohiɛ waa koni kɛhooo kwraa lɛ, okane kukuji fioo komɛi dani owɔ. Nɔ hewɔ lɛ ji, kɛ́ daa gbi lɛ, kukuji fioo pɛ onyɛɔ okaneɔ po lɛ, obaaná he sɛɛ.—1 Pet. 2:2.