17, 18. Paradeiso yɛ shihilɛ mli bianɛ yɛ mɛɛ shishinumɔ naa, ni te enɛ esa wɔhe eha tɛŋŋ?

¹⁷ No hewɔ lɛ, wɔbaanyɛ wɔkwɛ Yesaia 35, yɛ be mli ni kuku 1 kɛyashi 8 mlibaa amrɔ nɛɛ yɔɔ wɔjwɛŋmɔ mli lɛ. Ani ebɛ faŋŋ akɛ wɔna nɔ ni atsɛɔ lɛ mumɔŋ paradeiso lɛ yɛ gbɛ ni ja nɔ? Dabi, eyeko emuu—be lɛ shɛko. Shi eji paradeiso kɛ̃, ejaakɛ, taakɛ kuku 2 tsĩ tã lɛ, amrɔ nɛɛ ‘wɔnaa Yehowa anunyam lɛ kɛ wɔ-Nyɔŋmɔ lɛ wulamɔ lɛ’ yɛ mli. Ni mɛni ejɛ mli eba? Kuku 10 kɛɔ akɛ: “Mɛi ni Yehowa ekpɔ̃ amɛ lɛ aaaku amɛsɛɛ kɛaaba ekoŋŋ, ni amɛaaba Zion kɛ nyamɔ lala; naanɔ miishɛɛ aaahi amɛyiteaŋ, amɛnine aaashɛ mlifilimɔ kɛ miishɛɛ nɔ, ni awerɛho kɛ ŋtsɔidɔɔmɔ aaajo foi.” Yɛ anɔkwale mli lɛ, apasa jamɔ ni wɔjo foi kɛjɛ mli lɛ kɛ anɔkwa jamɔ ni wɔdiɔ sɛɛ yɛ Nyɔŋmɔ duromɔ shishi lɛ haa wɔnaa miishɛɛ.

24. Mɛni hewɔ obaanyɛ ni okɛ wiemɔ ni yɔɔ Yesaia 35:10 lɛ akpa gbee lɛ?

²⁴ Yesaia maa nɔ mi kɛhaa wɔ akɛ: “Mɛi ni Yehowa ekpɔ̃ amɛ lɛ aaaku amɛsɛɛ kɛaaba ekoŋŋ, ni amɛaaba Zion kɛ nyamɔ lala; naanɔ miishɛɛ aaahi amɛyiteaŋ.” No hewɔ lɛ, wɔbaanyɛ wɔkpɛlɛ nɔ akɛ wɔyɛ yiŋtoo kpakpa ni wɔɔdamɔ nɔ wɔbolɔ kɛ miishɛɛ. Miishɛɛ yɛ nɔ ni Yehowa feɔ ehaa ewebii amrɔ nɛɛ yɛ wɔ mumɔŋ paradeiso lɛ mli, kɛ miishɛɛ hu yɛ nɔ ni wɔbaanyɛ wɔkpa gbɛ yɛ Paradeiso diɛŋtsɛ ni ebɛŋkɛ kpaakpa lɛ mli. Yesaia ŋma yɛ mɛi ni yɔɔ miishɛɛ lɛ ahe—yɛ wɔhe—akɛ: “Amɛnine aaashɛ mlifilimɔ kɛ miishɛɛ nɔ, ni awerɛho kɛ ŋtsɔidɔɔmɔ aaajo foi.”—Yesaia 35:10.