Kpokpaa Wulu nɔ kpee he Kaimɔi
● GBƐFAA HE WOJI: Kwɛmɔ koni ona o-passport ni be hoko, aloo ni akɛ bo afata gbɛjianɔtoo ni akɛfeɔ passport kutuu lɛ he. Esa akɛ wolo ni tsɔɔ akɛ agbu bo cholera kɛ yellowfever lɛ hu be hoko. Nyɛfainɛ nyɛkashia nɛkɛ woji nɛɛ ni nyɛhiɛɛɛ. Yɛ Cote d’lvoire lɛ, kwɛmɔ koni ohiɛ ogbɛfaa woji lɛ fɛɛ be fɛɛ be ni oooje kpo kɛya he ko lɛ.
● SHIKA HE SAJI: Esa akɛ ohe maŋsɛɛ shika ni he baahia bo lɛ fɛɛ yɛ hei ni atsakea maŋsɛɛ shika yɛ lɛ. Ohiɛ akakpa nɔ ni ohe wolo ɛ nɔ. Abaabi ni okɛ shika lɛ nɔ wolo lɛ atsɔɔ yɛ husu loo order lɛ naa kɛ okɛ oshika lɛ tsɔɔ. Yɛ mɛi ni baaya Nigeria lɛ agbɛfaŋ lɛ, nyɛfainɛ nyɛkaia akɛ mla eŋmɛɛɛ gbɛ ni mɔ ko ahiɛ Nigeria shika ni fa fe 10 naira kɛbote maŋ lɛ mli. Nɔ ni esa akɛ ofee ji ni ohiɛ CFA franes loo pound sterling, ni obaanyɛ otsake kɛya naira mli kɛ otsɔ husu loo border lɛ mli nɔŋŋ kɛjɛ Benin kɛtee Nigeria lɛ. Nyɛfainɛ nyɛbia he ni atsakeɔ yɛ lɛ yɛ tekititsɛmɔ he lɛ yɛ bɔs shidaamɔ he lɛ. Kɛ jeee yiŋtoo krɛdɛɛ ko hewɔ ni obaaya Lagos lɛ, no lɛ wɔmiiwo ŋaa akɛ kɛ ojɛ husu lɛ naa yɛ Seme lɛ, obaanyɛ otsɔ ldi-Oroko kɛya Otta he ni afeɔ kpee lɛ yɛ lɛ tɛɛ. Gbɛ nɛɛ yɛ kuku, ni tsɔne nyɔmɔwoo hu faa ni eyɛ tɛɛ hu.
● WƆƆHE HE SAJI: Kɛji obi ni Asafo lɛ ato tsu he gbɛjianɔ aha bo lɛ, no lɛ kɛ oshɛ maŋ ni afeɔ kpee lɛ yɛ mli lɛ mli lɛ. ofainɛ yaa mɛi ni toɔ wɔɔhe he gbɛjianɔ lɛ aŋɔɔ yɛ kpee lɛ shishi. Amɛbaatsɔɔ bo he ni obaawɔ. Wɔnine shɛko amaniɛbɔɔ ni kɔɔ he ni abaafee kpee lɛ yɛ yɛ Cotonou lɛ he Iɛ nɔ. Abaafee Cote d’lvoire kpee lɛ yɛ Terrain d’assemblée des Témoins de Jéhovah, Quartier PRODOMO, Koumassi, Abidjan. Taakɛ atsɔ hiɛ atswa nyɛ adafi momo lɛ. esa akɛ nyɛkɛ nibii ni akɛwɔɔ ni sa aya, kɛ papam, samla, kɛ nibii krokomɛi ni akɛsaa he. Wɔmiijie yi akɛ nyɛto gbɛjianɔ ni nyɛfi kpee lɛ shishi niyenii he gbɛjianɔtoo lɛ sɛɛ kwraa, moŋ fe ni nyɛaahiɛ klopɔt kɛ nihoomɔ tsɛŋsii kɛfo husui lɛ kɛya.
● BAPTISIMƆ: Esa akɛ mɛi ni abaabaptisi amɛ lɛ fɛɛ abɔ mɔdɛŋ ni amɛtara amɛsɛii amli yɛ he ni abaatsɔɔ amɛ lɛ dani wiemɔ lɛ aje shishi yɛ Hɔɔ leebi. Esa akɛ mɛi fɛɛ ni toɔ gbɛjianɔ ni abaptisi amɛ lɛ kɛ atadei ni sa ni akɛbaabote nu mli kɛ papam aba. Kɛ wielɔ lɛ ha wiemɔ lɛ egbe naa ni asɔle lɛ, nyɛminuu ni kwɛɔ leebi kpee lɛ nɔ lɛ kɛ gbɛtsɔɔmɔi hoo ko baaha mɛi ni abaabaptisi amɛ lɛ ni no sɛɛ lɛ ebaatse lala ni abaala. Kɛ aje naagbee kuku lɛ lamɔ shishi lɛ, nyɛmimɛi ni kwɛɔ shitaramɔ nɔ lɛ baatsɔɔ mɛi ni abaabaptisi amɛ lɛ agbɛ kɛya he ni abaamii amɛ nu yɛ lɛ loo tsɔji m kɛ amɛ baaya jɛmɛ lɛ ahe, yɛ be mli ni toibolɔi ni eshwɛ lɛ yaa nɔ amɛlaa lala lɛ kɛgbeɔ naa lɛ. Akɛni baptisimɔ ni feɔ mɔ ko henɔjɔɔmɔ he Okadi lɛ ji teemɔŋ sane ko ni ka mɔ lɛ diɛŋtsɛ pɛ kɛ Yehowa teŋ hewɔ lɛ, atoko gbɛjianɔ ko ahako nɔ ni afɔɔ lɛ tsɛmɔ akɛ hefatalɔi abaptisimɔ ni mɛi enyɔ loo mɛi ni fa fe nakai fuaa amɛhe loo amɛhiɛo amɛniji amli yɛ be mli ni abaptisiɔ amɛ lɛ.
● VOLUNTEER LOO KPEE SHISHI NITSUMƆ: Mɛi ni kɛ amɛhe baaha kɛha nitsumɔ he miihia bɔni afee ni kpokpaa wulu nɔ kpee lɛ anyɛ aya nɔ pɛpɛɛpɛ. Kɛji be ni afeɔ kpee lɛ miihe fioo ko pɛ obaanyɛ okɛtsu nii lɛ, wɔhiɛ baasɔ nii ni obaatsu lɛ waa diɛŋtsɛ. Kɛji obaanyɛ oye Obua lɛ, no lɛ ofainɛ yaa Volunteer Service Department loo mɛi ni kwɛɔ mɛi ni baatsu nii lɛ anɔ lɛ aŋɔɔ yɛ kpee lɛ shishi. Gbekɛbii ni yeko afii 16 lɛ hu baanyɛ aye abua ni kpee lɛ aye omanye, shi aabi ni amɛkɛ amɛfɔlɔi aloo onukpai krokomɛi ni baakwɛ amɛnɔ lɛ atsu nii.
● LAPEL TSITSINAA-TSƐƐNII: Wɔmiito gbɛjianɔ ni akɛ lapel tsitsinaa-tsɛɛnii aya kpokpai wuji anɔ kpeei lɛ ashishi, kpeei nɛɛ ashishi pɛ wɔbaafee enɛ yɛ, akɛni akɛ lapel woji nɛɛ eyaa kpeei ashishi lɛ hewɔ. Abaatsɔɔ nyɛ asafo lɛ kpee he gbɛjianɔtolɔ lɛ loo onukpa kroko gbɛ kɛya he ni ahɔɔ woji yɛ lɛ koni eyahe eko eha kuu ni jɛ nyɛ asafo lɛ mli lɛ ni ebaawo nyɔmɔ. Akɛ plastic ni akɛhɔɔ mli lɛ eko baŋ kpee lɛ shishi, no hewalɛ nyɛfainɛ nyɛkaia ni nyɛkɔlɔa nyɛnɔ memeji lɛ kɛyaa kpee lɛ.
● ŊAAWOO WIEMƆ KO NƐ: Kɛji okɛ bo diɛŋtsɛ otsɔne tee kpee lɛ shishi lɛ, esa akɛ oŋmɛ mli be fee be yɛ he fɛɛ he ni okɛbaama lɛ, ni esaaa ni oshiɔ nɔ ko kɔkɔɔkɔ yɛ mli ni aana. Kɛ ebaahi lɛ, okɛ onibii lɛ awo otsɔne lɛ sɛɛ ni oŋmɛ mli. Agbɛnɛ hu, kwɛmɔ ohe nɔ jogbaŋŋ yɛ julɔi kɛ mɛi ni sharaa nii kɛjɛɔ mɛi akotokui amli, ni amɛsumɔɔ henaabuamɔi ni tamɔ nɛkɛ lɛ ahe. Enɛ hu biɔ ni wɔkashi nɔ ko ni jara wa yɛ sɛii lɛ anɔ ni mɔ ko kwɛɛɛ nɔ yɛ kpeei lɛ ashishi loo yɛ bɔs lɛ mli. Nyɛfainɛ nyɛkwɛa nyɛhe nɔ jogbaŋŋ
Abɔ amaniɛ akɛ gbɔi atoohei lɛ ekomɛi jieɔ televishin nɔ sinii ni maa jeŋba shara nɔ mi kɛ hii kɛ yei ni ejie amɛhe efoji lɛ amɛtsɔɔ. Enɛ maa bɔ ni ehe hiaa ni akwɛ ni atsi gbekɛbii a-TV kwɛmɔ ni ekwɛɛɛ amɛnɔ lɛ naa yɛ nɛkɛ wɔɔhei nɛɛ nɔ mi.