Sɔɔmɔ Kpee He Gbɛjianɔtoo
Kadimɔ: Abaato Sɔɔmɔ Kpee he gbɛjianɔ kɛha nyɔji ni abaafee kpeei lɛ yɛ mli lɛ amli otsii lɛ fɛɛ yɛ Wɔ Maŋtsɛyeli Sɔɔmɔ lɛ mli. Asafoi baanyɛ afee tsakemɔi ni he hiaa yɛ mli koni amɛnyɛ amɛya “Nyɔŋmɔ Toi ni Aaabo” Kpokpaa Wulu nɔ Kpeei lɛ. Kɛ́ ebaahi lɛ, nyɛkɛ minitii 15 asaa atĩa ŋaawoo ni baakɔ nyɛhe ni yɔɔ nɔ ni aŋma ahɔ Wɔ Maŋtsɛyeli Sɔɔmɔ nɛɛ mli lɛ mli yɛ naagbee Sɔɔmɔ Kpee ni nyɛbaafee dani nyɛya kpee lɛ mli. Kpee lɛ sɛɛ nyɔŋ kome loo nyɔji enyɔ lɛ, nyɛkɛ Sɔɔmɔ Kpee (nyɛbaanyɛ nyɛkɛ asafoŋ hiamɔ nii gbɛhe lɛ atsu enɛ he nii) lɛ mli minitii 15 kɛyashi 20 atĩ kpee lɛ mli saji otii ni shiɛlɔi lɛ ena akɛ ehe eba sɛɛnamɔ kɛha amɛ yɛ shiɛmɔ nitsumɔ lɛ mli lɛ mli. Sɔɔmɔ Kpee fã krɛdɛɛ nɛɛ baaha wɔná hegbɛ ni wɔkɛtsɔɔ bɔ ni wɔkɛ nɔ ni wɔyakase yɛ kpee lɛ shishi lɛ tsuɔ nii, kɛ bɔ ni eha wɔshiɛmɔ nitsumɔ lɛ emɔ shi jogbaŋŋ lɛ mli.
Otsi ni Jeɔ Shishi November 14
Lala 220
Min. 10: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Ha akɛ gbɛtsɔɔmɔi ni yɔɔ baafa 8 lɛ atsu nii (kɛ́ ehi ha nyɛsafo lɛ shikpɔŋkuku lɛ) ni akɛfee nɔkwɛmɔnɔ ni tsɔɔ bɔ ni abaafee akɛ November 1 Buu-Mɔɔ kɛ November 8 Awake! lɛ aha. Abaanyɛ akɛ shiɛmɔ wiemɔi krokomɛi ni kɔɔ shihilɛi diɛŋtsɛ ni akɛkpeɔ lɛ he lɛ atsu nii. Yɛ nɔkwɛmɔnɔ lɛ eko fɛɛ eko mli lɛ, tsɔɔmɔ gbɛ̀i srɔtoi ni abaanyɛ atsɔ nɔ atsu mɔ ni tsĩɔ sanegbaa naa kɛtsɔ kɛɛmɔ ni ekɛɔ akɛ “I’m not interested in religion” (Mibɛ jamɔ he miishɛɛ) lɛ he nii.—Kwɛmɔ Reasoning wolo lɛ bf. 16-17.
Min. 10: Oniatsumɔi ní Haa Nyɔŋmɔ Tsui Nyɔɔ Emli. Wiemɔ ni onukpa ko baadamɔ November 1, afi 2005 Buu-Mɔɔ lɛ baafa 26-30 lɛ nɔ eha.
Min. 25: “Jiemɔ Yehowa Yi yɛ Asafo Kpele lɛ Mli.” Asafoŋ woloŋmalɔ lɛ baatsu he nii. Tsĩi kpeei lɛ ateŋ nɔ ni nyɛsafo lɛ baaya lɛ tã. Nyɛsusua kukuji ni yibɔ okadii yɔɔ naa lɛ ahe tamɔ afeɔ Buu-Mɔɔ Nikasemɔ lɛ. Ha nyɛminuu ko ni kaneɔ nii amli lɛ akane kukuji lɛ. Tĩi akrabatsa ni ji “Kpokpaa Wulu nɔ Kpee lɛ He Kaimɔi” lɛ mli.
Lala 8 kɛ naagbee sɔlemɔ.
Otsi ni Jeɔ Shishi November 21
Min. 10: Asafoŋ adafitswai. Wiemɔ July Sɔɔmɔ Akɔntaabuu lɛ he kuku, ní owo mɛi fɛɛ hewalɛ koni amɛkɛ amɛshiɛmɔ he akɔntaabuu lɛ aha mra.
Min. 20: “Jajemɔ Yehowa Anunyam Lɛ.” Kɛ́ nyɛmiisusu kuku 4 lɛ he lɛ, ha toibolɔi lɛ agba niiashikpamɔi kukuji ní amɛkɛtsɔɔ bɔ ni jeŋba kpakpa kpo ni aaajie lɛ baanyɛ agbele gbɛ kɛha odaseyeli lɛ mli.
Min. 15: “Fó Mɛi Krokomɛi Anɔ̃ Mli—Kɛtsɔ Sanesɛɛkɔmɔ Nɔ.” Ha afee nɔkwɛmɔnɔ ko ni miitsɔɔ shiɛlɔ ko ni miikwɛ nɔ ko ni haa aleɔ nɔ ni shiatsɛ lɛ yɔɔ he miishɛɛ, koni no sɛɛ lɛ etsake eshiɛmɔ wiemɔ lɛ mli ní ekɔ shiatsɛ lɛ he.
Lala 67 kɛ naagbee sɔlemɔ.
Otsi ni Jeɔ Shishi November 28
Min. 12: Asafoŋ adafitswai. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ. Kaimɔ shiɛlɔi koni amɛkɛ shiɛmɔyaa he akɔntaabui kɛha November lɛ aha. Ha akɛ gbɛtsɔɔmɔi ni yɔɔ baafa 8 lɛ atsu nii (kɛ́ ehi ha nyɛsafo lɛ shikpɔŋkuku lɛ) ni akɛfee nɔkwɛmɔnɔ ni tsɔɔ bɔ ni abaafee akɛ November 15 Buu-Mɔɔ kɛ November 22 Awake! lɛ aha. Abaanyɛ akɛ shiɛmɔ wiemɔi krokomɛi ni kɔɔ shihilɛi diɛŋtsɛ ni akɛkpeɔ lɛ he lɛ atsu nii. Tsĩi oniatsumɔ gbɛjianɔtoo lɛ tã.
Min. 15: “Mɛɛ Gbɛ Nɔ Wɔɔtsɔ Wɔye Wɔbua?” Wiemɔ ni abaaha. Okɛ mɔdɛŋ ni Yehowa tsuji ebɔ kɛye amɛbua amɛnanemɛi heyelilɔi ni eyaje fimɔ ni naa wa mli lɛ he nɔkwɛmɔnii fioo aha. (Kwɛmɔ Awake! ni nyiɛ sɛɛ nɛɛ amli, August 8, 2003, bf. 10-15; November 22, 2002, bf. 19-24; kɛ October 22, 2001, bf. 23-27. Obaanyɛ okɛ wɔwoji lɛ amli saji krokomɛi atsu nii.) No sɛɛ lɛ okɛ amɛ asusu saji otii titrii ni jeɔ kpo yɛ sane ni yɔɔ Wɔ Maŋtsɛyeli Sɔɔmɔ nɛɛ baafa 7 lɛ mli lɛ ahe. Maa nɔ mi akɛ kɛji akɛ mɔ ko miisumɔ ni ekɛ shika ake ni akɛye abua mɛi ni oshara eba amɛnɔ loo mɛi krokomɛi lɛ, ebaafee nɔ ni hi jogbaŋŋ akɛ ekɛ shika nɛɛ aaaha ni akɛtsu jeŋ muu fɛɛ nitsumɔ lɛ.
Min. 18: Sanekpakpa lɛ Shiɛmɔ yɛ December. Wiemɔ kɛ toibolɔi ni akɛaagba sane. Okɛ minitii enumɔ ati saji otii ni nyiɛ sɛɛ nɛɛ, ni je kpo yɛ January afi 2005 Wɔ Maŋtsɛyeli Sɔɔmɔ lɛ baafa 8 lɛ ni hiɛ saneyitso akɛ “Bɔ ni Akɛ Shiɛmɔ Wiemɔi ni Akɛhaa lɛ Tsuɔ Nii” lɛ mli lɛ mli kɛkpa wiemɔ lɛ hiɛ: (1) Bei pii lɛ shiɛmɔ wiemɔi lɛ baanyɛ amɔ shi jogbaŋŋ kɛ́ wɔkɛwo wɔ diɛŋtsɛ wɔwiemɔi amli. (2) Esa akɛ wɔkɛ nilee atsu nii ni wɔtsake wɔshiɛmɔ wiemɔi lɛ ahiɛ yɛ bɔ ni mɛi baakpɛlɛ nɔ yɛ he ni wɔyɔɔ lɛ naa. (3) Esa akɛ wɔsusu mɛi ni yɔɔ wɔshikpɔŋkuku lɛ mli lɛ ashihilɛ kɛ amɛsusumɔi ahe. (4) Esa akɛ wɔkane sane loo saneyitso ni wɔsaa wɔhe akɛ wɔkɛbaatsu nii lɛ jogbaŋŋ ni wɔtao saji ni baatee mɛi amiishɛɛ shi. (5) Esaaa akɛ wɔkɛ shiɛmɔ wiemɔi ní akɛhaa lɛ pɛ tsuɔ nii. No sɛɛ lɛ nyɛgbaa gbɛ nɔ ni abaatsɔ akɛ saji otii nɛɛ atsu nii kɛji ákɛ akɛ wolo ni akɛbaatsu nii yɛ December lɛ miiha lɛ he sane. Obaanyɛ okɛ shiɛmɔ wiemɔi ni akɛha yɛ nɔ ni aŋma ahɔ January afi 2005 Wɔ Maŋtsɛyeli Sɔɔmɔ lɛ mli lɛ loo shiɛmɔ wiemɔi krokomɛi ni baahi aha nyɛ lɛ atsu nii. Ha akɛ shiɛmɔ wiemɔi lɛ ekome loo enyɔ afee nɔkwɛmɔnɔ.
Lala 123 kɛ naagbee sɔlemɔ.
Otsi ni Jeɔ Shishi December 5
Min. 5: Asafoŋ adafitswai.
Min. 20: “Wɔshikpɔŋkukuji lɛ ní Wɔɔto He Gbɛjianɔ ní Wɔtsu Mli Nii Jogbaŋŋ.” Onukpai asɛinɔtalɔ lɛ baatsu he nii.
Min. 20: “Nɔ ni Wɔshiɛmɔ Nitsumɔ lɛ Tsuɔ.” Kɛ́ nyɛmiisusu kuku 5 lɛ he lɛ, okɛ February 15, afi 2004 Buu-Mɔɔ lɛ baafa 32 lɛ mli wiemɔi afata he.
Lala 26 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.