Ara Atureti ae Kakawaraki n te Internet—Kabongana n Am Mwakuri ni Minita
Kaungaia Aomata Bwa A na Kabongana te Atureti Aei: A kukurei aomata tabeman aika a aki kan ongora n ara rongorongo ke a aki kani butimwaea ara boki, ni kakaaea rongorongoia Ana Tia Kakoaua Iehova n te atureti ae jw.org ngkana tii ngaiia ni mwengaia. Mangaia are taekina te atureti aei nakoia aomata n taai ake e angaraoi iroum.
Kaekaan Titiraki: N taai tabetai ao e kona kaain te auti, te aomata ae kan ongora, ke te aomata ae ko rangi ni kinaa, n titiraki ibukia Ana Tia Kakoaua Iehova ke ibukin ara koaua. Kaota nakoina kaekaan ana titiraki n te tai naba anne, man te tareboon ae uouotaki ke te kaombiuta. N angiin te tai, e nakoraoi riki ngkana ko a wareki naba kiibu man te Baibara. Ngkana e aki toma am tareboon ae uouotaki ma te Internet, ao kabwarabwaraa nakon te aomata anne aroni kabonganaan te atureti ae jw.org ibukini kakaaeani kaekaan ana titiraki.—Nakon te taeka ae “Bible Teachings/Bible Questions Answered ke About Us/Frequently Asked Questions.”
Kanakoan te Kaongora ke te Boki Nakon Temanna ae Ko Kinaa: Kanakoa te PDF ke te EPUB ae ko a tia n download nakon ana meeri temanna, ke download nakon te CD kanoan te boki are e a tia n raweaki n te bwanaa. Ni katoaa te tai are ko angan iai te aomata ae e tuai ni bwabetitoaki te boki ae bwanin raoi kanoana, te boroutia ke te maekatin rinanon te Internet, ko riai n taua mwina. Ko riai ni kaotiko nakon te aomata are ko kanakoi booki nakoina ao n uaa tabeutai ni kanakoi nakoina. Ko aki riai n upload nakon atureti riki tabeua n te Internet.—Nakon te taeka ae “Publications.”
Kaotii Rongorongo Aika Boou Ibukia Ana Tia Kakoaua Iehova: A na buokaki n aei aomata aika ko reirei n te Baibara ma ngaiia ao tabeman riki ake ko kakawariia, bwa e na rikirake aia kakaitau ibukin ara mwakuri ni katobibia te aonnaba ao katiteuanaakira ni Kristian. (TaiAre. 133:1)—Nakon te taeka ae “News.”
[Diagram n iteraniba 5]
(Ibukini bitakin taeka, nori booki)
Kataia
1 I aan te taeka ae “Publications,” kakaaei baika a mena i nanona ae ko kan download, ao kotei bwaoki mai nano aika uarereke ibukin te kaongora ae ko kani warekia ke te bwaana ae e a tia n raweaki ae ko kan ongoraea.
2 Kotea MP3 n nori iai kaongora aika karinanaki. Kotea atun te kaongora ae ko na download ke kotea ▸ n ongoraeia n te Internet.
3 Rinea te taetae teuana man taetae aika karinanaki ikai, ngkana ko kan download te boki n te taetae anne.