Lé Kpẹ̀a E Máátìù Beè Emí
1 Kpá ea nootẽ́* nú ea kil ló Jíízọ̀s Kráìst,* nvín Dévìd, ea dú nvín Ébràhám̀:
2 Ébràhám̀ beè dú tẹ̀ Áízìk;
Áízìk à dú tẹ̀ Jékọ̀b;
Jékọ̀b à dú tẹ̀ Júdà nè pá a vígà págbálà;
3 Júdà beè dú tẹ̀ Pírẹ̀z nè Zírà vaá ba kà beè kọ̀là Témà;
Pírẹ̀z beè dú tẹ̀ Hẹ́zròn;
Hẹ́zròn à dú tẹ̀ Rám̀;
4 Rám̀ beè dú tẹ̀ Àmínadàb;
Àmínadàb à dú tẹ̀ Náshòn;
Náshòn à dú tẹ̀ Sálmòn;
5 Sálmòn beè dú tẹ̀ Bóàz, vaá a kà beè kọ̀là Réhàb;
Bóàz à dú tẹ̀ Óbẹ̀d, vaá a kà à kọ̀là Rúùt;
Óbẹ̀d à dú tẹ̀ Jẹ́sì;
6 Jẹ́sì beè dú tẹ̀ Méné Dévìd.
Dévìd beè bòn Sólomòn gbàà vaà Yùráíà;
7 Sólomòn beè dú tẹ̀ Rèhòbóàm;
Rèhòbóàm à dú tẹ̀ Àbáíjà;
Àbáíjà à dú tẹ̀ Ésà;
8 Ésà beè dú tẹ̀ Jèhóshafàt;
Jèhóshafàt à dú tẹ̀ Jèhóràm;
Jèhóràm à dú tẹ̀ Ùzáíà;
9 Ùzáíà beè dú tẹ̀ Jótàm;
Jótàm à dú tẹ̀ Éhàz;
Éhàz à dú tẹ̀ Hèzìkáíà;
10 Hèzìkáíà beè dú tẹ̀ Mànásà;
Mànásà à dú tẹ̀ Émòn;
Émòn à dú tẹ̀ Jòsáíà;
11 Jòsáíà beè bòn Jèkònáíà nè pá a vígà págbálà besĩ́ bà kalá sii pá Júù kilma Bábilọ̀n.
12 Tṍó e ba ni síí va kilma Bábilọ̀n, Jèkònáíà beè bòn Shìátìẹ̀l;
Shìátìẹ̀l à dú tẹ̀ Zèrúbabẹ̀l;
13 Zèrúbabẹ̀l beè dú tẹ̀ Àbáíọ̀d;
Àbáíọ̀d à dú tẹ̀ Èláíakìm;
Èláíakìm à dú tẹ̀ Ézọ̀;
14 Ézọ̀ beè dú tẹ̀ Zédọ̀k;
Zédọ̀k à dú tẹ̀ Ékìm;
Ékìm à dú tẹ̀ Èláíọ̀d;
15 Èláíọ̀d beè dú tẹ̀ Èlìézà;
Èlìézà à dú tẹ̀ Mátàn;
Mátàn à dú tẹ̀ Jékọ̀b;
16 Jékọ̀b beè dú tẹ̀ Jósẹ̀f, ea dú dóm Mérì, ea dú kà Jíízọ̀s, ea kọlà Kráìst.
17 Dénè kúúlí ea beè dì lọl boo kpóó tọọ̀ Ébràhám̀ tẹlẹ boo kpóó tọọ̀ Dévìd beè toolá 14 kà kúúlí; lọl boo kpóó tọọ̀ Dévìd tẹlẹ tṍó e bà síi pá Júù kilma Bábilọ̀n à toolá 14 kà kúúlí; lọl tṍó e bà síi pá Júù kilma Bábilọ̀n tẹlẹ tṍó e Kráìst meà à toolá 14 kà kúúlí.
18 Nee nú ea beè naaá besĩ́ Jíízọ̀s Kráìst à kalá mèàí. Tṍó e Jósẹ̀f beè zọ̀ Mérì bilá ló ílà dóm nè va, nyómá káí beè naa kọọ̀ Mérì á niiná gbàà besĩ́ Jósẹ̀f nè ẹ̀ẹ̀ à kalá ilá. 19 Sõò boo béè kọọ̀ Jósẹ̀f ea géè gbĩ́ gè ilíeá beè dú neǹ lé lab dògò vaá náa beè gbĩ́ gè siimàe kẹ́ẹ, a beè gbóó noo gè gũá sọ̀ẹ bá. 20 Sõò tṍó ea ni bugi togó naa vó lọ̀l, nyómá tóm Jìhóvà* beè gbóó sìlàẹ́ ló mm̀ gyáálá vaá kọ́ nèe kọọ̀: “Jósẹ̀f, nvín Dévìd, pọ̀ á gá sií ni ló gè ilí Mérì,* boo béè kọọ̀ nyómá káí ní ea beè naa kọ á niiná gbàà ẹ. 21 À é man nvín págbálà vaá ò é kólíe Jíízọ̀s,* boo béè kọọ̀ à é duulà pá a gbò lọl bá ba náàkyọ̀.” 22 Dénè nuí beè naaá kọbé à ḿm̀-mè nú e Jìhóvà* beè kọ́ tenmá gã́ a neǹ kọ́ọ̀ bùlà Bàrì kọọ̀: 23 “Ẹ̀b! Nvín pá nyáá ea gáà si ló págbálà é nííná gbàà vaá à é man nvín págbálà, vaá bà é kólíe Ìmánuẹ̀l,” ea tõó dọ̀ “Bàrì Dìí Ló” tṍó e bà tab.
24 Tṍóá, Jósẹ̀f beè gbóó kẽ̀èà aa dáá vaá naa nú e nyómá tóm Jìhóvà* kọ́ nèeá. À gbóó faalá a va kilma tọ. 25 Sõò náa beè zọ̀ẹ mààa kẽ dọ̀ọ̀mà tṍó ea man nvín págbálà, vaá a beè kolíe Jíízọ̀s.