Meé Nía Dú Kàkà Bàrì e?

À íe kóló tèènèkà kàkà Bàrì ea dì, vaá a bée kọlà Jìhóvà. (Psalm 83:18) Ẹlẹ dú Nyómá, beele néé láá mòn ẹlẹ. Ẹlẹ vulè beele vaá à gbí kọ beele é vulè nàè gé ẹlẹ. Ẹlẹ gbí kọ beele é vùlè nàgé dõòna gbò. (Máátìù 22:35-40) Ẹlẹẹ̀ Nen ea Bọọ lọ̀l vaá à lee, Nen ea Dem dénè nu.

Túákà zẹ̀ẹ̀ gbò nu e Bàrì beè dèm be bèè enèkà nen ea di mm̀ nyómá ea bọọ, e sẽ́ e tṍó téní aẹ̀ dú gè nyimá e ló kolíe Jíìzọ̀s Kráìst. Jìhóvà bèe dèm nàgé gbò nyómá tóm.

Jìhóvà beè dèm kọ̀láá kà nu ea di káála . . . nè boo kunukẽ̀í. Kùùà Nu 4:11

Jìhóvà Bàrì beè dèm gbò gyã́à káála, biíló kunùkẽ̀í, nè dénè nu ea di boo.—Jénesìs 1:1.

A beè dèm Ádàm, ẹẹ túákà págbálàa, lọl gbàà dúu mm̀ kunùkẽ̀. —Jénesìs 2:7.