Naa Kọọ̀ Kà Ea Di Mm̀ O Bel Á Dọ Bàlà Kẽ

Próvẹẹ̀b 3:21

GE KỌ́ MM̀ ŃKPULU BÁ: Nvèè bá nè gbò e bà gé pãané ni tṍ ló kọ bàá dã́tẽ́ ló bé o togó bel tọ́á ló ba di dùm naa, vaá ò kọ́ nè va bé e bàé láá tú nú e bà nó siimá tóm naa.

BÉ EO É NÁA NAA:

• Bugi togó boo gbò e bàé pãané ni tṍ ló. Bugi togó boo nú ea náa vaá gbò e bàé pãané ni tṍ ló à ié bíi ló gè dã́ nakà belí nè gá ea di m ea é palàge nvèè bá nè va.

• Lọl dààmà togó tẹlẹ kùbmà o lòbèl, naa kọ bàá nyimá ló nú e bàé náa. Lọl dààmà togó, naa kọọ̀ buù nen eo gé ló bel nè á nyimá kọọ̀: ‘Nakà belí é nveè bá nè nda.’ Tṍó eo gé ló bel boo buù kà gáá, kọ́ sĩ́deè e bàé láá tú siimá tóm. Ó gá dõogẽ tení kpá boo mm̀ o lòbèl.