GE TÕÓ DÙM DÌ BELÍ GBÒ E BÀ GÉ NYOONE NVÉÈ KRÁÌST

Nvèè Bá Nè Pá O Nvín Kọ Bàá Toní Kàà Agẹ Zìgà Mm̀ Ẹẹ Neǹ Dèm Nù Ã

Gbò dèm nù ólò kọ́ bọ́ọ́-bọọ̀ Jìhóvà. (Ps 19:1-4; 139:14) Kọ̀láá bé ea dì naa, nakà bàlà boò Pọ́lọ́ Nyómáí dalà kpãa ló nòòtẽ́ ea kil ló bé e dùm beè dààmà togó naa mm̀ sĩ́deè e bè náa nveè ka ló Bàrì. (Róm̀ 1:18-25) Mósĩ́ deè ní eo é láá kpèg íb gbò bugí kọbé náa síi kúm mm̀ nyíe àbèè bùlà pá o nvíné? Nvèè bá nè va tṍó e bà di dí ńkem kọ bàá ié zìgà kọọ̀ Jìhóvà dì, vá à gé bulà nú ea kil ló buù ọ̀bvà. (2 Kọ́r 10:4, 5; Ẹ́fẹ 6:16) Pììgà ge dã́ ba bùlà ea kil ló nú e ba beè nó gbẹá tọọ̀ kpá, vaá ò tú gbò kpá ea ni dọ́ bàlà kẽ nvèèmà bá nè va.—Pró 20:5; Jém̀z 1:19.

Ene kà tẹ̀ ea gé nóòmà nu pá a nvín nú ea kil ló dèm nù; bà ólò noòmà kọọ̀ nen beè mèà aa mm̀ dõona íb nu gbẹá tọọ̀ kpá; Nú E Pá O Kóò Kọ́—Ziga Ló Bàrì

Ẹ̀B VÍDIÒ EA KỌLÀ: NÚ E PÁ O KÓÒ KỌ́—ZIGA LÓ BÀRÌ, VÁ Ò ÁÁLÁ NA GBÒ BÍBVÍ:

Éé ní ea dú kyáá nòòtẽ́ ea kil ló gè ziga ló Bàrì e?
Éé ní e bà ólò noomà gbẹá bọọ tọọ̀ kpá ẹ́?
Éé ní e olo élà boo zìgà kọọ̀ Jìhóvà dì e?
Mósĩ́ deè ní e olo é láá nvèèmà bá nè nen kọ á bugi togó kọọ̀ Jìhóvà ní ea beè dèm dénè nu ẽ́?

DÕONA KÀ GBÒ NUÙ TÓM EA DÌ:

• Gbò nú ea ólò di boo JW.ORG “Ńdáà Gbò Nú Em Nóò Lọl Mm̀ Kpá Káí” (Lọl boo 3 gbáá kilma kẽ)

• Vídiò ea kọlà Dú Kóò Jìhóvà—“Jìhóvà . . . Ní Ea Beè Dèm Dénè Nu Ẽ́”

• Gbò nú ea ólò di mm̀ Awake! “É Kọọ̀ Ba Beè Dèm Gé?

• Gbò nú eo é láá siimá tóm ea di boo JW.ORG “Éé Ní Ea Náa Vaá m̀ Ziga Ló Bàrì E?”

• Gbò nú ea ólò di boo JW.ORG “Bàrì Beè Dèm Nu sẹ̀ Nu Beè Mèà Aa Mm̀ Dõona Íb Nu Ẽ́?” (ténì kpò vídiò)

• Gbò vídiò ea di boo JW Broadcasting “Gbò Gá Ea Ló Bel Boo Bé E Di Dùm Beè Dààmà Togó Naa”

• Vídiò The Wonders of Creation Reveal God’s Glory

• Bróshọ̀ Was Life Created?

• Kpá Is There a Creator Who Cares About You?