Sĩ́deè Ge Duumá Kà Lé Nvín Nò Kpá Káí

É kọọ̀ àé léémá ni gè bọ́ló dẹ̀lẹ̀ nyíé boo belí Dányẹ̀l tṍó eo di kèbá ẹ̀bmà? Dányẹ̀l beè olòó tú kà agẹbá noomá Kpá Káí, bii ló gbò kọ́ọ̀ bùlà Bàrì ea beè tàvàlà gè dã́tẽ́ ló. (Dán. 9:2) Ge nó Kpá Káí leevè é nveè bá nè ni kọ ó láá bọ́ló dẹ̀lẹ̀ nyíé. Mósĩ́ deè e? Àé agẹlẹ ló o zìgà mm̀ gbò nu e Jìhóvà zigà kọ àé nááá. (Jós. 23:14) Àé láá nvèè nàgé bá nè ni kọ ó kpáá palàge vùlè Bàrì, vaá siè ni kpóó ló kọ ó naa nú ea dú lé. (Ps 97:10) Sõò ãàe ní eo é daamà togó lọ̀lẹ? Bugi togó boo nakà gbò lọ̀ọ̀gà bugí.

• Éé ní em é nóé? Kàà lé bá gè noomá nu dú gè kpoogá dee ló nyòòmà nònù. Ge bugi Kpá Káí ea dì nè buù sè é palàge nvèè bá nè ni be ò gbĩ́tẽ́ ló gbò gá e bè nóo dã́à tẽ́ ló. Gbá ló níá, sìgà gbò a bééláfùl ge nó nu ea kil ló gbò kọ́ọ̀ bùlà Bàrì ea di mm̀ Kpá Káí, gbò gá ea di ló ẹẹ ból súú nyómá káíá, bé e neǹ tóm Pọ́ọ̀l beè sí tóm kọ̀ kpèa aa dó dọ dó naa, àbèè gbò nú e monmà dẽe e Jìhóvà beè dèm gì. Be à íe tṍó e nyíé ni dọ́ boo ene kà bíb ea dẹẹ̀a boo Kpá Káí, emí sẹlẹ́ kẽ vaá ò bugi togó boo dõona tṍó eo é kpáá nó Kpà Káí.

• Ãàe Ní Em É Láá Gbĩ́tẽ́ Ló Nu Lọ̀lẹ? Òó láá ẹ̀b vídiò ea kọlà: Gbò Nuù Tóm Ge Kpoomá Tẽ́ Ló Gyọ́-Gyọ́ Ló Nu Ea Di Mm̀ Kpá Káí. Ge ẹ̀b bé eo dã́à tẽ́ ló naa, gbĩ́tẽ́ ló nu ea doà bá gbò kpóó bẹbẹ̀l bàlà boo e kpá Dányẹ̀l 7 togó ló bel kilma lóá.

• Gã́bug tṍó ea tõò vàẹ ní e nda é nvee mm̀ ge noomá nué? Ge olòó nó nu dú nú ea é nveè bá nè ni kọ ó fã̀ Bàrì. Òó láá dààmà togó gè tú ńkem̀ tṍó noomá, tṍó e tṍó gé kilsĩ́ òó gbóó láá tú gã́bug tṍó nvee m. Ge nó Kpá Káí dì belí gè gbĩ́ gyọ́ e bà gṍ mm̀ kunukẽ̀; bé eo gé gbĩ́ gbò gyọ́í naa, níà bé ea é tan ni gè kpáá gbĩ́ naaé! (Pró. 2:​3-6) O tàn nyòòmà ge bugi Kpá Káí é gbóó dọ ló, vaá gè olòó nó Kpá Káí é gbóó dú báàsĩ́ ló o dùm.​—1 Pít. 2:2.

ÉÉ NÍ E GBÒ NOM̀ KỌ̀L EA DI MM̀ KPÁ DÁNYẸ̀L 7 TOGÓÁ TÕÓ DỌ̀Ẹ?

• 

  Dán. 7:4

• 

  Dán. 7:5

• 

  Dán. 7:6

• 

  Dán. 7:7

PỌ́Ì DÕONA KÀ BÍB:

Mósĩ́ deè ní e Dányẹ̀l 7:​8, 24 beè mm-máé?

DÕONA KÀ NU GÈ NÒ:

Éé ní e gbò nom̀ kọ̀l ea di mm̀ kpá Kùùà Nù 13 togó tõó dọ̀ẹ?