Ó Gá Tãagei Bọọ Bùlà

Jíízọ̀s beè ló bel gbẹá mm̀ a Lòbèl boo Gùa kọọ̀: “Ó gá tãagei bọọ bùlà.” (Máát. 6:25) Boo tṍó ea dú nú ea é íè ge naaá kọọ̀ sìgà tṍó gbò nen e bà náa gbõoma é láá ié tã̀àgã̀ bùlà mm̀ bàlà boò Sétàní ã́, Jíízọ̀s géè noòmà gbò e bà ólò nyoonée nvée kọ bàá gá tãagẽ ba bùlà zelmá kẽ. (Ps. 13:2) Ló éé? Boo béè kọọ̀ ge bọ̀ọ̀gẹ̀ tãagẽ bẹẹ bùlà nyòòmà bíi ea dìí ló buù dee é láá dùlii, vaá naa kọ á tàvàlàí ló gè gbĩ́ Boǹ Méné Bàrì naamá túá kà. (Máát. 6:33) Gbò bel e Jíízọ̀s beè kpáá lò é nveè bá nèi kọ é gá bọọgẹ̀ tãagẽ bẹẹ bùlà.

• Máát. 6:26​—Éé ní e beele é láá nó lọl ló gbò ńnóm pẹ̀ẹ̀ ẹ? (w16.07 9-10 ¶11-13)

• Máát. 6:27​—Éé ní ea náa vaá gè dõogẽ tãagẽ bẹẹ bùlà à dú gè pee tṍó nè kói é? (w05 11/1 22 ¶5)

• Máát. 6:​28-30​—Éé ní e beele é láá nó lọl ló gbò víl ea di boo bàlà ól é? (w16.07 10-11 ¶15-16)

• Máát. 6:​31, 32​—Mósĩ́ deè ní e gbò e bà gé nyoone nvéè Kráìst dú kele ló gbò e bà di bàlà booí é? (w16.07 11 ¶17)

Gbò éé ní em gbĩ́ì ge kùb ge tãagẽ nà bùlà kílma ló é?